Mąątɛ̨nɛ̨ 67:4 - Yálá laawoo hɛɓɛ (dc)

⁴ Nu kanŋaa di 'ə́ hɛɠɛɛɓo, Yálá! Nu kanŋaa, 'di pɛlɛ di kee ɓa, 'di ə́ hɛɠɛɛɓo!

Yálá laawoo hɛɓɛ

⁴ Nu kanŋaa di 'ə́ hɛɠɛɛɓo, Yálá! Nu kanŋaa, 'di pɛlɛ di kee ɓa, 'di ə́ hɛɠɛɛɓo!

Bible

⁴ Tɔɔ ǹɔii-ŋûŋ-ŋai su-ƃela dí lii-nɛ̃ɛ kula dí wule tóo, kpɛ́ni fêi, ya mɛni ŋá tèe a tɔ̃yâ-pere, íkɛ ǹûai mɛi kâa ŋ̀éniɛi gwaa kélee ma.

Mąątɛ̨nɛ̨ 67:4 Iomraidhean Croise

Zɛnɛse 18:25

Gílí kaa ɉu gɛ́ diɛ́, hvá pɛli mą. Hvá hvaa mą, nuąi hɔn və diɛ, da hɔn mąą nuą, hvə́ di nwun na pili a gee. Nui ŋɛ̨i a yɛnɛ̨ɛ̨ mɛ̨nįɠaa kəlee kitii tee, hva hvaa mą, hvo tələnmomun nwun na pili.»

Mąątɛ̨nɛ̨ 2:8

Ɉu hvɛli mą́ą́, ŋą́ lɔi kəlee tɛɛ ə́ pɔ a ə́ kwɛlin, ŋą́ yɛnɛ̨ɛ̨ kəlee tɛɛ ə́ pɔ a ə́ wɔɔ.

Mąątɛ̨nɛ̨ 82:6

«Gáá kpɔ moi kaa: yáláɠaa ɓaa a kaa, ka káá kpɔ a yələkɔlɔn ɉu Yálá lonnii.

Mąątɛ̨nɛ̨ 9:8

Yai-Laa nwɛi, gaa laa a yələ kəlee, aa nwɔ tɔɔ kpəlin hee kpɔ tin-tin, kiti mɛ̨nį ɓa.

Mąątɛ̨nɛ̨ 96:10

'Ka mo lɔi kəlee hu kaa diɛ: «Yai-Laa ɓə a Heeɓomun. Ə lɔi hvilɛn gbɔ gbilin, tumun və mą. Yai-Laa a nu huwuɠaa kiti tee tɛ̨ą pələ mɛ̨i.»

Mąątɛ̨nɛ̨ 98:9

'Ka gɛ tii Yai-Laa tɔwɔ, mąąhɔlɔɓo, gaa pai lɔi kiti teei, gaa pai yɛnɛ̨ɛ̨ kiti teei a tələnmolaa, ə mą kɛ nu huwuɠaa.

Azaya 54:1

'Toma a kwəinɛ̨ɛ̨ kpoma nɛ̨ą, yɛ́i hvo kɛi lon gaa, 'pili yələi a kwəinɛ̨ɛ̨, ə́ mąną, yɛ́i hvo kɛi lon gwəi nwąną kɛ, mąąhɔlɔɓo, nɛ̨ɛ̨nui kɛ daa gulɔ lɔwɔi, nonnii kpulu tamąąi di tɛɛ hilɛ tai nɛ̨ą ɓa; Yai-Laa woo li.

Azaya 55:4

Hvo gaai ŋą́ą́ gɛ a kɛlahvaa ɓomun nu takpɛliɠaa diɛ, a ɲąąwooɓo kɛ mun, a lɔiɠaa tənən dɔɔ mun.

Azaya 60:6

Ɲɔ̨ɔ̨mɛ̨ɛ̨ kpulu kaa pai kɛi ə́ wɔ lɔi hu kpɔ kɛnɛ̨, diɛi a Madian da Eifa ɲɔ̨ɔ̨mɛ̨ɛ̨ɠaa, Saba nuą kəlee diɛ pa, diɛ pa a hɛni da lansan, diɛ Yai-Laa mąątɛ̨nɛ̨ wələɠaa too.

Gɛlaɠaa 17:31

Hvo gaai, aa kuu ta hee, yɛ gaa pai yɛnɛ̨ɛ̨ nuą kəlee kiti teei a ɉaŋąa, a Nui ə ɉəɠə ɉu. Ə nɛ nu kəlee ɓa, yɛ mɛ̨nįi tii hvo pai ɉəɠəi mą, a nui ə nwun, ə gulɔ haa nuą lɔwai.»

Lomaŋ 2:5

Kɛlaa, ə́ wɔ kili walawala pələ, da ə́ wɔ lii ɲɔ̨n bələ ə́ gwəi, hvó bɔ hvo ə́ wɔ túwɔ́ pələ ɲɔ̨nŋąa mąąhvalin. Yili ɓa, Ɲələi Yálá kaa pai nwɔ kiti haŋąai teei la, akɛ tii, ə́ kaa Yálá nwɔ liiholui ɲąątɔɔi ə́ kpɔwɔ ɓa;

Galatə 4:27

Hvó gaai, ɉɛɓɛ́ yɛ: «'Ə́ kwəinɛ̨ɛ̨ kpomąnɛ̨ą, yɛ́i lon gaai hvo kɛ yɛ́, 'pili yələi, ə́ tómą a kwəinɛ̨ɛ̨, yɛ́i hvo kɛ lon gwəinwąną kɛ li, mąąhɔlɔɓo, nɛ̨ɛ̨nui daa gulɔ lɔwɔi, nonnii kpulu tamąąi, di tɛɛ hilɛ tai-nɛ̨ą ɓa.»

Dutɛrɔnome 32:43

Yɛnɛ̨ɛ̨ nąą kəlee ə ɲee lɔwa nwɔ nu huwui ɓa. Mąąhɔlɔɓo, gaa pai nwɔ tínuą nwąną kulɔi, gaa pai nwąną kulɔi gɔyɔwɔɠaa diɛ; Yɛ nwɔ lɔi da nwɔ nuą mąąhəɠə.