Mąątɛ̨nɛ̨ 101:3 - Yálá laawoo hɛɓɛ (dc)

³ Mɛ̨nį ɲɔ̨n da lɔpee hva ɉeei hɔlɔɓo ɲéé pɔ, nuąi daa lənə Yɛ́ ŋį́ yowolaa kulɔ a diɛ, di túwɔ́ pələ hva pɛli nwún ɉu lan ɉi.

Yálá laawoo hɛɓɛ

³ Mɛ̨nį ɲɔ̨n da lɔpee hva ɉeei hɔlɔɓo ɲéé pɔ, nuąi daa lənə Yɛ́ ŋį́ yowolaa kulɔ a diɛ, di túwɔ́ pələ hva pɛli nwún ɉu lan ɉi.

Bible

³ Fé pâi ŋɔ́nɔ ńyee pilîi mɛni nyɔ́mɔɔ da kɛ́ mɛni su, kpaa máŋ wôya mɛni da. Diai dí tɔɔ̂i Ɣâla mai, da ƃɛlɛ fé pâi kɛ̂i ŋ́goi. Fé pâi wɔ́lɔ lɛɛ̂i da pôlu.

Mąątɛ̨nɛ̨ 101:3 Iomraidhean Croise

Zôo 31:1

Kwa ɲɛ̨́i kɔ́w ku mįnɛ̨ həɠə, hvo halakpɛla kaa hįį.

Mąątɛ̨nɛ̨ 119:113

Huhveelɛmun nwɛli kpɛɛi mą́ą́, Kɛlaa, ə́ wɔ tɔn nwooi wɛli kaa mą́ą́.

Mąątɛ̨nɛ̨ 119:37

Ɲɛ̨́i həɠə ɲą́ą́koloon mɛ̨nįɠaa pulu! 'Pənə ə́ dóó nwų́nų kɔ́lɔi, əgɛ, ŋį́ ə́ liiɓa kɛ.

Mąątɛ̨nɛ̨ 125:5

Kɛlaa, nuąi daa həɠə bələ mɛ̨i, di hiɛ pələ kpɛli kpəlaanŋąąi, Yai-Laa ə di kpɛ, da mɛ̨nį ɲɔ̨n gɛ nuą; Liilaa ə kɛ Israɛlə mɛ̨i.

Mąątɛ̨nɛ̨ 139:22

Di wɛli kpɛɛi mą́ą́, daa kɛ a ɲą́ą́ gbíníi ɲówóɠaa.

Mąątɛ̨nɛ̨ 14:3

Di kəlee, daa həɠə bələ mɛ̨i, di yee lɔɔ gee hu túwɔ́ pələ ɲɔ̨n gulɔ mɛ̨nį hu, di ta hva túwɔ́i a dənən, ə mą kɛ nu tanɔ̨n gbən ɓə.

Mąątɛ̨nɛ̨ 36:3

Gaa gbɔwɔ ɲɛ̨i ɓa a nu kɛnɛ̨ɛ̨, hva pɛli ɉɔn gaai, yɛ həɠə bulu.

Mąątɛ̨nɛ̨ 39:1

Nwələ ɲɛ̨itɔwɔmun: Yedutun. Davidə nwɔ wələ.

Mąątɛ̨nɛ̨ 40:4

Ə wələ nįnɛ̨ pu ná, a Yálá mąątɛ̨nɛ̨ wələ woo. Nu tamąą kaa pai nąą kaai, di ɲɔw, diɛ di kilitɔɔ Yai-Laa ɓa.

Mąątɛ̨nɛ̨ 41:9

Di woo laa diɛ: «Ɲɔ̨n ɲɔ̨nwɔ̨ɔ̨ ta tii aa yili mą, a nu yee kulɔ mu, mąą nu hva kɛa ɓalo.»

Mąątɛ̨nɛ̨ 78:41

Di pənə nwɔ̨nɔ̨ di Yálá woo kwɛli, diɛ Israɛlə nwɔ Mąąhəɠəmun líikələn tii la gwəi.

Mąątɛ̨nɛ̨ 78:57

Di di pulu tinɛ̨n, di di pulu tɔɔ Yálá ɓa, yɛ di nąnni; di yali di pulu, yɛ kilɛn ɲɛli a tee.

Mąątɛ̨nɛ̨ 97:10

Kaai Yai-Laa wɛli kaa kaa! 'Ka mɛ̨nį ɲɔ̨n nwɛli kpɛɛ kaa, a nwɔ tələnmo nuą di wɔ yɛnɛ̨ɛ̨ laa hɔn mo, yɛ di kulɔ nwąnąlɔ nuąi yəi.

