Mąątɛ̨nɛ̨ 39:1 - Yálá laawoo hɛɓɛ (dc)

¹ Nwələ ɲɛ̨itɔwɔmun: Yedutun. Davidə nwɔ wələ.

Yálá laawoo hɛɓɛ

¹ Nwələ ɲɛ̨itɔwɔmun: Yedutun. Davidə nwɔ wələ.

Bible

¹ Ŋa m̀o ńyɛ̂ɛi, “Ŋa pâi ḿɛi kâai. Fé pâi ǹɛɛ̂i naa ńɛŋ é gɛ́ ŋá píli sɔnyɔ̂ŋ su. Ŋa pâi ḿɛi saâi ŋwana-lɔ̂ɔ-nuu da a kɛ̀ ŋ́gɔlɛ.”

Mąątɛ̨nɛ̨ 39:1 Iomraidhean Croise

Tɔɔɓɛlaa dɔlɔɔ 2:4

Yili pɔ pələ ɓə, mɛ̨nįi ŋɛ̨i Yai-Laa ə mo mą́ą́, naa a hon na yɛ́; yai ə kɛ mą: ‹Akɛ ə́ lonnii da di hiɛ pələ ɲɛlɛkɛ, di hiɛ ɲɛ̨́i ɓa a ɉaŋąą, a di lii kəlee, da di kpinį kəlee, a tɛ̨ą! Dɔɔkpəlin ŋɛ̨i gaa Israɛlə lɔi hu, ɉu hva lɛɛ a gboloon, nu a hɔlɔɓo ə́ huwuhu, ə hee laa.›»

Tɔɔɓɛlaa veelɛ 10:31

Kɛlaa, Ɉehu hvo tɔɔ a nwąnąąi hvo hiɛ a Yai-Laa Israɛlə nwɔ Yálá nwɔ tɔ́n nwooɠaai kpaalə. Nɛ̨ŋɛ̨nŋaai Ɉeroboamə ə Israɛlə yee lɔ ɉu, hvo həɠə di pulu.

Kɔlɔnikɔ Maa-ŋuŋ 16:41

Nuąi kɛ di pɔ, diɛ ɓaa: Heman, da Yedutun, ə pɛlɛ la, nuąi di di lɛ, di di laa ɓo Yai-Laa mąątɛ̨nɛ̨ mɛ̨nį ɓa, gbəli: «Hvó gaai Yai-Laa a kulɔ nwoo ɓa a yələ kəlee.»

Zôo 2:10

Ɉobə yɛ nɛ̨ą ɓa: «Yɛ́ hvaa yɛ nɛ̨ɛ̨nui hva mɛ̨nį ɲąąkaa. Mɛ̨inɛ̨ɛ̨ lɔ ɓə gwa ɉɔlɔɓo Yálá yəi, a nwɔ nu kpɔɔ laa hɛn, mɛ̨nį ɲąąnwąnąą yaan, lə mɛ̨nį ɓa gu hva pɛli gu yee heei yili mu?» Mɛ̨nįɠaai ti kəlee hu, woo ɲɔ̨n və kulɔ Ɉobə la.

Mąątɛ̨nɛ̨ 119:9

Nui nwųnų kɔ́lɔi, a ɉiɛ pələ yɛlɛ kɛ pələ kɛ ləi? Hvo kɛli ə́ woo hon.

Mąątɛ̨nɛ̨ 12:4

Ee Yai-Laa! Nu ɓowo nuą tii, nɛ̨n gboloon dai di la, Ə́ bɛlɛ nwoo kpɛa-kpɛa ɓo nɛ̨n tii kəlee ɓa.

Mąątɛ̨nɛ̨ 141:3

Yai-Laa, 'ə́ yee kɛ nááləi ɓa, nááləi mąąkpɛ.

Mąątɛ̨nɛ̨ 34:13

Gbɛɛ ɓə lamun yɛnɛ̨ɛ̨ wɛli kaa mą? Gbɛɛ ɓə gaa bɔ ə nwunnąnɛ̨ɛ̨ yɛnɛ̨ɛ̨ kaa?

Mąątɛ̨nɛ̨ 62:1

Nwələ ɲɛ̨itɔwɔmun, Yedutun Davidə nwɔ Yálá mąątɛ̨nɛ̨ wələ.

Mąątɛ̨nɛ̨ 77:1

Nwələ ɲɛ̨itɔwɔmun Yeditun. Asafə nwɔ hvɛ́li woo.

Hanwon 18:21

Nu ɓalo mɛ̨nį da nu haa mɛ̨nį, a kulɔ vaa woo hu, nui a nɛ̨n ɉon a nɛlɛɛ, ya ɓə a dɔ̨nɔ̨ hɔlɔɓo.

Hanwon 21:23

Nui ɲee a pɛli naaləi da nɛn diɛ, a gbɔwɔ mąąkɔ̨nwɔ̨ liihɛlɛn dɔwɔ.

Amɔsə 5:13

Yili ɓə a gɛ, lɔwai tamąą hu, yɛ pələi ka wɛi ŋɛ̨i kaa la, nui kili kaa mą, hva hvaa. Mąąhɔlɔɓo, ka wɔ lɔwai ŋɛ̨i hvo lɛlɛ li.

Kolosə 4:5

Nuąi di hvo a Kristalɛa, 'ká túwɔ́ pələ ə kɛ a nɛlɛɛ di ɲɛ̨i ɓa. Yíikuu kpuɔlon ká yəi, 'ká ɉon a nɛlɛɛ.

Hebreu 2:1

Yili ɓə gaa mą:, dɛ̨ą woo ŋɛ̨i gu mɛ̨n, ká gu ɉon a gu nwąnąi, akɛ, gu hvo bɔ, gu nwun na hvo pa pili.

Zĩi 1:26

Kɛlaa, nu ta a gbɔwɔ kɛ a Yálá kɔ́lɔn mun, a wala nɛ̨n dɔɔ vaa woo tɔwɔ, akɛtii gaa gbɔwɔ ɓowoi, hvo Yálá kɔ́lɔn.