Mąątɛ̨nɛ̨ 3:7 - Yálá laawoo hɛɓɛ (dc)

⁷ Nu kpulu kɛnɛ̨i kpɔ ɲɛ̨i daa mą́ą́ tinɛ̨n, və́ ɲɔwi diɛ.

Yálá laawoo hɛɓɛ

⁷ Nu kpulu kɛnɛ̨i kpɔ ɲɛ̨i daa mą́ą́ tinɛ̨n, və́ ɲɔwi diɛ.

Bible

⁷ Óo Ŋáɣâlai Yâwɛɛ, pá, pá í ŋ́uŋ ma ƃó, kpɛ́ni fêi, yâa ŋákpɔara-ƃelai kélee kula maa kɛ́, wála-wala fé ŋɔ́nɔ da yêei.

Mąątɛ̨nɛ̨ 3:7 Iomraidhean Croise

Samia Veerɛi 18:8

Gɔ ə taɠa taɠa kɛa nɔi nąą kəlee. Mąą yələi tii, nuą lan nwɛla hu, di kpulu ə kɛnɛ̨ ə tɛɛ yii ɓɔwa ə baa ma.

Zôo 16:10

Nuą diɛ di laa taɠa mą́ą́, diɛ nwə́li lɔwa a lalan, daa kpɔn di kee ɓa, diɛ pa woloi mą́ą́.

Zôo 29:17

Ŋį́ kɛi mɛ̨nį ɲɔ̨n gɛ nuą kəlee ɲin ɲali di la, nuąi kɛ mɛ̨nį ɲɔ̨n gɛ ɲin aa di hon, gɛ́ di kulɔ ɲəi kɛ.

Mąątɛ̨nɛ̨ 10:12

Yai-Laa! Ee Yálá! 'Haŋą ə́ tɔɔ; Ə́ yee haŋą, ə́ ə́ kɛ mɛ̨nį kɛ, 'hvó lɛ̨ą mąąwɛli nuą diɛ.

Mąątɛ̨nɛ̨ 12:5

A nuą tii da kɛ kɛi diɛ: «Ku laaləi a mɛ̨nį nɛ̨ɛ̨ kuɔ, ku nɛ̨n dɔɔi ku pulu, gbɛɛ ɓə ɲee a pɛli kuɔ, ə hee ku mɛ̨i?»

Mąątɛ̨nɛ̨ 27:3

Ə mą kpɛli kɛ kɔlaɠa pɛlɛ tɔwɔ, níí hva kulɔ mą́ą́! Ə mą kɛ daa kɔ́ yili mąą, gílitɔɔi kaa mą.

Mąątɛ̨nɛ̨ 35:23

'Ə́ ɲįnąąɓo, 'ə́ muhəɠə, 'nwɔ́ tɛ̨ą mąąkɔ̨nwɔ̨, 'ə́ nwɔ́ tələnmolaa too pɔ̨nɔ̨ ɲą yɛ́i a nwɔ́ Yálá, da Ną́mu!

Mąątɛ̨nɛ̨ 44:23

Ə́ mąą mɛ̨nį ɓə da tuwɔ ku paai la, diɛ ku hon yɛ ɓɛlaa lonnii di kaa lii di paai.

Mąątɛ̨nɛ̨ 58:6

Əgɛ, di hvo pa ləi gaalə-ɉowomun nwoo mąn, ə mą kɛ ɉowomun nwəlɛɛi nwɔ ɉowolaa ɓa.

Mąątɛ̨nɛ̨ 59:5

Və́ ɉɔ́n gɛ li; ə mą kɛ tii, di kaa gilɛ həɠəi, diɛ di hee dɔ́wɔ́. 'Ə́ ɲįnąąɓo! 'Pá ə́ náá kwiɛn, Ee, ɓɛ kaa li!

Mąątɛ̨nɛ̨ 6:4

Ɉú kaa kpɛlin ɉi, Kɛlaa, Yai-Laa, yɛ́ ə lɛɛ ɉu, mįnɛ̨ lɔwai ə ɉəli la?

Mąątɛ̨nɛ̨ 7:6

Ɲówo ə hvilɛn búlu, ə ɉón, ə nwɔ́ yɛnɛ̨ɛ̨ kiin nɔi ɓa, ə gbóyɛli kəlee pu pɔlɔ hu!

Mąątɛ̨nɛ̨ 74:11

Lə ɓə kɛ yai ə́ ə́ yee yali bulu, yɛ́ ə́ ɓa-mįi-yee laa lɔ tii kpɛ ə́ kəŋə mɛ̨i?

Mąątɛ̨nɛ̨ 76:9

Yá lɛɛ yələ kɔ́lɔn ɉu, ə́ giti tee, lɔi ə ɲɔw, ə tɔɔ kpɔ kpɛ-kpɛ.

Azaya 51:9

'Ə́ muhəɠə, 'ə́ muhəɠə, ə́ wɔ huwala walai ɲąątɛ, Yai-Laa yee kɔ̨nwɔ̨n ɉu kɛnɛ̨ɛ̨, 'ə́ muhəɠə yɛ bələi wɔlɔ ə́ kɛi gɛ la, a tɔwɔ tɔwɔ yələɠaai tii, kɛlɛi yɛ́ ɓə Rahabə hu tee-ee, yɛ́ ɓɔ gboloyá hu kaalə kɛnɛ̨i hu,

Woolaa 3:30

'Ə́ nwəli lɛɛ nowa mun ɲəi, ə niikpələ lalan ɲəi.

Habakukə 2:19

Kpalo ɓɛlaai kaa! Kaa ɓə ka hee, kaa kɛ kwɛi kpuwɔ ɓa: «Ə́ ɲɛ̨ilaa ɓo!» Kaa kɛ kwɛni kpuwulu ɓa: «Ə́ muhəɠə!» Yaan, ɉɛnŋąą tii di hva pɛli mɛ̨nį ta lɛi kaa. Ə mą kpɛli kɛ, kaa hɛni ya, da wali ya hiɛ diɛ, di hvo a di hvulú!