Mąątɛ̨nɛ̨ 148:8 - Yálá laawoo hɛɓɛ (dc)

⁸ Nwɔ̨n da hanwon, luwú-luwú da nąląąn, tulɔ hvaŋą, kaai ka nwoo pɔ mɛ̨nį kɛ;

Yálá laawoo hɛɓɛ

⁸ Nwɔ̨n da hanwon, luwú-luwú da nąląąn, tulɔ hvaŋą, kaai ka nwoo pɔ mɛ̨nį kɛ;

Bible

⁸ Ɣele gbâna, sãɔɔ, kɔ́lɛ da ɣele-kɔlɔŋ-ŋa, ka ǹáa maa tɛ́. Káai a vãa su-kpanaŋɔɔ-ŋai ka ŋ̀óo mɛnii, ka ǹáa maa tɛ́.

Mąątɛ̨nɛ̨ 148:8 Iomraidhean Croise

Zɛnɛse 19:24

Nąąlɔwai ɓə Yai-Laa ə nwɔ̨n dulɔ pu la Sodomə taa da Gomorə taa di mɛ̨i.

Zôo 37:12

Ya ɓə a gəlee kalan na tee, ə gɛ yii gaa bɔ, diɛ gɛ. A yii kpɔ gaa bɔ di gɛ yɛnɛ̨ɛ̨ nąą kəlee.

Mąątɛ̨nɛ̨ 103:20

Kaai a nwɔ malakaɠaa, 'Ka Yai-Laa laa mąąwiɛ, kaai a nwɔ kuláá kpɛa kpɛaɠaai, 'ka nwoo pɔ mɛ̨nį kɛ, 'ka nwoo mɛ̨n nɔ, 'ka nɛɛ mą ka bɔ mɛ̨nį kɛ.

Mąątɛ̨nɛ̨ 18:12

Ə li ə noo tulɔ kpinįn gɛnɛ̨ɛ̨ ta hu, ə mąą kpinįn a lulu hu wiaa, nąą hu kpinɛ̨ɛ̨ yɛ yá kpon ɉu kwɛa.

Lɛɛ gbɔwɔ ɓa 10:13

Moisə ə nwɔ tunwɔ̨n haŋą Eziptə lɔi mɛ̨i, Yai-Laa ə ɓo hvaŋą kɛnɛ̨ ta ɓa, yɛ həɠə hvóló kulɔi pələ. Vaŋą ə hvóló tɔ̨nɔ̨ da kpinį tɔ̨nɔ̨ kɛ yɛ tɛɛ; yələwala pɔ, vóló kulɔi pələ hvaŋą ə pa a peeləɠaa.

Lɛɛ gbɔwɔ ɓa 10:19

Yai-Laa ə vaŋą ɲɛ̨i tinɛ̨n, hvaŋą kɛnɛ̨ ta ə həɠə hvóló tooi pələ, ə beeləɠaai ti kəlee həɠə, ə li ə di pu veegbɔnɔ̨ gboloyá hu. Beeləi tii dɔ̨nɔ̨ kpɛli hvo lɛɛ Eziptə lɔi hu.

Lɛɛ gbɔwɔ ɓa 14:21

Moisə ə ɲee haŋą gboloyá mɛ̨i, Yai-Laa ə ɓo hvaŋą kɛnɛ̨ ta ɓa, yɛ həɠə voló kulɔi pələ. Vaŋąi tii ə gboloyá ɓɛlaɓo ɉu hveelɛ a kpinį, di tɛɛ pələ hu ə kpala.

Azaya 66:16

A tɛ̨ą, nwɔ̨n nən mə Yai-Laa kaa pai kiti teei la, yɛ nu kanŋaa kiti tee a ɓɔwa kwɛaa. Nu kpulu tamąą ɓə Yai-Laa kaa pai ɓɔi di hu.

Levetekɔ 10:2

Nwɔ̨n ə kulɔ Yai-Laa lííla, ə di kələn, di haa Yai-Laa lííla.

Amɔsə 4:13

Mąąhɔlɔɓo, Yálái ŋɛ̨i yeeɠaa tɔɔ, ə hvaŋą kulɔ, ya ɓə a nwɔ kiliŋąhiɛ loɔ lɛ nu ɓa, Ya ɓə a yələwala mąą pənə a kpinį, yɛ hiɛ yeeɠaa ton na, mąą Yálái tii laa ɓaa: Yai-Laa Mɛ̨nį Kəlee ŋą Hééɓomun Yálá.

Amɔsə 7:4

Mɛ̨nįi Yai-Laa ə nɛ mą́ą́ hįį pələ nwɔ̨nɔ̨, ya ka: Nwɔ̨n mə ə ɉəɠə, ə gɛ a nwɔ kitii tee hɛn, nwɔ̨n tii nwəleen ə kɛi yaɠaa kpala lɔi mu, yɛ Israɛlə lɔi kələn.

Zôna 1:4

Yai-Laa ə ɓo hvaŋą kɛnɛ̨ ta ɓa, ə hee gələn ma gboloyá ŋą. Vaŋą tɛɛ pələi tii yɛ kɛ kpɔ ə gələn daɠa-taɠa gee ɓa.

Zôna 1:5

Gələn ɉiɛ nuą di ɲɔw kpɔ kɛnɛ̨, nu kəlee yɛ nwoo laa həli nwɔ Yálái ɓa. Di nɛ̨ɛ̨mą diɛ diɲɛ taɠaa kulɔ gələn ɉu diɛ bili ɲai, ə gɛ, ə lɛɛ howa-howa. Ɉonasə nwɛi, ə yɛɛ gələn gbon ŋą, ə laa yɛ yii kpɔ a mɔlɔ.

Lonon mo 16:35

Nwɔ̨n ə kulɔ Yai-Laa pɔ, nu nwun veelɛi ɲee lɔɔli tii kɛi lansan laa həli Yai-Laa ɓa, ə gəlee kələn.

Zasua 10:11

Di kɛɛ pui Israɛlə tɔwɔ diɛ Bɛtə-Horɔn yee yɛɛ, Yai-Laa ə hanwon gbuwulu kpɛa-kpɛa kulɔ yələi pələ yɛ bu diɛ, di həli kpɔ Azeka, di haa. Yiiɠaai haa ɉanwon gbuwuluɠaa yəi, di tamąą di tɛɛ yiiɠaai Israɛlə nuą di di paa a ɓɔwa diɛ.

M̀ɛni-lɛɛi 16:21

Hanwon gbuwulu kpɛa-kpɛaa nwiaa yɛ kilə pow-nąąn, yɛ kulɔ yələi yɛ too nu kanŋaa diɛ, ɛlɛɛ, nu kanŋaa di Yálá lalan mɔ̨nɔ̨i tii mąą mɛ̨nį ɓa, mąąhɔlɔɓo, mɔ̨nɔ̨ yili mąąmįnį-mįnŋąąi kɛ kɛnɛ̨.