Maafîu 9:8 - Yálá laawoo hɛɓɛ (dc)

⁸ Yii kɛa nu kpului tii ə yili kaa, di ɲɔ̨w, diɛ mąąwiɛ tɛɛ Yálá pɔ, yaai a ɉuwalawalai taaləi tii tɛɛ nuą pɔ.

Yálá laawoo hɛɓɛ

⁸ Yii kɛa nu kpului tii ə yili kaa, di ɲɔ̨w, diɛ mąąwiɛ tɛɛ Yálá pɔ, yaai a ɉuwalawalai taaləi tii tɛɛ nuą pɔ.

Bible

⁸ Tãi gbɔŋ è nàa kàa lai, ǹûai dí yào, díkɛ Ɣâla ŋɔfólo-laai maa tɛ a gɛɛ a ŋwála-wala-laai ti tɛ́ɛ núu pɔ.

Maafîu 9:8 Iomraidhean Croise

Maafîu 12:23

Nu kpului tii kəlee kwəi ə pili diɛ, diɛ kɛ diɛ: «Akɛti, Davidə huwu ta hvəi mɔ̨ɔ̨?»

Maafîu 15:31

Nu kpului tii kəlee kwəi ə pili diɛ ɓɛlɔwai di muugbɛɠaa kaa la diɛ hvaa, kɔ́wɔ nwąną ɲɔ̨n gɛ nuą diɛ hiɛ, ɲɛ̨i pu nuą diɛ kɛɛ kaa, yiiɠaai kpɛɠi ɲɔ̨n ə kɛ diɛ, di ŋąą pɛliɛ. Di kəlee di kɛi Israɛlə nwɔ Yálá mąmąɓo.

Maafîu 28:18

Jesus ə lɛɠɛ diɛ yɛ diɛ: «Daa hééɓolaa kəlee tɛɛ bɔ́ yələkɔlɔn ɉu ə mą kɛ lɔi mɛ̨i.

Maafîu 5:16

Bələ ɓə mąąnɛ̨ɛ̨ ka wɔ kɛɛpono ə kɛ la nuą lɔwai, ə gɛ nuą di ka wɔ túwɔ́ pələ lɛlɛɛ kaa, di mąąwiɛ tɛɛ ka Nąn Yálá pɔ, yai gaa yələi.»

Maafîu 9:7

Ɉulɔnu tii ə muhəɠə, ə li ɲei bɛlɛ́ laaləi.

Markə 2:12

Ɲąąɓa, ɉulɔnu tii ə́ muhəɠə, ə li ɲei bɛlɛ́ laaləi. Nu kpului tii kɛ laa di kəlee di ɲɛ̨i ɓa. Di kəlee di kwəi ə́ pili diɛ, diɛ mąąwiɛ tɛɛ Yálá pɔ, diɛ kɛ mą: «Ku hvo ta mɛ̨nįi ŋɛ̨i ɲɔ̨nwɔ̨mąn da kaa li.»

Markə 7:37

Nuą tii di kwəi ə pili diɛ ə tɛɛ gɛi ɓa. Diɛ kɛ diɛ: «Gɛ mɛ̨nįɠaa kəlee lɛlɛɛi hvo gaai, gaa wəli wolo nuą wəli hvólóon ɉi, yɛ muųgbɛɠaa laa hvaa.»

Lukə 13:13

Jesus ə ɲee tunwɔ̨n nɛ̨ɛ̨nui tii ɓa, ŋąą ɓa, nɛ̨ɛ̨nui tii ə haŋą ə tɔɔ, yɛ Yálá hɛɠɛɛɓo.

Lukə 17:15

Nu tɔ̨nɔ̨ ə kɛ di lɔwai, ɓɛlɔwai ə gaa la yɛ kɛ gɔlɔi a pono; ə yali bulu yɛ pa, yɛ Yálá hɛɠɛɛɓo kpɔ a nwoo kɛnɛ̨.

Lukə 17:18

Akɛti, dɔ̨nɔ̨ kpɛli hvo pənə li hvo pa hvo Yálá hɛɠɛɛɓo, hvo kɛi lɔ nwɛ̨ąi ŋɛ̨i?»

Lukə 18:43

Ŋąąɓa, ɲɛ̨i ə kɛɛ kaa. Ə hvilɛn Jesus pulu, yɛ Yálá hɛɠɛɛɓo. Nu kpului tii kɛ laa, gəlee di mɛ̨nį tii kaa; diɛ kpɛli diɛ Yálá hɛɠɛɛɓo.

