Mąątɛ̨nɛ̨ 16:7 - Yálá laawoo hɛɓɛ (dc)

⁷ Ŋą́ Yai-Laa laa mąąwiɛ, yai a níɛwoo kɛmun, ə mą kɛ kpinįi, gílaa pɔ̨nɔ̨ɔ̨i yili hu.

Yálá laawoo hɛɓɛ

⁷ Ŋą́ Yai-Laa laa mąąwiɛ, yai a níɛwoo kɛmun, ə mą kɛ kpinįi, gílaa pɔ̨nɔ̨ɔ̨i yili hu.

Bible

⁷ Ŋa Yâwɛɛ láa ma tɛ̀, kpɛ́ni fêi, ǹyaa ƃa ńdeniŋ tɔ̀ɔ. Ńii a ńdeniŋ tɔ̀ɔ a kpíni.

Mąątɛ̨nɛ̨ 16:7 Iomraidhean Croise

Mąątɛ̨nɛ̨ 119:148

Ŋą́ ɲį́nąą ɓo yələɓɔi gbįnį mu, mɛ̨nįɠaai ə́ mo, gɛ́ gíliɲąhiɛ mą.

Mąątɛ̨nɛ̨ 119:55

Ŋą́ gíliŋąhiɛ ə́ laa ɓa a kpinį, Yai-Laa, əgɛ, ŋį́ ɲéé kanąn ə́ wɔ tɔn ma.

Mąątɛ̨nɛ̨ 119:7

Gáá pai kɛi ə́ laa tɛi a gwə́i kwəlɛɛ, gɛ́ ə́ wɔ tələnmo wooɠaai mąąkwɛli.

Mąątɛ̨nɛ̨ 17:3

Yá gwə́i kili kaa, ə mą kɛ, kpinįi ɓə, yá búlú kwɛli; yáá ɉú kɔ́ɔn, hvó mɛ̨nį ta kaa li. Gɛɛ kíliŋąhiɛ hvo too mą́ą́, yáá mąn gɔlɔn.

Mąątɛ̨nɛ̨ 22:2

Nwɔ́ Yálá! Nwɔ́ Yálá! Lə ɓə kɛ yai, ə́ ə́ kili kulɔ ɉú? Gɛ́ tómą lɔ kpɛli kpɛli, málo mɛ̨nį mąą kwɛaa lɔ mą́ą́.

Mąątɛ̨nɛ̨ 42:8

Ɓoloon ɉu yá hvuluunɠaa kaa di gee təlii mɛ̨́i, diɛ kɛlɛ di kee hu! Ɲáhvɛɛ yɛ kulɔ gələn ɉu, mɛ̨́i.

Mąątɛ̨nɛ̨ 63:6

Yɛ ŋą́ pilɛ huwo wulɔ, da wulɔ di hu, kwəinɛ̨ɛ̨ wələ ə ɓo lɔ ná, gɛ́ ə́ mąątɛ̨nɛ̨ la.

Mąątɛ̨nɛ̨ 73:21

Níi kələn ŋąą kɛ gwə́i, ɉą́ą́ yɛ kɛ ə yali;

Mąątɛ̨nɛ̨ 73:24

Yɛ́ li a ɲą́ą́ ɓɛi ə́ kɛ bɔ, yili pulu, ə́ kaa pai ɉə́i mąąwiɛ pulu.

Mąątɛ̨nɛ̨ 77:2

Yálá ɓə gáá dəlii, gɛ́ tómą, Yálá ɓə gáá dəlii, yɛ nwəli tɔɔ nwóó ɓa.

Mąątɛ̨nɛ̨ 77:6

Gɛ́ gíliŋąhiɛ, tɔwɔ-tɔwɔ yələɠaa hu, gɛ́ gíliŋąhiɛ gwɛlanŋaai wɔlɔ daa tɛɛ diɛ.

Hanwon 8:14

Ɲą́ą́ ɓə liɛwoo kaa ɲə́i da mɛ̨nį kɔ́lɔn ŋąą, ɲą́ą́ ɓə gáá a nwun gɛ ɉu, ɲą́ą́ ɓə Heeɓolaa kaa ɲə́i.

Azaya 26:9

Ə́ mąą lii kaa gwə́i kwíi hɛ̨ą, gíli hvilɛn ŋąą Yɛ́, ɉú pələ yɛ ə́ kwɛli, da kɛi ə́ wɔ kiti wooi pɔ yíi ɓo lɔi mɛ̨i, yɛnɛ̨ɛ̨ nu kanŋaa kɛɛ tələnmo yíi mąąkwɛlii ka tii.

Azaya 48:17

Yai-Laa woo ka, yai tii ə́ nwun mąąɓoi, Israɛlə nwɔ nu mąąhəɠɛɛi, Ɲą́ą́ Yai-Laa, ɲą́ą́ ɓə gáá a ə́ wɔ Yálái, yai a ə́ mąąkwɛli, yɛ pɛli ɉu tɔ̨nɔ̨ hɔlɔɓoi, yai gɛ bələi tii yáá ɉon na, yɛ́ hiɛ mɛ̨i.

Azaya 50:4

Nąmu Yai-Laa ə woo lɔ ná, yɛ nui da mąą kwɛli nwoo, ə woo ta ɓo mą́ą́, nui vii kpɛɛ, gɛ́ pɛli vąŋą lɔi. Yələ wala pɔ həli pələ tɛi tɛi, a nwə́li tɔɔ, gɛ́ nwoo mąn, yɛ bələi nui di kaa mąą kwɛlii, a mɛ̨nį mąn na.

Ɉeremi 12:2

Yá di kɔ́wɔ hvilɛn, di hamu yɛ lɔ nɔi mu; diɛ ɓa a damąą, ɛlɛɛ yaan, ə́ mąą mɛ̨nį kaa lɔ di laaləi; Kɛlaa hvo di nii hu;

Ɉeremi 17:10

Ɲą́ą́ Yai-Laa, ɲą́ą́ ɓə ŋį́ nu kwəi kiliŋąhiɛɠaa hu kaa, gɛ́ gwəi kili hu kpɛ. Ŋą́ nu kəlee hvɛla kulɔ yɛ bələi a túwɔ́ la. Yɛ bələi gɛ pələ kaa la.

Lukə 6:12

Nąąlɔwai tii hu, Jesus ə tɛ yee kpukpu ta ɓa, əgɛ, ə Yálá hvɛli mąą kpinįi tii hu, ə yii Yálá hvɛli; ə lɛɛ la ɉu yələ ə ɓɔ.

M̀ɛni-lɛɛi 2:23

Nonnii di wɛi, gáá pai di kɛlɛi a haa; ɛlɛɛ, gbɔn gəlee kaa pai gbaɠala kaa, diɛ kɛ, Ɲą́ą́ ɓə ŋą́, nu kwəi mɛ̨nį da nii hu mɛ̨nįɠaa kaa, ɛlɛɛ, ŋą́ ká tɛitɛi ká hvɛla kulɔ yɛ bələi ká tuwɔ la.