Mąątɛ̨nɛ̨ 127:1 - Yálá laawoo hɛɓɛ (dc)

¹ Ɲee mąąhɛɠɛɛ tɛ wələ. Salomɔn nwɔ wələ. Pɛlɛ́i Yai-Laa laa hvo dɔɔ mɛ̨nį hu, dɔɔ nuą kaa kpɛli kɛlɛi. Yai-Laa a wala ɲɛ̨i kɛ taa ɓa, nuąi mąąkpɛi, di kaa yíikpəlin ɉəɠəi kpɛli-kpɛli.

Yálá laawoo hɛɓɛ

¹ Ɲee mąąhɛɠɛɛ tɛ wələ. Salomɔn nwɔ wələ. Pɛlɛ́i Yai-Laa laa hvo dɔɔ mɛ̨nį hu, dɔɔ nuą kaa kpɛli kɛlɛi. Yai-Laa a wala ɲɛ̨i kɛ taa ɓa, nuąi mąąkpɛi, di kaa yíikpəlin ɉəɠəi kpɛli-kpɛli.

Bible

¹ À kɛ̀ Yâwɛɛ fé pɛ́rɛ tɔɔ ní, bɛ́rɛ tɔɔ-nuui ŋɔtíi káa nɔ́ kpɛ́ni-kpɛni. À kɛ̀ Yâwɛɛ fé daa lêei mɛi káa ní, daai mɛi-kaa-ƃelai dítii káa nɔ́ kpɛ́ni-kpɛni.

Mąątɛ̨nɛ̨ 127:1 Iomraidhean Croise

Tɔɔɓɛlaa dɔlɔɔ 5:12

Hanwon ə ɉɔɔ, ə kɛ waa haaɓa, wələ waa tɔ̨nɔ̨ wələ lɔɔli ɓə ə doo.

Kɔlɔnikɔ Maa-ŋuŋ 28:10

Ə həli kani yɛ́: Yai-Laa aa ə́ həɠə ɉu, yɛ ə́ pɛlɛ́ tɔɔ mą, a mąąwiɛ pɛlɛ́. 'Ə́ hąą yili, 'Ə́ goló kɛ.

Kɔlɔnikɔ Maa-ŋuŋ 28:20

Davidə yɛ nwɔ̨nɔ̨ non Salomɔn ɓa: «'Gɛ a hulɔnu laa, 'ə́ ə́ liikpələ! 'Hvó ɲɔw, ə́ mąą hvo kpɛlin! Yai-Laa ə́ nwɔ́ Yálái kaa ə́ pɔ. Hvo pai gili kulɔi ə́ hu, va ɲee ɓo yɛ́, ə lɛɛ la ɉu, hvo kɛli yá kpɛɛ a Yai-Laa nwɔ pɛlɛ́i tɔɔ kolóɠaa kəlee kɛɛ.

Kɔlɔnikɔ Maa-ŋuŋ 29:19

'Kili lɛlɛɛ tɛɛ nón Salomɔn pɔ, yɛ pɛli, ə́ wɔ Tíɓoɠaai, ə́ wɔ tɔ́nnwooɠaai, da ə́ wɔ lɔi hon bələ mąą yɛlɛ kɛi, yɛ gəlee pɔ túwɔ́ ɓo, ɛlɛɛ bɛlɛ́i ŋɛ̨i ŋį́ dɔɔ-hɛnŋaa ɲąąkpɔn, yɛ dɔɔ.»

Mąątɛ̨nɛ̨ 120:1

Ɲee mąąhəɠɛɛ tɛ wələ. Gwə́i pilɛɛ kɛ mą́ą́, ŋį́ Yai-Laa təli, ə nwóó mu hon.

Mąątɛ̨nɛ̨ 121:1

Hiɛ mąąhəɠɛɛ kulɔ wələ. Ŋą́ nwún muhəɠə, ŋį́ ɲɛ̨́i hee ɲeeɠaa diɛ, mįnɛ̨ ɓə nwɔ́ kpɔnmąą a pɛli həɠəi laa?

