Mąątɛ̨nɛ̨ 10:4 - Yálá laawoo hɛɓɛ (dc)

⁴ Nu ɲɔ̨nwɔ̨ɔ̨ a tɛɠɛɓo Yálá hu, yɛ ɲąŋąɲąŋąlaa kulɔ la; hva kpɛli giliŋą hiɛ, a kɛ kɛi diɛ Yálá hvo laa; gwəi kili kəlee ka tii.

Yálá laawoo hɛɓɛ

⁴ Nu ɲɔ̨nwɔ̨ɔ̨ a tɛɠɛɓo Yálá hu, yɛ ɲąŋąɲąŋąlaa kulɔ la; hva kpɛli giliŋą hiɛ, a kɛ kɛi diɛ Yálá hvo laa; gwəi kili kəlee ka tii.

Bible

⁴ Dísu-mɛni kɛ̂tɛi. Dífe kpáaŋ ní Yâwɛɛ mɛni ma. Da kɛ̀ m̀ôi dîyɛɛi, “Ɣâla fé ɣele ma.”

Mąątɛ̨nɛ̨ 10:4 Iomraidhean Croise

Zɛnɛse 6:5

Yai-Laa ə gaa yɛ diɛ: Nu lonnii kwəi kiliŋąhiɛ kaa lɔ kɛa mɛ̨nį ɲɔ̨n ma a hvóló kəlee.

Zôo 22:17

Diɛi kɛi kɛ Yálá ɓa: «Ə həɠə ku pulu, Lə kpɔ ɓə Huwalawala Kəlee Nąmu a gɛ a kuɔ?»

Mąątɛ̨nɛ̨ 101:5

Nui a mɛlaa laa kala loo pələi, gáá pai nwumɛ̨i, tɛɠɛɓoɉu kɛɛ kaa, ɲɛ̨i kulɔbɔ kili, vá pɛli niilaai di pɔ.

Mąątɛ̨nɛ̨ 18:27

nui a mąąhəɠə túwɔ́ ɓo, yái ə́ wɔ mąąhəɠəlaa lɛ mą; Kɛlaa nui kili ɲɔ̨nwɔ̨ɔ̨ kaa mą, hva mąą nu mąąhvaalɛɛ.

Mąątɛ̨nɛ̨ 27:8

Nwooi ə́ mo, nąą kili kaa ŋą́, yai ə́ kɛ la mą: «'Ka ɲɛ̨́ilai gwɛli», Yai-Laa ə́ ɲɛ̨ilai ɓə gáá gwɛlii.

Mąątɛ̨nɛ̨ 36:1

Nwələ ɲɛ̨itɔwɔmun, Yai-Laa nwɔ tímun Davidə nwɔ wələ woo.

Mąątɛ̨nɛ̨ 53:1

Nwələ ɲɛ̨itɔwɔmun, ə doo a hvɛlikɛ hɛn da vɛɛ. Davidə nwɔ mąą kwɛli woo.

Mąątɛ̨nɛ̨ 73:11

Diɛ kɛ diɛ: «Yálá a yili kpaɠala kaa ləi? Hɛn Gəlee mɛ̨imun, a mɔ̨ɔ̨ pɛli yili kpaɠala kɔ́lɔn ɉii?»

Lɛɛ gbɔwɔ ɓa 5:2

Eziptə tɔɔmun yɛ diɛ: «Gbɛɛ ɓaa Yai-Laa yai ŋą́ nwoo hon ti, gɛ́ ɓo Israɛlə lonnii ɓa? Və́ Yai-Laa kɔ́lɔn, ɛlɛɛ vá pɛli Israɛlə lɛɛi laa hvo li.»

Hanwon 21:4

Ɲɛitɛmun, huɲąɲą kɛnɛ̨mun, nwąnąlɔ nuą da di wɔ mąąwiɛ, gəlee kaa a nɛ̨ŋɛ̨n.

Hanwon 30:13

Nu taɠaa kaa laa, di ɲɛ̨i tɛɠɛ ɓo ɉuwɔ, diɛ nu kəlee kaa lɔ di nwuɔ̨ pələ!

Hanwon 30:9

Hvó gaai, ŋą́ pilɛ hɛn gɔw hu kɛnɛ̨, və́ lənə Yɛ́, gɛ́ kɛ mą: «Gbɛɛ ɓaa Yai-Laa?» A wala kɛ tii, ɲéé la a tee, və́ pa nwuɔ̨ kɛ, və́ ɓɛlɛkpɛɛ nwɔ́ Yálá ə́ laa ɓa.

Hanwon 6:17

Ɲɛ̨i tɛɠɛɓo ɉu, nu ɓowo laaləi, kwəi kwələmun ɲąmą pu yee,

Ikilisiati 8:11

Nui a mɛ̨nį ɲɔ̨n gɛ, gwələ hva kulɔ mą ɲąąɓa; mɛ̨nįi a gɛ mɛ̨nį ɲɔ̨n gɛ nuą diɛ mɛ̨nį ɲɔ̨n gɛ la yaa li.

Azaya 2:11

Kpɔwɔɲąą kɛnɛ̨ nuą, mąą a yɛɛ, ɲɛ̨itɛ nuą di kwɛli hvilɛn, a mąą yələi tii, Yai-Laa yaa tɔ̨nɔ̨ gbən ɓə mąąwiɛ a kɛ mą.

Azaya 3:9

Di ɲɛ̨́i tɔɔ pələ ɓə a di mąą kɛla hvaa ɓo, di wɔ nɛ̨ŋɛ̨n tii tɔɔ di ɲɛ̨́i, yɛ bələi Sodomə ə gɛ la, di hva noo, di mąąwɛliɛi, diɛ mąąwɛli mɛ̨nį laa di kpɔwɔ ɓa.

