Mąątɛ̨nɛ̨ 10:9 - Yálá laawoo hɛɓɛ (dc)

⁹ Aa pələ hɛlɛn dɛ, nooɔ kpɔ kɛnɛ̨, yɛ yala a kɛ nwolo hu; a bələ hɛlɛn dɛ kpɔ kpąąn, yɛ wolo mąąwɛlimun ma. A wolo mą, yɛ ɲala a nwɔ tumɔi.

Yálá laawoo hɛɓɛ

⁹ Aa pələ hɛlɛn dɛ, nooɔ kpɔ kɛnɛ̨, yɛ yala a kɛ nwolo hu; a bələ hɛlɛn dɛ kpɔ kpąąn, yɛ wolo mąąwɛlimun ma. A wolo mą, yɛ ɲala a nwɔ tumɔi.

Bible

⁹ Da kɛ̂ maa kpɛ̂ŋ kɛ̂i díloo-pere-ŋai su yɛ̂ɛ yala-sulu-ŋa. Da dílòo gôlo-ƃelai perêi. Da dísòŋ a díƃare-ŋai díkɛ dí ɣala.

Mąątɛ̨nɛ̨ 10:9 Iomraidhean Croise

Zôo 38:40

Ɓɛlɔwai da kɛ la pɛlɛ ni di wolo hu, a wala kɛ ti ɓɛlɔwai da kɛ huwɔɠaa mąą hɛn ɉii la.

Mąątɛ̨nɛ̨ 109:31

Mąąhɔlɔɓo aa tɔɔ mąąwɛlimun mamįiyee hu, yɛ gulɔ kítí ɲɔ̨nwɔ̨ɔ̨ tee nuą yəi.

Mąątɛ̨nɛ̨ 12:5

A nuą tii da kɛ kɛi diɛ: «Ku laaləi a mɛ̨nį nɛ̨ɛ̨ kuɔ, ku nɛ̨n dɔɔi ku pulu, gbɛɛ ɓə ɲee a pɛli kuɔ, ə hee ku mɛ̨i?»

Mąątɛ̨nɛ̨ 140:5

Yai-Laa, gúlɔ nwąnąlɔmun ɲəi, mą́ą́kɔ̨nwɔ̨ wɛamun ɲəi a diɛi tii dóó mɛ̨nį mąą kiliŋąhiɛ lɔ ɓə diɛ.

Mąątɛ̨nɛ̨ 17:12

Di kɛ pələ kaa yɛ yalai hulúun ɉii huwɔ hvala mɛ̨nį ɓa, yɛ yala lon heeni huwɔ tɔwɔi.

Mąątɛ̨nɛ̨ 35:10

Ną́ą́ kəlee yɛ kɛ diɛ: «Gbɛɛ ɓə gaa yɛ, yɛ́, Yai-Laa? Yá kpɔwɔ mąąyɛɛmun gulɔ ɲee tɛɛmąąmun ɲəi, yɛ́ mąąwɛlimun, da yeehvowolomun gulɔ, di laanɔ̨nwɔ̨ɓomun ɲəi.»

Mąątɛ̨nɛ̨ 37:14

Nu ɲɔ̨nwɔ̨ɔ̨ɠaa daa ɓɔwa kwɛa kulɔ daa hu, daa gilɛn ɲala ɉu, mąąwɛlimun da yeehowolomun di paa mɛ̨nį ɓa; nui hiɛi a ɉaŋąą nwun dee mɛ̨nį ɓa.

Mąątɛ̨nɛ̨ 59:3

'Gúlɔ mɛ̨nį ɲɔ̨n gɛ nuą yəi, 'málo, nuąi di hva ɲɔw ɲąmą pui, di yəi.

Hanwon 14:31

Nui a hee mąąwɛlimun mɛ̨i, gaa mąąwɛlimun tii pɛli Yálá lalan ɉii. Kɛlaa, nui a mąąwɛli nuą mąąwɛli kaa, a Yálá mąąwiɛ.

Hanwon 22:16

Nui a mɔ̨nɔ̨ laa yeehvowolomun mɛ̨i, a lɛɛ ɉu, ɲeehvowolomun tii ə kɛ a hɛn nąmu. Nui a hɛn gɔw nąmu kɔ́ hɛn, a gbɔwɔ hvɛɠɛ.

Hanwon 28:15

Mąąwɛli lɔi ɲąąwooɓomun a kɛ a nwąnąlɔmun, gaa yɛ yala a kɛi hvuluun, yɛ yákwɛli a kɛi laŋin.