Lɛɛ gbɔwɔ ɓa 20:17

«'Ə́ ɲɛ̨i hvo kulɔ ə́ ɓɛlan gaalon nwɔ pɛ́lɛ́i pɔ, ə́ ɲɛ̨i hvo kulɔ nɛ̨ą pɔ, ə mą kɛ, a nwɔ luwɔ hilɛ da nwɔ luwɔ nɛ̨ą; ə kɛ a nwɔ nįŋɛ̨, ə mą kpɛli kɛ a nwɔ hoo hvaalən. Ə́ ɲɛ̨i hvo kulɔ ɲəi hɛn lɔpee ta pɔ.»

Lɛɛ gbɔwɔ ɓa 32:8

Niɛwooɠaai ŋɛ̨i ŋį́ dɛɛ, di pɔ, daa di pulu tɔɔ mą, daa nįŋɛ̨ lon bɛli di kpɔɔ ɓa, diɛ pɛlɛ gɔwɔ mu, diɛ haláá kulɔ mą, diɛ kɛ mą: Israɛlə, ka gu wɔ yálái ka, yai gu kulɔ Eziptə lɔi hu.»

Hanwon 6:12

Nui a lɛɛ mɛ̨nį bələ taɠa taɠa, gaa a weamun. A nu kpoloon, lɛɛ mɛ̨nį lɔ ɓə a kɛ na yɛ hiɛ la.

Hanwon 6:13

A ɲɛ̨i yali mą, yɛ təliɓo kɛ a gɔwɔ, yɛ ɲeekpiɛ lɛ.

Hanwon 6:25

Nɛ̨ɛ̨nu taaləi tii ə mą kɛ a nɛlɛɛ, ə́ ɲɛ̨i hvo kulɔ bɔ 'hvó nɛɛ laa, ɲɛ̨ilai hvo ə́ yala.

Hanwon 8:13

Nui a mɛ̨nį ɲɔ̨n nwɛli kpɛɛ mą, a kɛ tii, aa ɲɔw Yai-Laa ɓa. Ɲą́ą́ nwɛ́i, kpɔwɔ ŋąą kɛnɛ̨ da ɲɛ̨itɛ di wɛli hvo mą́ą́. Túwɔ́ pələ ɲɔ̨n da lɛɛ hvaa, di wɛli hvo mą́ą́.

Ikilisiati 6:9

Viɛlaɓoɔi, hɛn gaa nu yəi ə gwəinɛ̨ɛ̨, ə tɛɛ nu kpɔwɔ ɲąą kɛnɛ̨ɛ̨ ɓa, mąąhɔlɔɓo, yili kaa a kpɛli-kpɛli mɛ̨nį, yɛ nu a kɛi hvaŋą tənən dɔɔ.

Azaya 30:11

'Ka həɠə bələ mɛ̨i, 'ka bələ mąą laa, 'ka Israɛlə nwɔ Mąąhəɠə mun həɠə ku ɲɛ̨i mu.»

Azaya 33:15

Nui a túwɔ́ a tələnmolaa, yɛ hvaa, lɛɛ hva kɛ ɉu, yɛ lənə hvulu hɛn ɉɔlɔɓo mɛ̨nį ɓa, yɛ ɲee kulɔ nɔgwəi mɛ̨inɛ̨ɛ̨ mu, yɛ nwəli laa kpulu, ə gɛ hvo pa nu paa nwun dɔɔ hu woo mɛ̨n; yɛ ɲɛ̨i laa kpulu, ə gɛ hvo pa mɛ̨nį ɲɔ̨n gaa.

Ɉeremi 22:17

Tɔnɔ mɛ̨nį lɔ ɓə ə́ ɲɛ̨i pɔ, da ə́ kili pɔ, da kwəi kwələ mun ɲąmą pu mɛ̨nį. Yɛ́ túwɔ́ a wea pələ da kɛɛ kala pələ.

Mise 2:2

Di kili a hvilɛn nɔ yɛa ta ɓa, daa mąn nwuɔ̨. Di ɲɛ̨i a kulɔ lɔ pɛlɛ́ ta pɔ, daa mąn ɉəɠə. Bɛlɛ́-o, nąmu-o, nu leelee-o, gwɛlin-o da gəlee həɠə.

Zakari 8:17

'Ka hvo mɛ̨nį ɲɔ̨nwɔ̨ɔ̨ mąą kili tee ka kwəi ka keeni diɛ, nu kwɛlaa a lɛɛ mɛ̨nį, yili wɛli hvo kɛ kaa. Mąąhɔlɔɓo, mɛ̨nįɠaai tii kəlee wɛli kpɛɛi mą́ą́. Yai-Laa woo li.

