Mąątɛ̨nɛ̨ 72:1 - Yálá laawoo hɛɓɛ (dc)

¹ Salomɔn woo ka. Yálá, ə́ wɔ kiti tee hvilii tɛɛ tɔɔmun bɔ, ə́ wɔ tələnmolaa tɛɛ dɔɔmun non ŋɛ̨i pɔ.

Yálá laawoo hɛɓɛ

¹ Salomɔn woo ka. Yálá, ə́ wɔ kiti tee hvilii tɛɛ tɔɔmun bɔ, ə́ wɔ tələnmolaa tɛɛ dɔɔmun non ŋɛ̨i pɔ.

Bible

¹ Tɔ̃yâ mɛni ƃó táre tɛ̀ɛ gâloŋ pɔ́ a gɛɛ gɛ́ mɛni ŋáa tée a tɔ̃yâ-pere óo Ɣâla. Ítɔ̃yâ-laai lɛ́ m̀a.

Mąątɛ̨nɛ̨ 72:1 Iomraidhean Croise

Samia Veerɛi 23:3

Israɛlə nwɔ Yálá ɓə mo, Israɛlə nwɔ kwɛnii ɓə mo mą́ą́, yɛ mą́ą́: «Nui a tɔɔlaa kɛ nuą nwun mɛ̨i a tələnmolaa, yɛ ŋaawooɓo kɛ a Yálá nwɔ ɲɛ̨i ɲɔw maa laa, gɛ pələ kaa yɛ yələwala pɔ kɛɛ pɔ̨nɔ̨, ɓɛlɔwai hvóló a muhəɠə la,

Tɔɔɓɛlaa dɔlɔɔ 1:39

Ɉuwɔ mįnɛ̨i nwulɔ ə kɛ ɉu gələ mu, ɉaláá laa həli mun Sadɔkə ə ɉəɠə, ə bu Salomɔn nwuɔ̨, ə mąąti, ə gɛ a tɔɔmun. Di dulú hvɛɛ, nu kəlee di tomą, diɛ kɛ mą: «Tɔɔmun Salomɔn yii ə kwɛa!»

Tɔɔɓɛlaa dɔlɔɔ 3:9

Yii mąą nɛ̨ɛ̨ ə́ dɛɛ ə́ wɔ luwɔi pɔ, ya ɓaa: Ə́ kili tɛɛ bɔ, da mɛ̨nį ɲąą kaa, yɛ pɛli mɛ̨nįɠaa gulɔ nɔwai kɔ́lɔn ɉii la, ə gɛ, ə́ wɔ nu kpului ŋɛ̨i mąą mɛ̨nį nwąną yɛ́, ə tɔɔ la di ɲɛ̨itɔwɔ.»

Kɔlɔnikɔ Maa-ŋuŋ 18:14

Davidə ə heeɓo laa kɛ Israɛlə kəlee nwun na. Ə kɛi nwɔ nuąi hutɔɔ a tələnmolaa, da kwəi kwələlaa.

Kɔlɔnikɔ Maa-ŋuŋ 22:9

Yii yáá lon ɉulɔnu kaai, yaa ɓə pai liilaa lɔi nɔi, gáá pai liilaa lɔi da gwɛlɛ lɔiɠaa di lɔwai. Naa ɓaa pai kɛi a Salomɔn. Yaa tii nwɔ hvólói hu ɓə Israɛlə kaa pai liilaa hɔlɔɓoi la.

Kɔlɔnikɔ Maa-ŋuŋ 29:19

'Kili lɛlɛɛ tɛɛ nón Salomɔn pɔ, yɛ pɛli, ə́ wɔ Tíɓoɠaai, ə́ wɔ tɔ́nnwooɠaai, da ə́ wɔ lɔi hon bələ mąą yɛlɛ kɛi, yɛ gəlee pɔ túwɔ́ ɓo, ɛlɛɛ bɛlɛ́i ŋɛ̨i ŋį́ dɔɔ-hɛnŋaa ɲąąkpɔn, yɛ dɔɔ.»

Kɔlɔnikɔ Veerɛi 1:10

Gɛ́, ə́ mɛ̨nį hukpɛ kili tɛɛ bɔ́ da ɲąąkaa kili, gɛ́ pɛli ɉíɛ pələ ɲɛlɛkɛi nɔi lonnii ɲɛ̨i ɓa. Gbala ə tɔɔ, nu ta lɔpee hva pɛli ə́ nwɔ nu huwu kɛnɛ̨i ŋɛ̨i ɲąąwooɓoi.»

Mąątɛ̨nɛ̨ 127:1

Ɲee mąąhɛɠɛɛ tɛ wələ. Salomɔn nwɔ wələ. Pɛlɛ́i Yai-Laa laa hvo dɔɔ mɛ̨nį hu, dɔɔ nuą kaa kpɛli kɛlɛi. Yai-Laa a wala ɲɛ̨i kɛ taa ɓa, nuąi mąąkpɛi, di kaa yíikpəlin ɉəɠəi kpɛli-kpɛli.

Azaya 11:2

Yai-Laa nwɔ Kilii kaa pai kɛi a naa mɛ̨i a yələ kəlee mɛ̨nį, gaa a mɛ̨nį hukpɛ kili da mɛ̨nį ɲąą kaa, yə ɓo a liɛwoo kili, da huwalawala kili, ya ɓə a Yai-Laa lɛ nuą diɛ, diɛ ɲɔw mą mąąwiɛ laa hu.

Ɉaan 3:34

Yaan, nui ɲɛ̨i Yálá ə dɔɔ, a Yálá mąą mɛ̨nį ɓo, mąąhɔlɔɓo, Yálá a Kili kəlee tɛɛ bɔ.