Mąątɛ̨nɛ̨ 16:10 - Yálá laawoo hɛɓɛ (dc)

¹⁰ Mąąhɔlɔɓo hvó pai nɛ́ɛ́i ɲɔ̨muątaa yee kon ma, hvá ə́ wɔ tí mun lɛɛ kámą hu.

Yálá laawoo hɛɓɛ

¹⁰ Mąąhɔlɔɓo hvó pai nɛ́ɛ́i ɲɔ̨muątaa yee kon ma, hvá ə́ wɔ tí mun lɛɛ kámą hu.

Bible

¹⁰ Ya ŋ́gula saa ŋɔwála-walai yée mu. Ŋa tíi kɛ́ yɛ̂ a teniŋ ƃô-pere, ǹyaŋ ífe pâi wɔ́lɔ ǹɛɛ̂i naa ŋá lɛ́ɛ saa ŋɔwála-walai mu.

Mąątɛ̨nɛ̨ 16:10 Iomraidhean Croise

Zôo 11:8

Mąą kwɛa pələ kaa yɛ yələkɔlɔn, ə́ kaa pai gɛi ləi? Gbon ɉu kwɛai dɛɛ ɲąmuątaa ɓa, ya pɛli gɔlɔn bələ kɛi ləi?

Mąątɛ̨nɛ̨ 139:8

Ŋą́ tɛ yələi pələ, yɛ́ ka! Ŋą́ yɛɛ ɲąmuątaa, ə́ ɓo laa!

Mąątɛ̨nɛ̨ 49:15

Di puɔi di kee mɛ̨i ɲąmuątaa yɛ ɓɛlaaɠaa, haa ɓə a pələ kulɔ a diɛ, yɛ bələi taatɛlɛɛ mɛ̨i kaamun a gɛ la a nwɔ taatɛlɛɛɠaai. Yələ a kɛ gaa ɓɔi, kwəikwələ nuą diɛ hee di mɛ̨i, di mąąnįnįn gbɛɛi ɓaa ɲąmuątaa; di mąąkwɛa di wɔ tɔɔ pɛlɛ́ɠaai diɛ.

Mąątɛ̨nɛ̨ 9:17

Yai-Laa aa gbɔwɔ lɛ, aa gití hu woo ɓo, nui hva kulɔ nwoo ɓa, gbɔwɔ kpįnįi hɛlɛn lɔ ɓə, yá ɉon na.

Hanwon 15:11

Ɲąmuątaa da lɔi mu hɛnŋąą, di kaa a mąą pɔ̨nɔ̨ɔ̨ Yai-Laa ɓa, gu hvo mun kɛ nuą kwəi kiliɠaa!

Hanwon 27:20

Ɲąmuątaa da kámą di hva pilɛ, bələ lɔ ɓə nu ɲɛ̨ikɔw hva pilɛ la.

Azaya 14:9

Ə́ pa mɛ̨nį bələ mɛ̨n ɲąmuątaa ə mo, níi kaa kulɔi mą, yɛ haa nuą nwun, ə́ laakwiɛn mɛ̨nį ɓa, yɛ yɛnɛ̨ɛ̨ tɔɔɓɛlaa kəlee həɠə di wɔ tɔɔkpəlin hu.

Azaya 5:14

Nąąlɔwai, ɲąmuątaa a naa taɠa kpɔ kɛnɛ̨, ə gwaną wolo hu kɛnɛ̨, nu kpɛa-kpɛaɠaa da mąąwɛli nuą diɛ yɛɛ ɉu da di wɔɔ kwəinɛ̨ɛ̨ huluun nwoo.

