Mąątɛ̨nɛ̨ 57:8 - Yálá laawoo hɛɓɛ (dc)

⁸ Ną́mu Yálá, níi laa gwə́i, níi laai kpɔ gwə́i gɛ́ wələ too.

Yálá laawoo hɛɓɛ

⁸ Ną́mu Yálá, níi laa gwə́i, níi laai kpɔ gwə́i gɛ́ wələ too.

Bible

⁸ Ŋámɔ̂leŋ, íŋɛi lá ƃó. Ŋakɔnîŋ da ŋá ƃɔɔi, ka káŋɛi lá ƃó. Ŋa pâi vóloi ŋɛ́i lá ƃôi.

Mąątɛ̨nɛ̨ 57:8 Iomraidhean Croise

Kɔlɔnikɔ Veerɛi 20:28

Di lɔ Ɉerusalɛmə a hvɛli woo: diɛ gwɛnįn ɲɔw, diɛ bɛlɛgwəi yɔw, diɛ tulu hvɛɛ. Di lɛɛ kpɔ a hvɛli kɛi, di həli la Yai-Laa yəi bɛlɛ́ laaləi.

Mąątɛ̨nɛ̨ 150:3

'Ka mąątɛ̨nɛ̨ a tulu woo, 'ka mąątɛ̨nɛ̨ a bɛlɛgwəi da golon gwɛnįn.

Mąątɛ̨nɛ̨ 16:9

Yili mąą mɛ̨nį ɓa, níinɛ̨ɛ̨i gwəi, nį́i yɛ mąną, gbínį ə ɓo liilaa hu.

Mąątɛ̨nɛ̨ 27:6

Yiihu kɛa, ɲɛ̨́i aa tɛɠɛɓo ɲówóɠaa hu, diɛi tii daa mą́ą́tinɛ̨n daa doo gee hui, ŋą́ pɛli ɉɛɠɛɛɓo halááɠaa kulɔi ɲəi bɛlɛ́n; gɛ́ Yai-Laa mąąwiɛ wələ too.

Mąątɛ̨nɛ̨ 30:12

Yáá nwɔ́ haa wɔlɔi mąą pənə a mąną, yɛ́ nwɔ́ ɓíi haɠai mąą pənə a hɛli-həɠə.

Mąątɛ̨nɛ̨ 43:4

Gáá pai həlii kpɔ Yálá kɔ́i, a Yálái tii a gɛ, gɛ́ mąną a kwəinɛ̨ɛ̨, gáá pai ə́ laa tɛi a wələ, a bɛlɛgwəi gwɛnįn nwoo, Yálá, yɛ́i a nwɔ̨ Yálá!

Azaya 52:1

'Ə́ muhəɠə, 'ə́ muhəɠə, ə́ ə́ wɔ huwala walai ɲąątɛ, oo Siɔn, ə́ wɔ mąąwiɛ həɠəɠaai too ə́ kwaną, Ɉerusalɛmə, yɛ́i ə́ kaa a mąąhəɠə taa; mąąhɔlɔɓo, ə həɠə háákələi ɓa, kɛ́nɛ̨ kpoloa da nui mąą hvo həɠə li di hva kɛa lɔ ə́ pɔɔli.

Azaya 52:9

'Ka tomą a gee a kwəinɛ̨ɛ̨ woo, kaai a Ɉerusalɛmə taa kpoloonŋaa, mąąhɔlɔɓo, Yai-Laa kaa nwɔ nu huwui liilaai, gaa Ɉerusalɛmə nwun mąąɓoi.

Gɛlaɠaa 2:26

Yili ɓə gɛi, níí laahvɛɛ a mɛ̨inɛ̨ɛ̨, ə lɛɛ gwəinɛ̨ɛ̨. Ə mą kɛ gɔ́lɔ hvii aa kpɛɛ, ŋį́ vįitɔɔ kilitɔɔmąąlaa hu.

Nwun mąąɓo 5:12

«Debora! Ə́ ɲɛ̨ilaa ɓo! Ə́i muhəɠə! Ə́ wələ too. Avinoamə lon Barakə! Ə́ muhəɠə, ə́ pa, a ə́ wɔ kɔ́ honŋaai!