Maafîu 9:6 - Yálá laawoo hɛɓɛ (dc)

⁶ Gáá bɔ ka gɔlɔn kaa, heeɓolaa kaa Nu Lon ɲəi ɲɛnɛ̨ɛ̨ ŋɛ̨i hu, ə nɛ̨ŋɛ̨n mąąhvaalɛɛ.» Yili pulu, ə mo gbɛlɛɠɛlɛ ɲɔ̨n gɛmun tii ɓa, yɛ mą: «'Ə́ muhəɠə, əí laa lii həɠə, ə́ li ə́ yəi bɛlɛ́ laaləi.»

Yálá laawoo hɛɓɛ

⁶ Gáá bɔ ka gɔlɔn kaa, heeɓolaa kaa Nu Lon ɲəi ɲɛnɛ̨ɛ̨ ŋɛ̨i hu, ə nɛ̨ŋɛ̨n mąąhvaalɛɛ.» Yili pulu, ə mo gbɛlɛɠɛlɛ ɲɔ̨n gɛmun tii ɓa, yɛ mą: «'Ə́ muhəɠə, əí laa lii həɠə, ə́ li ə́ yəi bɛlɛ́ laaləi.»

Bible

⁶ Kɛ́lɛ, ŋa pâi ǹɛɛ̂i naa ká gɔ́lɔŋ a gɛɛ wala-wala-laa káa núu-kpune Ǹóŋ yêei é sɔnyɔ̂ŋ su-mɛni lɛɛ ǹɔii ma ƃɛ.” È mò m̀ɛ̃lɛ-mɛ̃lɛŋ-nuui ma, “Ímu siɣe í ígarai síɣe í lí ípɛrɛi lá.”

Maafîu 9:6 Iomraidhean Croise

Azaya 43:25

Kɛlaa, nwɛ́i, bələi gɛ́ pələ kaa la a wɛlikɛmąąlaa, yili ɓə a gɛ gɛ́ ə́ wɔ kulɔ nwoomuɠaai lɛɛ yɛ́ a kpɛli, ɛlɛɛ, vá ə́ wɔ túwɔ́ pələ ɲɔ̨nŋąąi kili lɛ ɲą́.

Mise 7:18

Gbɛɛ ɓə a pɛli gɔwɔn ɉii Yɛ́, Yálá? Yɛ́i yá nu nwɔ nɛ̨ŋɛ̨n nwaa mą, kwa kulɔ Ə́ woo mu, Yɛ́ ə́ kili kulɔ ɉu, nwɔ nu huwu kpəlii wɛli kɛɛ mɔ̨ɔ̨ mą, a gwɛlin tii, hva ɲee kanąn nwɔ líiholii ɓa. Yaamun, niiɓa ɓaa yɛ nu mąąhvaalɛɛ.

Maafîu 4:24

Mąą tin ə too Siri lɔi hu nąą kəlee, diɛ pa bɔ a ɲɔ̨n ɉuwu lɔpee gəlee kɛ nuą, yɛ di kɔ́lɔi pono. Yiiɠaai ɲį́nɛ̨n ə kɛ di pulu, ə mą kɛ, hvɛli-hvɛli ɲɔ̨n gɛ nuą, da kpɛɠi ɲɔ̨n gɛ nuą, ə mą kɛ, kpɛlɛɠɛlɛn ɲɔ̨n gɛ nuą.

Maafîu 8:20

Jesus ə mo mą yɛ mą: «Kɛlɛnŋąa lɔ wolo kaa di yəi, ə mą kɛ nwɛ̨nįɠaa taa kaa di yəi. Kɛlaa, kɛɛnąą ta hvo kpɛli Nu Lon yəi ɓɛi a vįitɔɔ laa.»

Maafîu 9:2

Nuą di pa bɔ a kpɛlɛɠɛlɛ ɲɔ̨n gɛmun da, naa liihu. Yii kɛa ə ɲɔ̨n gɛmun tii kpəŋə nuą di wɔ laa na laa kaa, ə mo ɲɔ̨n gɛmun tii ɓa, yɛ mą: «Nón! Ŋą́ą́ ə́ kɛ nɛ̨ŋɛ̨nŋąą mąąhvaalɛɛ.»

Maafîu 9:5

Akɛti, mɛ̨nį hveelɛi ŋɛ̨i, nɛlɛ ɓə mo laa nɛ̨ɛ̨: Dɔlɔɔ ɓaa, ‹Ə́ kɛ nɛ̨ŋɛ̨n mąąhvaa aa lɛɛ›; veelɛnąą ɓaa, ‹Ə́ muhəɠə ə́ hiɛ?›

Maafîu 9:7

Ɉulɔnu tii ə muhəɠə, ə li ɲei bɛlɛ́ laaləi.