Maafîu 5:28

Kɛlaa, nwɛ́i gáá moi kaa, nui lɔpee a nɛ̨ɛ̨nu ta kaa, ɲɛ̨i a kulɔ bɔ nwɔ kiliŋąhiɛ hu, a kɛti a gbɛa láá a mąąnɛ̨ɛ̨nu.

Lomaŋ 12:9

Ka wɛlikɛmąąlaa kɛ a tɛ̨ą, ka ɲɔw mɛ̨nį ma, ká pu dɔwɔ; 'ká mɛ̨nį lɛlɛɛ wɛlilakɛ.

Galatə 4:9

Kɛlaa, yiihu kɛa, yii kɛa káá Yálá kɔ́lɔn, a wala kɛti, yɛ bələi aa ká kɔ́lɔn na, ká tɔɔ pələ kɛ ləi nwɔ̨nɔ̨, káá pənə káá li ɉɛn vįikpɛɛɠaa ti pɔ pələ; a diɛi tii di hvɛɠɛɛi, káá nwɔ̨nɔ̨ lɔ di yee mu, luwɔlaa nįnɛ̨ hu?

Dutɛrɔnome 13:17

Hɛn kpɔ a kulɔ ɉu, ka gəlee ɲąą kpɔn gwəli hąąi, ka daa kələn da ɉɛnŋąą tii kəlee. Ka gulɔ tii a haláá Yai-Laa ka wɔ Yálái ɓa; nąą ə lɛɛ a taa kpoloon nąą hva kɛa pənə hvo tɔɔ.

Dutɛrɔnome 15:9

Ka gɛ a nɛlɛɛ, kiliŋąhiɛ ɲɔ̨nwɔ̨ɔ̨ hvo too ka kwəi, kaa kɛ diɛ: «Gwəlan mɛ̨ihveelɛ nąą həli hiɛ ka, gwələɠaa lɛɛ mɛ̨nį a kpɛli kwɛlan», kaa kɛa ɲɛ̨i wala wala laa kulɔ a ka kaayɔwɔi gaa yeehowolo laa hu; ka hva hɛn da tɛɛ bɔ, ka gɛ tii, gaa pai nwoo laai Yai-Laa ɓa a ka laa, ɛlɛɛ kaa nɛ̨ŋɛ̨n ɉee ka kpɔɔ nwuɔ̨.

Hebreu 10:39

Gu nwɛi, gu hvo yɛ nuąi daa pənə, daa di pulu tɔɔ, di nwun pili mɛ̨nį ɓa, kɛlaa, gu kaa a laa na nuą, gu nįį nwun mąąɓo mɛ̨nį ɓa.

Zasua 23:6

Yili ɓa tii, ka tɔɔ kɛa a ka nwąnąi! 'Ka ka ɲąąwala, 'ka túwɔ́ yɛlɛ-tɛtɛ; yɛ bələi bɛ̨ɛ̨i la Moisə nwɔ tɔ́n ɉɛɓɛ́i hu! 'Ka hvo ka mąą kwɛa mą! Ka hvo li ŋɛ̨i, ka hvo li ŋɛ̨i!

Piɛrə veelɛ 2:21

Mąąhɔlɔɓo, viɛlaɓoɔi kɛ, di lɛɛ di kpɔɔ ɓa, ə tɛɛ dɛ̨ą pələi ŋɛ̨i kɔ́lɔn ŋąą ɓa di yəi, di pənə di həɠə Yálá nwɔ liɛwoo lɛlɛɛ ŋɛ̨i mɛ̨i, yii di mɛ̨n.

Zɔ̂ŋ Maa-ŋuŋ 2:19

Gu pɔɔli ɓə di kulɔ laa, kɛlaa di hvo kɛli a gu ta. Də li kɛ a gu tai, də li lɛɛ gu pɔ. Kɛlaa, hvo kɛli kɛ di kəlee di too tii pono ɲą, di nɛ kpɔ tii, diɛ di hvo a gu ta.

Samuɛlə dɔlɔɔ 15:11

«Saulə heei ŋɛ̨i ŋą́ mo a tɔɔmun, ŋą́ą́ nwóó yali bulu. Mąąhɔlɔɓo, aa bulu tɔɔ mą́ą́, wooi ŋą́ mo mą, hva ɉon.» Samuɛlə kwəi ə pili mą, gbinįi tii yee mu, yɛ nwoo tɛ Yai-Laa ɓa.