Danîa 9:24

Daa mąąhəɠɛɛi ŋɛ̨i, da ə́ wɔ nuąi, mɛ̨nį ta aa ɓo di laa mɛ̨i, yii gaa pai həli diɛ lɔwai pow mɛ̨ihveelɛ heei kwɛlan mɛ̨ihveelɛ yee mu. Nąąlɔwai kaa a lɔwai yii viɛlaɓoɔ, ə gɛ, di kulɔ nwoo mu laa kpɛɛ, nąąlɔwai ɓə di mɛ̨nį ɲɔ̨n gbɛɛ la, di di wɔ nɛ̨ŋɛ̨nŋaa mąąhvaalɛɛ, tələnmolaa yii kpɛɛ hvo mą, di gulɔ pɔ̨nɔ̨ ŋą, hįi kaaɠaa da mɛ̨nįi Yálá kwəi mɛ̨nį hukulɔ mun ə mo naa ə hon. Ɛlɛɛ, nui mąąhəɠɛɛ nu mąąhəɠɛɛɠaa diɛ, di mąątí.

Levetekɔ 19:28

'Ka hvo ka kpɔwɔ mąą nwąną haa mɛ̨nį hu, 'ka hvo nu ta pɔlɔn baa. Ɲą́ą́ ɓə gáá a Yai-Laa.

Amɔsə 9:2

Ə mą kɛ daa yɛɛ ŋąmua-taa, ŋį́ li laa, ŋį́ di hon. Da di mąąkilɛ yələkɔlɔn ɉu, ŋį́ di kulɔ laa, ŋį́ di yɛɛ.

Lonon mo 6:6

«Volóɠaai tii gaa la a Yai-Laa nwɔɔ, mąą hvo nɛ̨ɛ̨li hvo li nu powa kɛɛnąą.

Lukə 1:35

Malaka ə nwoo pulu pənə, yɛ mą: «Kili-Mąąhəɠɛɛ kaa pai yɛɛi ə́ mɛ̨i, Hɛn Gəlee mɛ̨imun ə ə́ mɛ̨i kpulu a nwɔ huwalawala nįnįn, yili ɓə gaa mą, non tii kaa pai kɛi a nu mąąhəɠɛɛ, diɛ kɛ naa ɓaa a Yálá Lon.

Lukə 16:23

Ɉɛn gɔw nąmui tii, ə yɛɛ ŋąmuą taa, yɛ mɔ̨nɔ̨ mį́į́ kpɔ laa a mɔlɔɔ. Ə nwun muhəɠə, ə Abrahamə kaa Lazarə yɛ ɓo gwɛlɛ.

Lukə 4:34

Yɛ kɛ mą: «Ee! Jesus Nazarɛtə mun, lə ɓə yɛ ə́ gɛ a kuɔ? Akɛti, ə́ pa kɛa ku nwun na pili mɛ̨nį ɓa li? Ŋą́ ə́ kɔ́lɔn ə́ kaa a Yálá nwɔ tímun.»

Korɛntə dɔlɔɔ 15:42

Bələ lɔ ɓə gaa la, haaɓɛlaa nwun mɛ̨nį hu. Kɔlɔ kɔ́hɔɓoɔ ɓə da nɔ lɔi mu, a nwun, hva kɛa kɛ a gɔhɔɓoɔ.

Dutɛrɔnome 32:22

A tɛ̨ąą! Nwɔ́ liiholi nwɔ̨n gaa pai kulɔi ɉúnwɛ̨i. Ə kələn mo kɛ kpɔ ə həli la ɲɔ̨muątaa, a lɔi kələn ə bɛlɛ ɉihɛnŋąą diɛ, a yeeɠaa kɔ́wɔ hvilɛn ɉii kələn.

M̀ɛni-lɛɛi 1:18

Ɛlɛɛ, a Vúlúmąą; ŋą́ wɔlɔ haa, kɛlaa yiihu, 'ɓɛ káá, gáá kɛa a vúlú a yələ kəlee da nwɔɔ, ɛlɛɛ, ɲą́ą́ ɓə haa ŋą kpon gwɛliɠaa kaa ɲə́i, ɛlɛɛ da ɲąmuątaa.

M̀ɛni-lɛɛi 20:13

Gboloyá ə pa a nwɔ haa nuą. Haa da ɲąmuątaa, di pa a di wɔ haa nuąi, ɛlɛɛ, di gəlee kiti tee yɛ bələi di túwɔ́ la.