Mąątɛ̨nɛ̨ 4:2 - Yálá laawoo hɛɓɛ (dc)

² Ŋą́ ə́ təli, 'nwóó mu hon, yɛ́i a nwɔ tɛ̨ą ɓo Yálá, gɛ́ɛ́ mɔ̨nɔ̨ hu, ə́ gúlɔ ɉu, nɛ̨ɛ̨i yɛ́, 'ə́ wəli tɔɔ nwɔ́ hvɛli wooi ɓa.

Yálá laawoo hɛɓɛ

² Ŋą́ ə́ təli, 'nwóó mu hon, yɛ́i a nwɔ tɛ̨ą ɓo Yálá, gɛ́ɛ́ mɔ̨nɔ̨ hu, ə́ gúlɔ ɉu, nɛ̨ɛ̨i yɛ́, 'ə́ wəli tɔɔ nwɔ́ hvɛli wooi ɓa.

Bible

² Núu-kpune-ŋa, tãi ɣɛɛlu ƃé ka pâi kɛ̂i ƃâa kulâi la ḿâi? Tâi ɣɛɛlu ƃé ka pâi kɛ̂i káwoli tɔɔ̂i la mɛni fôlo da lɛ́ɛ mɛni-ŋa dîai?

Mąątɛ̨nɛ̨ 4:2 Iomraidhean Croise

Mąątɛ̨nɛ̨ 106:20

Di di wɔ ɲɛ̨ipono mąąhvalin, a nįŋɛ̨ mąąnįnįn, a kalatiliin mįi hɛn.

Mąątɛ̨nɛ̨ 14:6

Ka kɛ mąąwɛli nuą di wɔ kilitɔɔmąąlaa hviə-hviə tɔɔi. Kɛlaa, Yai-Laa hvaŋąn mu ɓə, a di mąąkilɛi.

Mąątɛ̨nɛ̨ 2:1

Lə ŋą ɉuwu ɉuwu ɓə lɔiɠaa di hvo ɉui, nu kanŋaa diɛ hvaa lɔ di nwun ɉu nwɔ̨ɔ̨? Ya pa di yee hva lɔ.

Mąątɛ̨nɛ̨ 3:3

Nuąi mɛ̨nį ɓoi a náá, di tamąą ɓə, diɛ kɛ: «Malo mɛ̨nį hva pɛli həɠəi Yálá pɔ!»

Mąątɛ̨nɛ̨ 31:6

Gáá nį́i lɛɛi ə́ yəi, yáá nwún mąąɓo, Yai-Laa yɛ́i a tɛ̨ą Yálá.

Mąątɛ̨nɛ̨ 5:6

Ɲąŋąɲąŋąmun va tɔɔ ə́ ɲɛ̨́i mu, Yá yowolaa kulɔ a mɛ̨nį ɲɔ̨n gɛ nuą kəlee.

Mąątɛ̨nɛ̨ 50:15

Ɛlɛɛ, ɲələi yá kɛ la kanąn ɉu, də́li, ŋą́ ə́ kulɔ ɉu, ə gɛ ə́ mą́ą́wiɛ.

Mąątɛ̨nɛ̨ 57:4

Ee kə! Yálá 'ə hvaa mą, ə lɛɛ yələi pələ, 'ə málo wɛ! Nui vánąi, ə ɲɛ̨i paa! Yálá ə nwɔ wɛlikɛmąąlaa da nwɔ tɛ̨ąi tɛɛ kuɔ wɛ!

Mąątɛ̨nɛ̨ 58:1

Nwələ ɲɛ̨itɔwɔmun: «'Hvó ɉu kala.» Davidə ɓə nwələi ŋɛ̨i too, ə kɛi doo kwəi pələ.

Mąątɛ̨nɛ̨ 58:3

Kpələ-o! Ká kɛ giliɓo, kaa piɛn doo mɛ̨nįɠaa kɛ, ɓɛ yɛnɛ̨ɛ̨, ka kɛ wea mɛ̨nį huwu ɲąątɔɔi, a ka kɛ mɛ̨nįɠaa.

Mąątɛ̨nɛ̨ 63:11

Kɔ́ kɔ́ ɓowa ə tɛɛ di hu, 'di lɛɛ a lɔwɔ-yilɛɠaa kɔ̨nɔ̨n.

Mąątɛ̨nɛ̨ 72:2

Yɛ pɛli ə́ wɔ lɔi lonnii ɲąąwooɓoi la a tələnmolaa, ə mą kɛ mąąwɛli nuą, tɛ̨ą pələ mɛ̨i.

Lɛɛ gbɔwɔ ɓa 10:3

Moisə da Aarɔn di li Eziptə tɔɔmun bɔɔli, diɛ mą: «Hebreuɠaa di wɔ Yálái a Yai-Laa, nwoo ka, yɛ diɛ: Ə́ wɔ kili walawalai ŋɛ̨i ə́ kaa ɉui, lə yələ ɓə yá kpɛla la mą, ə́ ə́ kpɔwɔ mąąyɛɛ? 'Ɓo nwɔ́ nu huwui ɓa di li di kwɛli hvilɛn mą́ą́.

Hanwon 1:22

«Kilikpɛɛgwəimun! Ə́ kaa pai lɛɛi kilikpɛɛgwəilaa hu, ə lɛɛ ɉu lə yələ? Yɛlɛkulɔ ɉumun! Ə́ kaa pai lɛɛi yɛlɛkulɔ ɉu kɛi, ə lɛɛ ɉu lə yələ? Mįnɛ̨ lɔwai ɓə ɓowo nuą kaa pai mɛ̨nį kɔlɔn ŋąą wɛlilakɛi la?

