Mąątɛ̨nɛ̨ 51:2 - Yálá laawoo hɛɓɛ (dc)

² Ɓɛlɔwai Yálá kwəi mɛ̨nį hu kulɔ mun Natan ə li ɉɔn moi la mą, yɛ hvilɛn na Bɛtsabe mąą mɛ̨nį ɓa.

Yálá laawoo hɛɓɛ

² Ɓɛlɔwai Yálá kwəi mɛ̨nį hu kulɔ mun Natan ə li ɉɔn moi la mą, yɛ hvilɛn na Bɛtsabe mąą mɛ̨nį ɓa.

Bible

² Ŋá ŋwana-lɔ̂ɔ-tuai wáa mî ḿâ, ímaa wáa í ŋ́gula mî ŋásɔnyɔ̂ŋ su.

Mąątɛ̨nɛ̨ 51:2 Iomraidhean Croise

Samia Veerɛi 11:4

Davidə ə nuą tɔɔ diɛ li nɛ̨ɛ̨nui tii təlii, pai ə mo, da Davidə di yíi, nɛ̨ɛ̨nui ə pənə li ɲəi bɛlɛ́ laaləi. Nɛ̨ɛ̨nui tii aa kpɛɛ kɛa kɛ a ɲəi waa, ɉaláái mąąnɛ̨ɛ̨ ə gulɔ ə gbɔwɔ mąąhəɠə mɛ̨nį ɓa, aa kpɛɛ kɛa kɛ a yili kulaa.

Samia Veerɛi 12:1

Yai-Laa ə Natan tɔɔ Davidə pɔɔli, yili ə li yɛ Davidə ɓa: «Nu hveelɛ di kɛ taa tɔ̨nɔ̨ hu, dɔ̨nɔ̨ ə ɓo a hɛn gɔw nąmu kɛnɛ̨, dɔ̨nɔ̨ ə ɓo a yeehowolo mun.

Mąątɛ̨nɛ̨ 19:12

Ə́ wɔ tímun yaa kpinįį a kili hɔlɔɓo ɉu, a ɲee kanąn a mo mą, a tɔ̨nɔ̨ hɔlɔɓo ɉu.

Mąątɛ̨nɛ̨ 51:7

Hvo gaai, di gáá mɛ̨nį ɲɔ̨n ɉu, néé ə mą́ą́ koo həɠə nɛ̨ŋɛ̨n ɉu.

Azaya 1:16

'Ka ka waa, ka ka mąąhəɠə, 'ka ka wɔ nwąnąlɔ túwɔ́ɠaa mąą kwɛa mą́ą́, 'ka kpəla mɛ̨nį ɲɔ̨n ma

Ɉeremi 4:14

Ɉerusalɛmə taa! Akɛ ə́ kaa bɔ ə́ nwun ə kulɔ ɉui, ə́ lii hu mąąhəɠə, ə́ mɛ̨nį ɲɔ̨n gulɔ laa! Akɛ tii, kiliŋąhiɛ ɲɔ̨nŋaa tii di kaa pai lɛɛ heeni ə́ lii hu hąą mįnɛ̨ lɔwai?

Izikiɛ 36:25

Gáá pai ya mąąhəɠɛɛ taɠai ka mɛ̨i, pɔn ɲɛ ɓo la kaa; gáá pai ka mąąhəɠəi, ka wɔ mąąliɓi mɛ̨nįɠaai kəlee yəi; da ka wɔ haliɠaai kəlee yəi.

Levetekɔ 13:58

«Yii ɓaa həɠə ɓɛla, ə kɛ a yiihəɠə, ə kɛ a hɛn lɔpee gaa a huwɔ kɔ́lɔ, da nwaa, ɉɛn tii bɔɔ ə kɛ ɉu a kulɔ ɉu, da pənə nwɔ̨nɔ̨ di nwaa, a kɛ tii tɔ́n aa kulɔ mą.»

Zakari 13:1

Mąą yələi tii, yá nwun gulɔi ta a kulɔ, Davidə nwɔ pɛlɛ́i mąą mɛ̨nį ɓa, da Ɉerusalɛmə nuą; yɛ kɛ a di wɔ nɛ̨ŋɛ̨nŋaai, da di mąąliɓi mɛ̨nį kəlee hali.

Ɉaan 13:9

Simɔn Piɛrə yɛ mą: «Akɛ yili kaa tii, Ną́mu, gɔ́wɔ́ lɔ hvəə, kɛlaa, nwún da ɲééɠaa mąąwaa!»

Gɛlaɠaa 22:16

Lə mɛ̨nį ɓa gaa ə́ hu? 'Ə́ muhəɠə ə́ li, di ə́ mąąwaa, ə́ mąą ə həɠə ə́ wɔ nɛ̨ŋɛ̨nŋaai yəi, a Naa hvɛlii yá mo.›»

Korɛntə dɔlɔɔ 6:11

Bələ ɓə tɔlɔɔ ká taɠaa di kɛ la. Kɛlaa, ka mąą aa waa, ká mąą aa həɠə, káá kɛ kɛa a tələnmo nuą gu Ną́mu Jesus Kristə laa hu da gu wɔ Yálái nwɔ Kilii háálai.

M̀ɛni-lɛɛi 1:5

ɛlɛɛ, yɛ həɠə Jesus Kristə yəi, yai a kɛlai a kulɔ nwoo ɓa, yai a nu dɔlɔɔi nwun yɛ kulɔ haa nuą lɔwai, ɛlɛɛ, lɔi mɛ̨i hééɓolaa kəlee di wɔɔ Hééɓomun. A nui gu wɛli kaa mą, yai gu kulɔ gu wɔ nɛ̨ŋɛ̨nŋaa yəi a ɲąmą,

M̀ɛni-lɛɛi 7:14

Ŋą́ nwoo ŋąąpənə, gɛ́ mą: «Ną́mu, yɛ́ lɔ ɓə gbaɠala kɔ́lɔn!» Yɛ mą́ą́: «Di kulɔ mɔ̨nɔ̨ kɛnɛ̨i tii hu. Daa di wɔ həɠəɠaai waa Mɛlaa lon ɲąmą hu, daa gwələ.