Mąątɛ̨nɛ̨ 146:6 - Yálá laawoo hɛɓɛ (dc)

⁶ Ya ɓə Yələ kɔ́lɔn da lɔi di pɛli, gboloyá, da di hu hɛnŋąą kəlee, ə ɓo lɔ yələ kəlee, a tɛ̨ą mąąkɔ̨nwɔ̨ mun.

Yálá laawoo hɛɓɛ

⁶ Ya ɓə Yələ kɔ́lɔn da lɔi di pɛli, gboloyá, da di hu hɛnŋąą kəlee, ə ɓo lɔ yələ kəlee, a tɛ̨ą mąąkɔ̨nwɔ̨ mun.

Bible

⁶ nyii ŋ̀elei, ǹɔii, da yúo kpɛ̀tɛi, da zãai nyii-ŋai gáa dí sui. A ŋɔkono-teei kélee ŋ̀aa sèe kɛ̀.

Mąątɛ̨nɛ̨ 146:6 Iomraidhean Croise

Zɛnɛse 1:1

Yálá ə gbɛa tɔlɔɔ yələkɔlɔn da lɔi di pɛli.

Mąątɛ̨nɛ̨ 100:5

Mąąhɔlɔɓo, Yai-Laa nwɔ mɛ̨nį lɛlɛɛ ɓə, nwɔ wɛlikɛmąąlaa ɲɛ̨n deei hvo mą, Gaa a tɛ̨ą, a kwɛlan gəlee da nwɔɔ!

Mąątɛ̨nɛ̨ 115:15

Yai-Laa ə lúwɔ́ kɛ kaa, Yai yələ kɔ́lɔn da lɔi di pɛli.

Mąątɛ̨nɛ̨ 117:2

Mąąhɔlɔɓo, bələi gu wɛli kaa la mą, yili kɛnɛ̨i, ɛlɛɛ nwɛi, ɉaŋąąi lɔ a yələ kəlee. 'Ka gu Yai-Laa mąąwiɛ. 'Kánikookwəi!

Mąątɛ̨nɛ̨ 33:6

Yai-Laa ə yələkɔlɔn bɛli a naa woo, ə ɉu hɛnŋąą kəlee kɛ lɔ a naa wəleen.

Mąątɛ̨nɛ̨ 89:2

Gáá kɛi lɔ Yai-Laa nwɔ mɛ̨inɛ̨ɛ̨ɠaa tooi a wələ a yələ kəlee, gɛ ə́ wɔ tɛ̨ą mɛ̨nį hukulɔ a kwɛlan gəlee.

Mąątɛ̨nɛ̨ 89:33

ŋą di wɔ kulɔ nwoo mu laai hutɔɔ a hvaɠa, ŋį́ di wɔ mɛ̨nį ɲɔ̨n kulɔ di hu a kɛlɛɓo,

Mąątɛ̨nɛ̨ 95:5

Gboloyá ə ɓo a nwɔɔ, ya ɓə naa, ə lɔi kpalan bɛli lɔ nwɔ̨nɔ̨ a ɲee.

Mąątɛ̨nɛ̨ 98:3

Bələi a Israɛlə nwɔ pɛlɛ́i hon na, a wɛlikɛmąąlaa, da lɛɛ nwoo pululaa, aa gili too ɲą, ə mą kɛ kwɛala lɔiɠaa daa gu wɔ Yálái nwɔ ɓalo mɛ̨nį kaa.

Lɛɛ gbɔwɔ ɓa 20:11

Mąąhɔlɔɓo, Yai-Laa ə yələkɔlɔn, lɔi, gboloyá, da ɉu hɛnŋąą kəlee pɛli hvóló mɛ̨ida yee mu, kɛlaa, ə vįitɔɔ a voló mɛ̨ihveelɛ yələ. Yili ɓə gɛ, Yai-Laa ə lúwɔ́ too vįitɔɔ yələi ti ɓa, ə gɛ a hvóló mąąhəɠɛɛ.

Ɉeremi 32:17

«Ée Yai-Laa nwɔ́ Yálá! Yɛ́ ɓə yələ kɔ́lɔn da lɔi di pɛli a ə́ wɔ yeewalawalaa, a ə́ yee kɔ̨nwɔ̨n ɉuwalawalaa, ə́ yee a pɛli mɛ̨nį kəlee ɓa.