Mąątɛ̨nɛ̨ 122:1

Ɲee mąąhəɠɛɛ tɛ wələ. Davidə nwɔ wələ. Da kɛ mą́ą́: «'Gwə li Yai-Laa yəi bɛlɛn!» Gwə́i a nɛ̨ɛ̨!

Mąątɛ̨nɛ̨ 123:1

Ɲee mąąhəɠɛɛ tɛ wələ. Ŋą́ą́ ɲɛ̨́i muhəɠə ə́ pɔ pələ, Yɛ́i heeni yələkɔlɔn ɉu;

Mąątɛ̨nɛ̨ 124:1

Davidə nwɔ hiɛ kulɔ wələ Akɛ kɛ Yai-Laa hvo kɛ a dɔɔ ku pului, gbɛɛ ɓə li kɛ ku pulu. Israɛlə! Pənə ə́ mo kpɔ tii!

Mąątɛ̨nɛ̨ 125:1

Ɲee mąąhəɠɛɛ tɛ wələ. Nuąi di kilitɔɔi Yai-Laa ɓa, di kaa yɛ Siɔn yee, yai hɛn da hva ɉəɠə dɔɔi, gaa lɔ laa a yələ kəlee.

Mąątɛ̨nɛ̨ 126:1

Ɲee mąąhəɠɛɛ tɛ wələ. Ɓɛlɔwai Yai-Laa ə kɛi pənə yɛ paa la, a Siɔn lonnii kɛ luwɔlaa hu, ə kɛ lɔ yɛ kwa kɛi hį́į kaa!

Mąątɛ̨nɛ̨ 72:1

Salomɔn woo ka. Yálá, ə́ wɔ kiti tee hvilii tɛɛ tɔɔmun bɔ, ə́ wɔ tələnmolaa tɛɛ dɔɔmun non ŋɛ̨i pɔ.

Mąątɛ̨nɛ̨ 78:69

Ə mąąwiɛ pɛlɛ́ tɔɔ laa, ɲee nwuɔ̨, nwun naŋįn ŋąą hɛn gəlee mɛ̨i; ə dɔɔ nąą a yələ kəlee mɛ̨nį, kpɔlɔ yɛ bələi lɔi laai la.

Hanwon 16:9

Nu kili a ɉiɛ pələ mąąkpɛɛ, Kɛlaa, Yai-Laa ɓə a gɔwɔ hukɔ́lɔ.

Ikilisiati 9:11

Ŋą́ą́ nwɔ̨nɔ̨ mɛ̨nį takpɛli kaa ɓɛ lɔi mɛ̨i, ya ɓaa: Nui mąąhulaa gilɛ həɠəi, ya lɔ hvəi a gilɛ həɠɛɛ dɔlɔ hɔlɔɓo; ɛlɛɛ, hvaŋą nąmįną lɔ hvəi kɔ́ a nɛ̨ɛ̨ diɛ; yili pulu, kilimąą mun nɔ hvəi a gbɔwɔ hɔlɔɓo yɛnɛ̨ɛ̨, ɛlɛɛ, nui nwun gaa ɉu, ya lɔ hvəi a kɛ a hɛn gɔw nąmu; kili mɛ̨nį kwɛli nuą lɔ hvəi da mąąwiɛ hɔlɔɓo. Mąąhɔlɔɓo, mɛ̨nį ɲąąnɛ̨ɛ̨ da ŋąąnwąnąą a həli nu kəlee ɓa.

Wɛli 3:3

Kɛlaa, daa mąąkpɛɛ nuą di gáá, diɛ tinɛ̨n daa ɓa, gɛ́ diɛ: «Nui mąą mɛ̨nį lɔɔ níí mu, ka gaa?»

