Mąątɛ̨nɛ̨ 11:1 - Yálá laawoo hɛɓɛ (dc)

¹ Nwələi ɲɛ̨itɔwɔmun. Davidə. Yai-Laa ɓə a mą́ą́ kilɛi. Ka pɛli kɛi ləi mą́ą́: 'Pu ə́ li ka wɔ yeei nwuɔ̨, nwɛ̨ni logolo.

Yálá laawoo hɛɓɛ

¹ Nwələi ɲɛ̨itɔwɔmun. Davidə. Yai-Laa ɓə a mą́ą́ kilɛi. Ka pɛli kɛi ləi mą́ą́: 'Pu ə́ li ka wɔ yeei nwuɔ̨, nwɛ̨ni logolo.

Bible

¹ Ŋálaa-laai káa Yâwɛɛ kponôi ŋ́uŋ ma ƃô mɛni ma. Ífe kɛ̀ ḿâa, “Koôŋ í lí ǹyéei ma yɛ̂ɛ ŋɔni.

Mąątɛ̨nɛ̨ 11:1 Iomraidhean Croise

Kɔlɔnikɔ Veerɛi 14:11

Yai-Laa ə Nubinuą kɛlɛ Asa da Ɉuda nuą di tɔwɔ, Nubinuą di pu.

Kɔlɔnikɔ Veerɛi 16:8

Kɛlɛi Nubi nuą da Libi nuą, gɔlaɠai kɛ di yəi ɉu kɛnɛ̨i kɛ-e! Kɔ-kɔ wotolo kpulu, da hoo mɛ̨i nuą kpulu kɛnɛ̨ɛ̨-e! Kɛlaa, yii kpɔ ə́ ə́ kilitɔɔ Yai-Laa ɓa, ə di lɔ ə́ yee ŋą.

Nehemi 6:11

Gɛ́ mą: «Ɲą́ą́! Ɲɔ́nwɔ̨ma a moɔ pu? Nu ləi ɓaa ɲą́ą́ yaai, ŋį́ pɛli lɔi Yálá hee pɛlɛ́ mu, gɛ́ lɛɛ a vúlú? Və́ lɔi laa.»

Mąątɛ̨nɛ̨ 16:1

Davidə nwɔ kpɔwɔ mąąyɛɛ wələ Ee Yálá! 'Ə́ ɲɛ̨́i kɛ mą́ą́, mąąhɔlɔɓo, yɛ́ ɓə ŋą́ ə́ kɛ a mą́ą́ kilɛi.

Mąątɛ̨nɛ̨ 25:2

Nwɔ́ Yálá, yɛ́ ɓə gílitɔɔ ɓə yɛ́! Hvó ɲɛ̨́i hvala! Ɲówóɠaa di hvo pa hee mɛ̨́i!

Mąątɛ̨nɛ̨ 31:14

Náá kala nuą woo kaa tooi nwə́lii, yili yɛ gwɛ́lɛ nuą mąąɲɔw; daa pɛli mɛ̨nį tɔ̨nɔ̨ hu náá ɓa, diɛ di nwundɔɔ a mą́ą́ mɛ̨nį, diɛ di nwɔ́ yɛnɛ̨ɛ̨ kulɔ ɲə́i.

Mąątɛ̨nɛ̨ 56:11

A Ɲálái tii gáá mąątɛ̨nɛ̨i, a Yai-Laai tii gáá nwoo mąątɛ̨nɛ̨i.

Mąątɛ̨nɛ̨ 7:1

Davidə kaa nwoolaai. Ə Yai-Laa hvɛli, a ɲələi Kusə, a Bɛnɉamɛn mun, ə hvilɛn na bulu a kɔ́.

Mąątɛ̨nɛ̨ 7:2

Yai-Laa, nwɔ́ Yálá, yɛ́ ɓə ŋą́ mą́ą́kilɛ ə́ hvaŋąn mu, nuąi kpɔ di hvilɛnŋąą búlu a kɔ́, 'málo, 'gulɔ di yəi!

Mąątɛ̨nɛ̨ 9:10

Nuąi di kaa di mɔ̨nɔ̨ɓoi, Yai-Laa, kɛ a di mąą kɔ̨nwɔ̨ taa, a di mąą kɔ̨nwɔ̨ taa, a mąąwɛli yələɠaa.

Hanwon 6:5

Kulɔ ɉɛlɛn ɲəi yɛ Ɓɛ́ɛ́la, yɛ nwɛ̨nį lon a ɓɔ diŋɛ̨n nwolo ɓa.

Ɉeremi 48:14

Ka tɔɔ pələ kɛi ləi, kaa kɛ diɛ: «Kɔkulaa gbəliɠaa ɓaa kuɔ? Kɔ kɔ́ nuą kpɔ-kpɔ ɓaa kuɔ?»

Lukə 13:31

Nąąlɔwai tii hu, Farisiɛ̨ taɠaa di lɛɠɛ Jesus ɓa, diɛ mą: «'Həɠə ɓɛ, ə́ li pələ takpɛli. Mąąhɔlɔɓo, Herodə yɛ ə́ ə́ paa.»

Samuɛlə dɔlɔɔ 19:11

Saulə ə nuą tɔɔ Davidə yəi bɛlɛ́n, ə gɛ, di naa maahɛŋi di baa yələwala pɔ. Davidə nɛ̨ą Mikalə ə ɉilɛ wəli lon doo ɉu, yɛ mą: «Ya wala ə́ nwun mąąkilɛ gbinįi ŋɛ̨i hu, da tínąą ə́ paa.»

Samuɛlə dɔlɔɔ 20:38

Ɉonatan ə nwoo tɛ yələi, yɛ mą: gɛ ɉa-ɉa, ə́ maa hulɔ, hvo tɔɔ! Ɉonatan nwɔ lokoloi ə donwą həɠə, ə pənə ə paa la bɔ.

Samuɛlə dɔlɔɔ 22:3

Davidə ə həɠə laa, ə li Moabə lɔi hu Mispe daai; yɛ Moabə tɔɔmun ma: «Gɛ́ ə́ hvaa mą, nán da néé di pa di lɛɛ ɓɛ ka kwɛlɛ, ə lɛɛ la ɉu, mɛ̨nįi Yálá yɛ ə gɛ mą́ą́ ŋą́ gbaɠala kaa.»

Samuɛlə dɔlɔɔ 23:14

Davidə ə li ə hee nɔi pun ɉu yɛ noo; ə ɉeei kulɔ ɲee hɛŋɛlɛn ma Zifə nɔi pun ɉu. Volói tii kəlee yee mu, Saulə ə kɛi gwɛli. Kɛlaa, Yai-Laa hvo hvaa mą Saulə yee hvo pɛli Davidə ɓa.

Samuɛlə dɔlɔɔ 27:1

Davidə ə mo gwəi pələ, yɛ kɛ mą: «yələ ta, ə kɛ a pələ lɔpee, gbəli hu, Saulə kaa pai báái, mɛ̨nįi ŋɛ̨i hon bələ takpɛli hvo laa, hvo kɛ li lɔ ŋą́ mą́ą́kilɛ Filisti nuą pɔɔli, Saulə kaa pai kpɛlai gwɛ́liɛ ɓa Israɛlə lɔi kɔ́lɔ kəlee, gúlɔ pələ lɔ ka tii ɲəi.»