Ikilisiati 8:11

Nui a mɛ̨nį ɲɔ̨n gɛ, gwələ hva kulɔ mą ɲąąɓa; mɛ̨nįi a gɛ mɛ̨nį ɲɔ̨n gɛ nuą diɛ mɛ̨nį ɲɔ̨n gɛ la yaa li.

Ikilisiati 9:3

Mɛ̨nį ɲąąnwąnąąi gaa lɔi mɛ̨i, ya ɓaa: hɛn gəlee ŋąąkpɛɛi kɛ mɛ̨nį tanɔ̨n. Nuąi da di kpɔwɔ lɔ mɛ̨nį ɲɔ̨n gɛɛ hu, ɛlɛɛ, di liiɓa yɛ ɓo a kilikpɛɛgwəi túwɔ́ ɓoɔ, yii lɔ a lɛɛ nąą pulu, ya lɔ ɓaa a haa.

Azaya 20:5

Nuą kwəi a pili diɛ, di ɲɛ̨i ə paa, Nubi mąą mɛ̨nį ɓa; yai di ɲɛ̨i heɛ kɛ mą, da Eziptə; yai nuą di kɛi di nwun dɛ a mąą mɛ̨nį.»

Azaya 45:17

Israɛlə aa ɓalo Yai-Laa haalai, ɛlɛɛ aa ɓalo a yələ kəlee mɛ̨nį, ka wɛi, nwumɛ̨ hvo pai heei kaa, kpɛli a yələi lɔpee ta, ə mą kɛ lalan, ɛlɛɛ, yələ kəlee mɛ̨nį li, gbɛlai hvo mą.

Azaya 59:4

Nu ta hva kalamąɓo kɛ́, nwɔ tɛ̨ą mɛ̨nį hu, nu ta hva tɔɔ bulu laa kɛ kwəi kwələ laa hu, kpɛli kpɛli mɛ̨nį ɓə da di kilitɔɔ mą, lɛɛ mɛ̨nį ɓə da mo, da túwɔ́ pələ ɲɔ̨n mąą koo həɠə, di di laa yɛɛ a kɛɛ kalaa.

Ɉeremi 2:11

Akɛ lɔi ta aa ta nwɔ haliɠaa mąąhvalin, a ɉɛnŋaa tii di hvo mun ɓaa hɛn da! Kɛlaa, kaai ɓaa nwɔ́ nuą, kaa ka wɔ mąąwiɛ mąąhvalin, a hɛn dɔ̨nɔ̨ lɔpee hvo mą.

Ɉeremi 2:5

Mɛ̨nįi Yai-Laa kaa moi ya ka; yɛ diɛ: Hulu mɛ̨nį lə kɛɛ kpɔ ɓə ka nąnni di gaa ɲéé pɔ, yaai di di pulu tɔɔ mą́ą́? Diɛ hvilɛn na kpɛli-kpɛli maniɠaa pulu, ya ka daa lɛɛ a nu kpɛli-kpɛliɠaa!

Ɉeremi 9:3

Nu kəlee ə gbɔwɔ mɛ̨i kaa mɛlan dɔwɔ. Ka hvo ka kili lɛɛ ka nąn non ma, mąąhɔlɔɓo, nąn non gəlee kaa gee ɓa a kɔ́. Nui ka yáá ka káá ka kee pɔ yɛ ə́ laa mąą hiɛ.

Osia 4:7

Di kəlee kpɔ, nu ta nwɔ kwɛni hvo kulɔ li ɉu, daa nɛ̨ŋɛ̨n ɉəɠə mą́ą́, gáá pai di wɔ mąąwiɛ mąąpənəi a nwumɛ̨.

Zôna 2:8

Yai-Laa! Nwɔ Yálá, ɓɛlɔwai nɔ̨ɔ̨ ə kɛi kulɔ la ɲə́i, gíli ə hvilɛn yɛ́, ɛlɛɛ, ə́ hvɛlii ŋą́ mo, nwóó ə həli ə́ wɔ pɛlɛ́ mąąhəɠɛɛi ɓa.

Lonon mo 14:11

Yai-Laa yɛ Moisə ɓa: «Nuąi ŋɛ̨i ɲɛ̨i kaa pai lɛɛi tɛɠɛɓoi ɉú, ə lɛɛ ɉu mįnɛ̨ lɔwai? Mįnɛ̨ lɔwai ɓə di kaa pai hvaai la mą di laa ná. Pələi mąn gáá kpalo mɛ̨nįɠaa kɛi la di lɔwai?

Gɛlaɠaa 24:9

Ɉuifəɠaai kəlee di tɔɔ nwoo pulu, diɛ mą: Bələ ɓə ə kɛ la.

Korɛntə dɔlɔɔ 1:31

Ya ɓə a gɛ, yɛ bələi ɉɛɓɛ́ ə mo la, yɛ kɛ: «Nui yɛ ə gbɔwɔ ɲąąkɛnɛ̨, ə gbɔwɔ ɲąąkɛnɛ̨ gu Nąmu hu.»

Ifisiɛŋ 4:25

Káá kulɔ kɛa lɛɛ yee kɔnma; 'ká tɛ̨ą ɓo kɛa ká kee ɓa, gbala ə tɔɔ, gu kaa a gu keeni tɔɔ-tɔɔnŋaa.

Samuɛlə dɔlɔɔ 12:21

Ka hvo həɠə bulu, yili a kɛ a ka hvilɛn ŋąą kpɛli-kpɛli mɛ̨nįɠaa pulu, yiiɠaai tɔ̨nɔ̨ hvo diɛ, di hva pɛli nu kulɔ mɛ̨nįi, mąąhɔlɔɓo, di hvo a hɛn da.