Azaya 3:15

Lə mɛ̨nį ɓa ka hee nwɔ́ nu huwui mɛ̨i, kaa mąąwɛli nuą hon a di ɲɛ̨i paa pələ? Nąmu Yai-Laa Mɛ̨nį Kəlee ŋą Hééɓomun woo li!»

Azaya 32:7

Hvulumun nwɛi, gɛ mɛ̨nį kəlee a kɛ lɔ a hvulu, a mɛ̨nį ɲɔnŋaa kili tee gwəi, yɛ mąąwɛli nuą nwun na pili la a lɛɛ woo, ə mą kɛ a mąąwɛli nuąi tii, di wɔ tɛ̨ą mɛ̨nį li.

Ɉeremi 5:26

Gaa tii, mɛ̨nį ɲɔ̨n gɛ nuą kaa nwɔ nuą lɔwai, daa hee nuą tɔwɔ di loɔ yɛ nwɛ̨nį kpɛmun. Diɛ hɛlɛn dɛ, diɛ nu hon na.

Woolaa 3:10

Aa nowu dɔ́wɔ yɛ kwɛ́li yɛ Yala aa kɛi huwɔ maahɛɠi.

Izikiɛ 22:29

Nɔi lonnii kaa wɛa mɛ̨nįɠaa kɛi, diɛ nwuɔ̨ kɛ, diɛ hee mąąwɛli nuą da yeehowolo nuą mɛ̨i; diɛ nwɛ̨ą nwɔ tɛ̨ą mɛ̨nį pili ɉu a hulu.

Amɔsə 3:4

Akɛti yala a pɛli huluun ɉii wəla hu, akɛ hvo gɔ̨nɔ̨n gaa li? Akɛti, a pɛli huluun ɉii nwolo hu, akɛ hvo hɛn da hon ni?

Mise 7:2

Kulɔ nwooɓamun aa kpɛɛ nɔi hu, tələnmomun və kɛa nuą lɔwai; di kəlee daa hɛlɛn dɛ ɲąmą pu mɛ̨nį ɓa, nu kəlee yɛ ɓaalə tɛ gaayɔwɔ tɔwɔ.

Habakukə 1:15

Babilonə nuą da nuą hon, yɛ nu a hɔ̨nwɔ̨lee kulɔ a kwɛli. Da too di yəi ɲa tuluun dumɔ̨ hu, di kwəi a nɛ̨ɛ̨ kpɔ kɛnɛ̨;

Habakukə 3:14

Ya ku yowoɠaa di kpɔkpɔɔ mɛ̨ɛ̨kɔw həɠə, ə́ mɔ di nwun ɉu. Ku yowoɠaa da kpuluun, diɛ pa ku hu taɠai; di pa pələ a kɛ yɛ tulɔ hvaŋą, diɛ tómą a kwəinɛ̨ɛ̨. Di kɛ pələ pɛliɛ, diɛ pa nu paai loo hu.

Zakari 11:3

'Ə́ wəli tɔɔ daatɛlɛɛ pulu nuą ɲiŋɛ̨ woo ɓa, mąąhɔlɔɓo, daa di ɲɛ̨i pɔ̨nɔ̨ hɛn ɉukala, ɲala gbɔnŋaa tómą woo kaa tɔɔi, mąąhɔlɔɓo, daa Ɉurdɛn nwɔ kpɔwɔ ɲąąkɛnɛi nwun ɲɛɛ,

Ɉaan 10:12

Kɛlaa, wali kwɛli mun nwɛ́i, yɛ pələi hvo la a ɓɛlaa mɛ̨i kaa mun, ɓɛlɔwai a kwɛ́lí kaa la yɛ pa, a tɛɛ a gilɛ, ə mɛlaaɠaa lɛɛ laa. Gwɛ́líi tii ə too mɛlaaɠaa hu ə di hu taɠa.

Gɛlaɠaa 23:21

Kɛlaa, da mo yɛ́, hvo laa di la, mąąhɔlɔɓo, di tɛɛi nu pɔw nąąn ɉu, daa di kwɛla diɛ di hva hɛn da mįi, di hva hɛn da kpələ, yii kpɔ di hvo ni Polə paa li. Daa di kpɔwɔ pɛli, ə́ hvaa mɛ̨nį di woo ɓa lɔ ɓə di kaa mąąkpɔn ɉii.»