Lukə 2:20

Yili pulu, mɛlaa pulu nuą di di pulu pənə diɛ li. Di kɛi Yálá hɛɠɛɛɓo, ɛlɛɛ, diɛ nwɔ kɛnɛ̨ laa da nwɔ mąąwiɛ lɛ; mɛ̨nįɠaai di mɛ̨n, da yiiɠaai di gaa, mąą mɛ̨nį ɓa. Mąąhɔlɔɓo, pələi kpɔlɔ tii malaka ə ɉukulɔ la diɛ, pələ kpɔlɔ ɓə di gaa la.

Lukə 23:47

Mɛ̨nįi tii gɔ́kulaa nwun nąmui tii ə gaa, ə nɛɛ ŋąąɓa ə mąąwiɛ tɛɛ Yálá pɔ, yɛ diɛ: «A tɛ̨ą, hɔn və kɛ ɉulɔnui ŋɛ̨i ɓa.»

Lukə 7:16

Nuą kəlee kwəi ə pili diɛ, diɛ, Yálá hɛɠɛɛɓo, diɛ kɛ mą: «Yálá kwəi mɛ̨nį hukulɔ mun gɛnɛ̨ ta kaa ku lɔwai háákələi.» Yili ɓa, «Yálá aa nwɔ nu huwui mąą kpɔnmąą ɓo.»

Ɉaan 15:8

Yii a Ną́n mąąwiɛ ya ɓaa: ka ɓa a damąą, kaa ɓo a nwɔ kalan nɛa.

Gɛlaɠaa 11:18

Yii kɛa di nwooɠaai ti mɛ̨n, ə di liilaa, diɛ Yálá hɛɠɛɛɓo, diɛ kɛ mą: «Hvó gaai, nuąi di hvo a Ɉuifəɠaa, diɛ kpɛlimąn, Yálá aa di kɔ a di hɔn mąąpənə kili, diɛ yɛnɛ̨ɛ̨ hva kpɛɛ hɔlɔɓo.»

Gɛlaɠaa 21:20

Yii kɛa di nwooɠaai ti mɛ̨n, di Yálá hɛɠɛɛɓo yili pulu diɛ Polə ɓa: «Yáá gaa, Ɉuifə kpulu tamąą daa kɛ a laa na nuą, ə mą kɛ ti, di kanąnŋąa ni Moisə nwɔ́ tɔ́n ɓa.

Gɛlaɠaa 4:21

Tɔ́n vili nąmįną di haŋą diɛ kpɔ nwɔ̨nɔ̨ a nįnɛ̨, yili pulu, di ɓo diɛ. Pələi kɛ di tɛɛ la di mɛ̨nį ɲąnwąnąą laa diɛ, di hvo yili bələ hɔlɔɓo. Mąąhɔlɔɓo, mɛ̨nį ti nuą kəlee di kɛi Yálá hɛɠɛɛɓo yili mąą mɛ̨nį ɓa.

Korɛntə veelɛ 9:13

Bələi kpɔ Ká káá la, ká wɔ mɛ̨inɛ̨ɛ̨i tii, a ká lɛ diɛ, diɛ mąąwiɛ tɛɛ la Yálá pɔ, a ká lɛɛ mɛ̨nį Kristə ŋą Wɛlɛɛ lɛlɛɛ woo mu, yai káá gaa a tɛ̨ą, da ká wɔɔ nú-kpɔɔlaa kɛ pələ, káá di kɔ, ə mą kɛ, nu kəlee, a ka yəi hɛn gɔw.

Galatə 1:24

ɛlɛɛ, diɛ Yálá hɛɠɛɛɓo mą́ą́ mɛ̨nį hu.

Piɛrə dɔlɔɔ 2:12

Ká túwɔ́ pələ ə kɛ a nɛlɛɛ, hali pulu nuą lɔwai, ə mą kpɛli kɛ di kaa ká laamąą hiɛi yɛ tuwɔ pələ ɲɔ̨n gulɔ nuą, ká wɔ tuwɔ pələ lɛlɛɠaa ə di kilaa pono, ɛlɛɛ, diɛ Yálá mąąwiɛ a yələi gaa pai di nąą kaai la.