Danîa 9:4

Ŋą́ kɛi Yálá hvɛli, gɛ́ hvaa gɛ́ nɛ̨ŋɛ̨nŋaa diɛ Yálá ɲɛ̨i ɓa, gɛ́ kɛ mą: «Éé Ną́mu Yálá, ə́ kɛnɛ̨, ə́ yee wia, nuąi da ə́ wɔ tɔ́nŋaai hon, ə́ wɔ mįnɛ̨ həɠɛɛ a kɛ di pɔ, nuąi da ə́ wɛli la kɛ, ə́ wɔ tələnmolaa yɛɛ ɓo di mɛ̨i.

Mise 7:20

Ə́ kaa pai Ɉakɔbə hon ɉii a wɛlikɛmąąlaa, Yɛ́ Abrahamə kɔ́ a ə́ wɔ nɛ̨ɛ̨laa; yili ɓə ə́ mo ku nąnni diɛ, Yɛ́ ə́ kwɛla ɉu kpɔ a tɔwɔ-tɔwɔ yələɠaa.

Ɉaan 1:3

Nwoo tii ɓə Yálá ə hɛn gəlee pɛli la. Hɛnŋąą kpɔ yɛnɛ̨ɛ̨, da hvo pɛli li nwoo tii tɛɠi.

Ɉaan 10:34

Jesus ə di woo pulu pənə yɛ diɛ: «Akɛti, nwoo ŋɛ̨i hvo pɛ̨ɛ̨ li ka wɔ tɔ́n ɉɛɓɛ́i hu, yɛ kɛ diɛ: ‹Ka kaa a alaɠaa?›

Gɛlaɠaa 14:15

«Kué! Gbɛɛ nuą ɓəi! Lə ɓə ŋɛ̨i ka káá gɛi? Nuą lɔ ɓaa a kuɔ, ku kɛ pələ ə ɓo lɔ yɛ káá! Nwɛlɛɛ lɛlɛɛi ku pa moi káái, ya ɓaa, 'ká ká yee kulɔ mowo mɛ̨nįɠaa ŋɛ̨i hu, ka ká ɲɛ̨i tínɛ̨n Yálá hvulúmąą pɔ pələ, yai yələkɔlɔn, lɔi da gboloyá da di hu hɛnŋąa kəlee pɛli.

Dutɛrɔnome 7:9

Mąąnɛ̨ɛ̨ ka kili ə pu ɉu kaa diɛ, Yai-Laa ka wɔ Yálái ɓə gaa a Yálá kpɔ-kpɔɔ. A Yálái a kulɔ nwoo ɓa. Nuąi da nwɛlilakɛ, diɛ nwɔ tíɓoɠaa kɛ, a lɛɛ nwɔ mįnɛ̨i pulu di mąą mɛ̨nį ɓa; yɛ di wɛli la kɛ kwɛlan nwaa tamąą yee mu.

Kolosə 1:16

Mąąhɔlɔɓo, yaa ɉu ɓə Yálá ə hɛn gəlee pɛli laa, yələ pələ mąn, da lɔi ɓa pələ mąn; hɛnŋaai kpɔ káá kaa mą, da yiiɠaai kpɔ káá hvo mą; tɔɔkpəlin da hééɓolaa, ŋąąwooɓolaa da hvaŋą laa. Ya ɓə gəlee pɛli, ɛlɛɛ, nwɔɔ ɓaa a gəlee.

Taitɔ 1:2

kilitɔɔmąą laa hu, a ɓálo hva kpɛɛ, yai, Yálái hva lɛɛ kɛ, ə gbɛa naakwɛlanmo gɛɛ hvo yɛnɛ̨ɛ̨ pɛli;

Hebreu 6:18

Mɛ̨nį hveelɛ ka ti, hva ɉəɠə mą, lɛɛ mɛ̨nį hvo ɉu Yálá pɔ pələ, yili a hvaŋąlɔ tɛɛ gu pɔ, a guɔi gwaa mɛ̨nį kəlee lɛɛ laa, gu kilitɔɔ mɛ̨nį laakwɛlanmoɔ tii ɓa.

M̀ɛni-lɛɛi 14:7

Ə kɛli mo a nwoo kɛnɛ̨ yɛ kɛ mą: «'Ká ɲɔw Yálá ɓa, ɛlɛɛ, 'ká mąąwiɛ, mąąhɔlɔɓo, ŋą kuui aa həli, ŋą kitii tee ɲələ aa həli. 'Ká gwɛli hvilɛn yələkɔlɔn da lɔi, gboloyá da yá nwun gulɔiɠaa di pɛlimun ma.»