Azaya 59:7

Mɛ̨nį ɲɔ̨n mə di kɔ́wɔ a mąą gilɛ həɠə, da kɛ gilɛ həɠəi, diɛ li kwəi kwələmun ɲąmą pu mɛ̨nį ɓa, di kwəi kiliɠaa kaa a mɛ̨nį ɲɔ̨n gɛ kili, ɓɛi da tɛɛ laa, kɛɛ kalaa, hɛn ɉu wolɔɔ ɓə da di lɛɛ laa.

Azaya 65:2

Ŋą́ kɛi túwɔ́ ɲéé hąŋąi, kulɔ nwoomu nu kan bɔ pələ, nuąi di hvilɛnŋąą pələ ɲɔ̨nwɔ̨ɔ̨ mɛ̨i di pɔ pələ, a diɛi tii, di hvilɛnŋąą lɔ di kpɔwɔ kiliŋąhiɛɠaa pulu.

Ɉeremi 2:31

Kaai ɓaa háákələi nuą, ka ka wəli tɔɔ Yai-Laa woo ɓa! Yɛ diɛ: «Akɛti, ŋą́ą́ kɛ mɔ̨ɔ̨ a lɔi pun Israɛlə ɓa? Awala kɛ, tii kpinįi lɔi?» Lə ɓə kɛ, yaai nwɔ́ lɔi hu nuą da kɛ kɛi diɛ: «Ɓɛi a nɛɛ kuɔ, naa ɓə ku kaa lii laa? Ku hvo kɛa pai lɛɛi ə́ pulu!»

Ɉeremi 4:14

Ɉerusalɛmə taa! Akɛ ə́ kaa bɔ ə́ nwun ə kulɔ ɉui, ə́ lii hu mąąhəɠə, ə́ mɛ̨nį ɲɔ̨n gulɔ laa! Akɛ tii, kiliŋąhiɛ ɲɔ̨nŋaa tii di kaa pai lɛɛ heeni ə́ lii hu hąą mįnɛ̨ lɔwai?

Sofoni 1:12

Ɲələi tii, ŋą́ kpalan dɔɔ, gɛ́ Ɉerusalɛmə taa hu pili la. Nuąi di wɔ yɛnɛ̨ɛ̨ nii həɛ, di laa gbin ŋą, diɛ mo di kwəi diɛ kɛ: «Yai-Laa hvo mɛ̨nį ta kɛi.» Ŋą́ ɲéé pɛlɛ diɛ.

Sofoni 2:3

Kaai kpɔwɔmąą yɛɛ laa kaa ka yəi nɔi, kaa Yai-Laa woo hon, 'ka Yai-Laa ɲɛ̨ilaa kwɛli, gbəli hu kiɛ, gaa pai ka ɲɛ̨imąąwɛli kaai, a Yai-Laa nwɔ liiɲąnwąną hvólói.

Markə 7:21

Mąąhɔlɔɓo, nu lii hu ɓə kiliŋąhiɛ ɲɔ̨nwɔ̨ɔ̨ɠaa da kulɔ laa, yɛ nu tɔɔ a mɛ̨nį ɲɔ̨n gɛɛ, yɛ bələi: nwuɔ̨ kɛɛ kaa la, nu paa mɛ̨nįɠaa,

Gɛlaɠaa 8:22

Gili ɲɔ̨nwɔ̨ɔ̨ ti gaa yɛ́, 'həɠə bulu, ə́ nɛ̨ɛ̨mąą hvə gu Ną́mu ɓa, gaa pai kiɛ hvaa mą; ə ə́ mąąhvaalɛɛ.

Lomaŋ 1:21

Mąąhɔlɔɓo, bələi mąn di Yálá kɔ́lɔn na gɛ mɛ̨nįɠaa kəlee hu, di hvo gɛ li di hvo mąąwiɛ, di hvo ɉɛɠɛɛɓo, yɛ bələi mąąnɛ̨ɛ̨ la. Kɛlaa yaamun di di wɔ kiliŋąhiɛ mąą a kwɛa Yálá ɓa, di hvilɛn ŋąą la ɓowo mɛ̨nį pulu, diɛ ɓo la a kpinį ŋą luwɔɠaa.

Lomaŋ 1:28

Yii di hvo gɛ li di hvo Yálá kɔ́lɔn, ya ɓə gɛ, Yálá ə di lɛɛ laa di lɔ di kpɔkpɔɔ kili ɲɔ̨nwɔ̨ɔ̨ ti hu, yii kɛ mąą hvo nɛ̨ɛ̨li nu hvo gɛ, diɛ gɛ.

Ifisiɛŋ 2:12

'ká ká kiliŋąhiɛ, nąąlɔwai, Kristə hvo kɛ ká yəi, ká laa hvo kɛ mɛ̨nį ta hu Israɛlə lɔi hu, ká kɛ a nwɛ̨ąą mɛ̨nįɠaai Yálá ə naakwɛlanmo nwɔ nuą diɛ, ɉu; ká kilitɔɔi hvo kɛ káá, Yálá hvo kɛ ká yəi ɓɛ yɛnɛ̨ɛ̨.

Dutɛrɔnome 8:14

ka hvo kɛ ka káá ka kpɔwɔ ɲąą kɛnɛ̨i, kaa lɛ̨ą Yai-Laa ka wɔ Yálái ɓa. Yaa tii ɓə ka kulɔ Eziptə lɔi hu, nuwɔ laa pɛ́lɛ́i tii mu.