Mąątɛ̨nɛ̨ 53:2 - Yálá laawoo hɛɓɛ (dc)

² Ɓoɠonuą da kɛ kɛi diɛ: «Yálá hvo laa!» Daa kala, daa lunwuun, di wɔ tuwɔ pələ ɲɔ̨n hu, di ta hva tuwɔ a nɛlɛɛ.

Yálá laawoo hɛɓɛ

² Ɓoɠonuą da kɛ kɛi diɛ: «Yálá hvo laa!» Daa kala, daa lunwuun, di wɔ tuwɔ pələ ɲɔ̨n hu, di ta hva tuwɔ a nɛlɛɛ.

Bible

² Ɣâla káa ɣâla-taa gɛ́ núu-kpune kàa ǹɔii ma ƃɛ́. A díkâai à kɛ̀ dí táreɛ̂i, kpaa máŋ díta a vɛ̀li tɔ̃yâ-pere su.

Mąątɛ̨nɛ̨ 53:2 Iomraidhean Croise

Kɔlɔnikɔ Maa-ŋuŋ 28:9

Yɛ́i ɓaa a nón Salomɔn, 'ə́ nąn nwɔ Yálái kɔ́lɔn, 'ə́ tí mą a ə́ kwəi kwəlɛɛ, da ə́ kwəinɛ̨ɛ̨. Gbala ə tɔɔ Yai-Laa a nu kwəi kili kəlee hu kaa, yɛ kiliŋąhiɛ kəlee hu kpɛ. Yá gwɛli, a gbɔwɔ lɛ yɛ́, ə́ laa ə́ gaa. Kɛlaa yá həɠə bulu, a ə́ lɛɛ laa a yələ kəlee mɛ̨nį.

Kɔlɔnikɔ Veerɛi 15:2

Azariahu ə kulɔ yɛ li Asa laakwiɛn, yɛ mą: «'Ka ká wəli tɔɔ mą́ą́, Asa, Ɉuda da Bɛnɉamɛn ka kəlee! Yai-Laa ə kɛ ka pɔ, 'ka lɛɛ bulu! 'Ka gwɛlii, a gbɔwɔ lɛɛ laa kaa gaa! Kɛlaa, ka həɠə bului, a kulɔ ka pulu.

Kɔlɔnikɔ Veerɛi 19:3

Kɛlaa, ə mą kɛ tii, mɛ̨nį lɛlɛɛɠaa kaa ə́ túwɔ́ pələ hu; hvo gaai, nwuluɠaai nuą di dɔɔ diɛ gɔ́, yáá gəlee kələn nɔi, ɛlɛɛ, yáá tɔɔ a ə́ nwąnąi, yɛ́ Yálá woo hon.»

Zôo 28:28

Yili pulu, ə mo nu kanŋaa diɛ, yɛ diɛ: «Nu a ɲɔw Nąmu Yálá ɓa, yili kaa a kilimąą mɛ̨nį! Nu a mąą kwɛa mɛ̨nį ɲɔ̨n ma, yili kaa a mɛ̨nį kɔ́lɔn ŋąą!»

Mąątɛ̨nɛ̨ 10:4

Nu ɲɔ̨nwɔ̨ɔ̨ a tɛɠɛɓo Yálá hu, yɛ ɲąŋąɲąŋąlaa kulɔ la; hva kpɛli giliŋą hiɛ, a kɛ kɛi diɛ Yálá hvo laa; gwəi kili kəlee ka tii.

Mąątɛ̨nɛ̨ 102:19

Mąąnɛ̨ɛ̨ mɛ̨nįi ŋɛ̨i ə pɛ̨ɛ̨ nuąi pai ku pulu di mąą mɛ̨nį ɓa, nu huwu nįnɛ̨i pai, diɛ Yai-Laa mąątɛ̨nɛ̨.

Mąątɛ̨nɛ̨ 11:4

Yai-Laa kaa nwɔ tɔɔ pɛlɛ́ mąąhəɠɛɛi mu, Yai-Laa kaa nwɔ tɔɔ kpəlin hu, yələ kɔ́lɔnɉu, ɲɛ̨i həɛ yɛnɛ̨ɛ̨ ɓa. Ɲɛ̨i kwəleen yɛ nu kan nonnii túwɔ pələ hu kaa.

Mąątɛ̨nɛ̨ 111:10

Kili kɛ ɲəi kpalatɔɔi ɓaa, nu ə ɲɔw Yai-Laa ɓa, nuąi da yili kɛ, yɛnɛ̨ɛ̨ hon bələ mąą gbąnąlaa kaa di yəi; di kaa pai kɛi dɛ̨nɛ̨i a yələ kəlee.

Mąątɛ̨nɛ̨ 27:8

Nwooi ə́ mo, nąą kili kaa ŋą́, yai ə́ kɛ la mą: «'Ka ɲɛ̨́ilai gwɛli», Yai-Laa ə́ ɲɛ̨ilai ɓə gáá gwɛlii.

Azaya 55:6

'Ka Yai-Laa kwɛli, ɓɛlɔwai, a gbɔwɔ lɛɛ laa diɛ gaa, 'ka dəli, ɓɛlɔwai, nɛɠɛɛi la kaa.

Ɉeremi 16:17

Ɲɛ̨́i kaa kpɔlɔɔ di túwɔ́ pələɠaa kəlee diɛ, da hva tɛɛ mą́ą́, di wɔ kiliŋąhiɛ ɲɔ̨nwɔ̨ɔ̨ ta lɔpee hvo loo li mą́ą́.

Ɉeremi 23:24

Ə mą kɛ, nu ta aa noo honwon da hu, vá pɛli mɔ̨ɔ̨ gai? Ɲą́ą́ Yai-Laa nwóó li! Ɲą́ą́ hvəi mɔ̨ɔ̨ ŋą́ą́ yələkɔlɔn da lɔi di laahvɛɛ?» Yai-Laa woo li.

Dutɛrɔnome 4:6

Mąąnɛ̨ɛ̨ ka ka yee kɛ diɛ, ka di pɔ mɛ̨nį kɛ. Yili ɓə a ka kɛ a kilimąą nuą da mɛ̨nį hukpɛ nuą, nuąi pai dɔ́nŋąą tii mɛ̨n ɉii di ɲɛ̨i ɓa, diɛ kɛ diɛ: «Nu kpulu kɛnɛ̨i ŋɛ̨i kaa a nu huwu kilimąą, diɛ ɓo a mɛ̨nį hukpɛ nuą.»