Maafîu 9:27 - Yálá laawoo hɛɓɛ (dc)

²⁷ Jesus həɠɛɛ laa yɛ li, ɲɛ̨ipu nuą hveelɛ di hvilɛn bulu, diɛ tómą, diɛ kɛ mą: «Davidə Lon, ku ɲɛ̨i mąą wɛli kaa, ə́ ku ɲɛ̨i hvoloon.»

Yálá laawoo hɛɓɛ

²⁷ Jesus həɠɛɛ laa yɛ li, ɲɛ̨ipu nuą hveelɛ di hvilɛn bulu, diɛ tómą, diɛ kɛ mą: «Davidə Lon, ku ɲɛ̨i mąą wɛli kaa, ə́ ku ɲɛ̨i hvoloon.»

Bible

²⁷ Zîsɛ kúlaa naa gɛ tɛɛ̂i, ŋɛ́i-pu-ƃela feerɛ dí lɛ̀ɛ bôlu díkɛ wɔ̂lɔ, dîyɛɛi, “Kúmalôŋ káa, yai íkaa a Deeƃé Ǹóŋ.”

Maafîu 9:27 Iomraidhean Croise

Maafîu 1:1

Jesus Kristə galapɔlɔni laa ka, ə gɔwɔ tɔɔ Abrahamə ɓa, ə həli la tɔɔmun Davidə ɓa:

Maafîu 11:5

Kaa mą: Ɲɛ̨ipu nuą kaa kɛɛ kaai, kɔ́wɔnwąną nuą diɛ hiɛ, hvólóɲɔ̨n gɛ nuą kɔ́lɔi aa pono, di mąą aa həɠə, wəlitini nuą diɛ mɛ̨nį mɛ̨n, haaɓɛlaa diɛ nwun. Nwɛlɛɛ lɛlɛɛ laa aa həli yeehvowolo nuą diɛ.

Maafîu 15:22

Kanaan nąąnu ta ə kɛ laa nɔi tii hu, ɲį́nɛ̨n ə ɓo non nɛ̨ɛ̨nu pulu yɛ naanɔ̨nwɔ̨ ɓo kpɔ a mɔlɔɔ. Nɛ̨ɛ̨nu tii ə pa Jesus pɔ ə wɔlɔ ma yɛ mą: «Davidə Lon, Ną́mu, ɲɛ̨́i mąą wɛli kaa. Ɲį́nɛ̨n gaa nón nɛ̨ɛ̨nu pulu yɛ naanɔ̨nwɔ̨ ɓo kpɔ a mɔlɔɔ, gɛ́ ə́ gbɛ bulu.»

Maafîu 17:15

«Nwɔ́ mɛ̨nį Nąmu, nwɔ́ lokoloi ɲɛ̨imąąwɛli kaa. Hvɛli-hvɛli kaa mą yɛ naanɔ̨nwɔ̨ ɓo kpɔ a mɔlɔɔ. Hvóló taɠaa, a gulɔ, a doo nwɔ̨n, daɠaa, yɛ bili yai.

Maafîu 20:29

Ɓɛlɔwai Jesus ə kɛi kulɔ la Ɉeriko daai, nu kpulu kɛnɛ̨ ə hvilɛn bulu.

Maafîu 21:15

Mɛ̨nįɠaa tii Jesus ə gɛ Yálá hee pɛlɛ́ mu da tomąi tii nɛapəlɛɛɠaa di kɛi mo, diɛ kɛ mą: «Mąąwiɛ kaa Davidə Lon ma!» Yili ə nwąną ɉaláá laa həli nuą nwun nąmįną da dɔ́n galamɔ̨ɔ̨ɠaa diɛ.

Maafîu 21:9

Nu kpului tii kɛ bulu pələ da dɔwɔ pələ di kɛi tómą diɛ kɛ mą: «Mąąwiɛ ə kɛ Davidə Lon ɓa. Nui ŋɛ̨i gaa pai Ną́mu laa hu, lúwɔ́ ə kɛ mą. Mąąwiɛ kaa Yálá ɓa yələkɔlɔn ɉu!»

Maafîu 9:28

Ɓɛlɔwai Jesus ə lɔ la bɛlɛ́n, ɲɛ̨ipu nuą tii, di lɛɠɛ Jesus ɓą, yɛ diɛ: «Ka laai na kaa, ŋą pɛli mą ŋį́ yili kɛ?» Ɲɛ̨ipu nuą tii diɛ mą: «Ee! Ną́mu, yá pɛli mą.»

Markə 11:10

Tɔɔlaa yii gaa pai, lúwɔ́ kaa mą. Lúwɔ́ kaa ku nąn Davidə nwɔ tɔɔlaai ɓa. Mąąwiɛ kaa Yálá ɓa yələkɔlɔn ɉu.»

Markə 9:22

Hvoló tamąą, ɲinɛn ŋɛ̨i a kɛ nokoloi ŋɛ̨i pili yai, da a gɛ, yɛ bili nwɔ̨n ɉu, yɛ kɛ ə baa. Kɛlaa, ku ɲɛ̨i mąą wɛli kaa, ə kpɔnmąą tɛɛ ku pɔ; akɛ yá pɛli mą.»

Lukə 17:13

diɛ tómą kpɔ diɛ kɛ mą: «Mąąkwɛli kɛmun Jesus, ku ɲɛ̨imąąwɛli kaa.»

Lukə 20:41

Jesus yɛ diɛ: «Da pɛli kɛi ləi Nwun mąąɓomun Yálá ə ɉəɠə ɉu mą, Davidə lon?

Lukə 7:21

Nąąlɔwai tii hu kpɔlɔɔ, Jesus ə ɲɔ̨n gɛ nuą tamąą kɔ́lɔi pono, yɛ ɲį́nɛ̨n gbɛ daɠaa pulu, ə lɛɛ, yɛ ɲɛ̨ipu nuą ɲɛ̨i hvólóon.

Ɉaan 7:42

Yaan, Yálá laawoo hɛɓɛ́ ə mo, yɛ mą: Nwun mąąɓomun Yálá ə naakwɛlan mo, gaa pai kulɔi Davidə huwu hu, yɛ həɠə Bɛtleɛmə Davidə pɔ taai.»

Lomaŋ 1:3

Nwɛlɛɛ lɛlɛɛ ti hvilɛŋąai non ɉulɔnu ɓa, yai hɔlɔɓo kɔ́lɔ hu Davidə huwu hu.

Lomaŋ 9:5

di kaa a di kalaɓɔlɔni lonnii, di kaa pələ hu, diɛ ɓə Kristə ə hɔlɔɓo di huwu hu, yai hee ni hɛn gəlee nwun mɛ̨i. Lúwɔ́ kɛ mą a yələ kəlee da nwɔɔ, kɛi a mo tii Yálá ə kɛ! Mįiną!