Mąątɛ̨nɛ̨ 5:2 - Yálá laawoo hɛɓɛ (dc)

² Ə́ wəli tɔɔ nwóó ɓa, Yai-Laa, ə́ wəli tɔɔ kpɔ a nɛlɛɛ, nwɔ́lɔ-woo ɓa.

Yálá laawoo hɛɓɛ

² Ə́ wəli tɔɔ nwóó ɓa, Yai-Laa, ə́ wəli tɔɔ kpɔ a nɛlɛɛ, nwɔ́lɔ-woo ɓa.

Bible

² Íwoli tɔ́ɔ ŋáfɛli-wooi ma, Ŋákâloŋ da Ŋáɣâlai. Ŋa ífɛlîi, óo Yâwɛɛ.

Mąątɛ̨nɛ̨ 5:2 Iomraidhean Croise

Tɔɔɓɛlaa dɔlɔɔ 8:28

Oo! Yai-Laa nwɔ́ Yálá, Ə́ wəli tɔɔ ə́ hvɛli woo da ə́ mąąnɛ̨ɛ̨ wooi ə́ wɔ tímun gaa naa həli yɛ́, mą. Ə́ wəli tɔɔ yɛ́ tímun tomą woo da ŋą vɛli wooi gaa naa həli yɛ́ háákələi, nwɔ́ Yálá.

Mąątɛ̨nɛ̨ 10:16

Yai-Laa kaa a tɔɔmun a yələ kəlee, hį́i takpɛliɠaa daa kwɛlɛɛn nwɔ lɔi hu.

Mąątɛ̨nɛ̨ 145:1

Davidə nwɔ Yálá mąątɛ̨nɛ̨ wələ. Nwɔ́ Yálá, nwɔ́ Tɔɔmun, gáá ə́ laa tɛi, gɛ́ ə́ laa mąąwiɛ, və́ ɲɛ̨n dee li.

Mąątɛ̨nɛ̨ 3:4

Kɛlaa, Yai-Laa, yɛ́ ɓə a nwɔ́ kɔ́ kɔ́-gbala, yɛ́ ɓə a nwɔ́ ɲɛ̨i pɔ̨nɔ̨, yai a nwún mįhəɠə.

Mąątɛ̨nɛ̨ 44:4

Di wɔ kɔ-kɔ-ɓɔwa hvə nɔi tɛɛ di pɔ, di wɔ kuláálaa vəi gɔ́ nɛ̨ɛ̨ diɛ; kɛlaa, ə́ yee hvąŋą kɛnɛ̨i ɓə, ə́ yee kɔ̨nwɔ̨n mə, ə́ ɲɛ̨́ilai nwɔ nwɔ̨n nən ɓə, mąąhɔlɔɓo, di wɛli ə kɛ yɛ́.

Mąątɛ̨nɛ̨ 65:2

Yálá, yɛ́i Siɔn daai, ə́ mąątɛ̨nɛ̨ woo a ə́ mąą hon, ɛlɛɛ, mɛ̨nįɠaai ku naakwɛlanmo yɛ́i, kwa di kɛ.

Mąątɛ̨nɛ̨ 74:12

Ya pa ə həɠə wɔlɔ wɔlɔ ɓa, Yálá, yɛ́ lɔ ɓə a nwɔ́ tɔɔmun, yɛ́ kɔ́ɠaa nɛ̨ɛ̨ nɔi ŋɛ̨i ɓa.

Mąątɛ̨nɛ̨ 84:3

Níi hvo gɛi, ɉáálíi kaa tɛi a ɲą́ą́ Yai-Laa yəi gwəli hąąi a kwəinɛ̨ɛ̨. Nį́į́ mąn, gbínį mąn, gəlee tomąi, Yálá hvulúmąą pɔ pələ.

Azaya 33:22

Tɛ̨ą li Yai-Laa ɓə a ku kiti tee mun, ya ɓə gaa a ku ɲąąwooɓomun, Yai-Laa ɓə ɓaa kuɔ tɔɔmun, ya ɓə a ku nwun mąąɓo.

Woolaa 3:56

Ə́ kaa dómą woo ŋɛ̨i mɛ̨n ɉi; hvó kɛ ə́ kaa ə́ wəli laa kpului ɲįŋɛ̨ woo da nwɔ́lɔ woo tɔwɔ.