Markə 2:10

Kɛlaa, gɛ́ ka gɔlɔn kaa diɛ, mąą laa kaa Nu Lon ɲei lɔi mɛ̨i ə nɛ̨ŋɛ̨nŋąą mąąhvaalɛɛ.» Yili pulu, ə mo gbɛlɛɠɛlɛ nwɔn gɛ mun tii ɓa, yɛ mą:

Markə 2:7

«Lə mɛ̨nį ɓa nui ŋɛ̨i kaa hvaai ŋɛ̨i? Gaa Yálá lalan ɉi! Gbɛɛ ɓə a pɛli nɛ̨ŋɛ̨n mąąhvaalɛɛi, akɛ Yálá yaa tɔ̨nɔ̨ hvəi?»

Lukə 5:21

Tɔ́n galamɔ̨ɔ̨ɠaa da Farisiɛ̨ɠaa tii kɛ laa, di mo di kee lɔwai, diɛ kɛ mą: «Nu nɛlɛ ɓəi, yaai gaa Yálá lalan ɉi? Yálá yaa tɔ̨nɔ̨ gbən lɔ ɓə a pɛli nɛ̨ŋɛ̨n mąąhvaalɛɛi.»

Ɉaan 10:28

Ŋą́ yɛnɛ̨ɛ̨ kpɛɛ hvo mą tɛɛ di pɔ, ə lɛɛ, di nwun na hvo pai pili; nu ta hva pɛli di kulɔi ɲéi.

Ɉaan 17:2

Bələi Ə́ tɔɔlaa tɛɛ la bɔ yɛnɛ̨ɛ̨ nuą kəlee mɛ̨i, 'Gɛ, nuąi Ə́ di tɛɛ bɔ ə yɛnɛ̨ɛ̨ hva kpɛɛ tɛ di pɔ.

Ɉaan 5:27

Ə kiti teɛ mąąlaa tɛɛ bɔ, mąąhɔlɔɓo, Nu Lon ni.

Ɉaan 5:8

Jesus yɛ mą: «'Ə́ muhəɠə, ə́í laa haɠa kpinįn ə́ li.»

Gɛlaɠaa 5:31

Ya ɓə Yálá ə gɛnɛ̨ ɉee mamįiyee hu, yɛ gɛ a tɔɔmun da nuą ɓalomun, yɛ Israɛlə hɔn mąąpənə mɛ̨nį, da ŋą nɛ̨ŋɛ̨nŋaa mąąhvaalɛɛ mɛ̨nį.

Gɛlaɠaa 9:34

Piɛrə yɛ mą: «Ene! Jesus Kristə aa ə́ ɓalo, ə́ muhəɠə, ə́ ə́ wɔɔ haɠai gbinįn.» Ɲąąɓa, Ene ə muhəɠə.

Korɛntə veelɛ 2:10

Nui ka mąąhvaalɛɛ, ɲą́ą́ gbɛlimąn, ŋą́ mąąhvaalɛɛ. Mąąhɔlɔɓo, mɛ̨nįi ŋį́ nɛɛ a kpɛli, akɛ mun hɔlɔɔ, ŋį́ mɛ̨nį ta lɛɛ a kpɛli, ŋą́ gɛ tii ká mąą mɛ̨nį ɓa, Kristə ɲɛ̨i ɓa.

Korɛntə veelɛ 5:20

Yili ɓa, Kristə laa hu ɓə, ku kaa la ɓɛ lɔi mɛ̨i, a ɲɛ̨i kɔw, ɛlɛɛ, ku pɔ pələ ɓə Yálá a ká təli la. Kristə laa hu, ku kaa nɛ̨ɛ̨mąą hvəə káá, kuɔ, 'ká ká kpɔwɔ lɛɛ laa, di ká lɔwai ponnaa kulɔ, ká Yálá ni ká yee ə lɔ gee hu.

Ifisiɛŋ 4:32

'Ká kɛ a ká liinɛ̨ɛ̨ ká kwəi, ká keeni pɔ, 'ká ká keeni mąąwɛli kaa, 'ká ká keeni mąąhvaalɛɛ, yɛ bələi Yálá ə ká mąąhvaalɛɛ la Kristə hu.

Kolosə 3:13

Ká kpɔnmąą tɛɛ ka kee pɔ, nu ta a mɛ̨nį nwąnąą laa mɛlan ma, 'ká ká kee mąąhvaalɛɛ, yɛ bələi Kristə ə ká mąąhvaalɛɛ la.