Wɛli 5:7

Kwa daa mąąkpɛ nuą ku kwiɛn, diɛi da kɛ tinɛ̨n ɉii a daa, di gɛ́lɛ, di mą́ą́ nwąną, di nwɔ́ həɠəi kulɔ mą́ą́; diɛi a daa mąąkpɛ nuą.

Azaya 27:3

Ɲą́ą́, Yai-Laa, ɲą́ą́ ɓə ɲɛ̨́i kɛi mą, gɛ́ ya pu mą a yələ kəlee; ŋą́ yíi mąą kpɛi, gɛ́ túwɔ́ ɉu, ə gɛ nu hvo pa nəi lɔ laa.

Azaya 56:10

Ɲɛ̨ipu nuą ɓə di ɲɛ̨i kɛi Israɛlə taa ɓa, nu kəlee di pɛlɛɛ di kee ɓa, di ta hvo mɛ̨nį kɔ́lɔn, munųgbɛ yilɛɠaa ɓaa diɛ, di hva pɛli kpəɠii, di kaa puuni, diɛ di kiliŋąhiɛ lɔ tii, yii mɛ̨nį lɔ ɓə nwɛli kaa diɛ,

Azaya 62:6

Ɉerusalɛmə, ŋą́ą́ daa mąą kpɛnuą tɔɔ ə́ wɔ hį́í mɛ̨i, diɛ túwɔ laa, diɛ yii laa, mąą hvo nɛ̨ɛ̨li di hvo tɔɔ kpɛli kpɛli. «Kaai ɲɛ̨i ka mɛ̨nįɠaa kili too Yai-Laa ɲą, hvįįtɔɔ hvo ka yəi!

Ɉeremi 51:12

'Ka gɔ́ təli Babilonə hįį ɓa, 'Ka daa mąąkpɛ nuą ta pɛlɛ mą, 'ka nuą hee di tɔwɔ lɔwɔi. Gaa tii, mɛ̨nįi Yai-Laa ə mo yɛ hvilɛn Babilonə nuą diɛ, ə gbɛa giliŋąhiɛ mą, gaa kɛa gɛi.

Ɉeremi 51:31

Wɛlɛɛ ɓomun a lɛɛ gilɛ həɠəi, ə da kpɛli hon. Hɛɓɛ́ laalɛ mun ə hɛɓɛ́ laalɛ mun da kpɛli hon, diɛ li kɛi Babilonə tɔɔmun ma: daa ə́ wɔ taai hon gɔlɔ kəlee,

Korɛntə dɔlɔɔ 15:14

ɛlɛɛ, akɛ Kristə hvo nwun ni, a kɛ tii, ku wɔɔ kalan nwoo kaa a lɛɛ, ká wɔɔ laa na laa ə ɓo a kpɛli.

Korɛntə dɔlɔɔ 3:7

Yili ɓa, nui ɉin hvo a hɛn da, nui nwɔ̨nɔ̨ ɲá pu mą, hvo a hɛn da, Yálá yaa tanɔ̨n lɔ ɓə naa kaa mą, yai gɛ, yɛ kɛnɛ̨.

Galatə 4:11

Ɲɔw kaa ɉú ká mąą mɛ̨nį ɓa, akɛti góló kɛnɛ̨i ŋį́ gɛ káá, ə lɛɛ mɔ̨ɔ̨ a kpɛli!

Dutɛrɔnome 8:18

Kɛlaa, mąąnɛ̨ɛ̨ ka kili ə kɛ ɉu kaa diɛ; Yai-Laa ka wɔ Yálái ɓə hvaŋą tɛɛ ka pɔ kaa hɛn ɉɔlɔɓo la. Nwoo tii ə gwɛlɛ ka nąnni diɛ, yɛ bɔ mɛ̨nį kɛ la, yɛ bələi gaa gɛi la háákələi.

Zasua 2:2

Nuą di li di ɉukulɔ Ɉeriko tɔɔmun ma, diɛ mą: «Israɛlə nuą di háá pa ɓɛ a kpinį, nɔi hu kaai.»