Maafîu 9:2 - Yálá laawoo hɛɓɛ (dc)

² Nuą di pa bɔ a kpɛlɛɠɛlɛ ɲɔ̨n gɛmun da, naa liihu. Yii kɛa ə ɲɔ̨n gɛmun tii kpəŋə nuą di wɔ laa na laa kaa, ə mo ɲɔ̨n gɛmun tii ɓa, yɛ mą: «Nón! Ŋą́ą́ ə́ kɛ nɛ̨ŋɛ̨nŋąą mąąhvaalɛɛ.»

Yálá laawoo hɛɓɛ

² Nuą di pa bɔ a kpɛlɛɠɛlɛ ɲɔ̨n gɛmun da, naa liihu. Yii kɛa ə ɲɔ̨n gɛmun tii kpəŋə nuą di wɔ laa na laa kaa, ə mo ɲɔ̨n gɛmun tii ɓa, yɛ mą: «Nón! Ŋą́ą́ ə́ kɛ nɛ̨ŋɛ̨nŋąą mąąhvaalɛɛ.»

Bible

² Nya ƃe nûa dí pà a mɛ̃lɛ-mɛ̃lɛŋ-nuu tɔnɔ bɔ. E kɛ̀ laa ni gara ma. Tãi Zîsɛ è ǹûai dílaa-lai kàa lai, è mò m̀ɛ̃lɛ-mɛ̃lɛŋ-nuui ma, ǹyɛɛi, “Ńoŋ, ílii kpéle. Ísɔnyɔ̂ŋ-ŋai su-mɛni a lɛɛ.”

Maafîu 9:2 Iomraidhean Croise

Ikilisiati 9:7

Yili ɓa, ə́ laa mįi, ə́ wɔ lɔɔi kpələ a ə́ kwəinɛ̨ɛ̨; mąąhɔlɔɓo, Yálá aa ə́ kɛ mɛ̨nįɠaa hu nɛ̨ɛ̨.

Azaya 44:22

Ŋą́ą́ yɛ́ kulɔ nwoomulaa waa yɛ tulɔ kpinįn a waa yələi, ŋą́ą́ yɛ́ túwɔ́ pələ ɲɔ̨nŋąąi taɠa, yɛ bələi nąląąn a taɠa la: pɛ̨nɛ̨ ə́ pa bɔ́, mąąhɔlɔɓo, ŋą́ą́ ə́ nwun mąąɓo.

Maafîu 14:27

Ŋąąɓa Jesus ə mo diɛ yɛ diɛ: «'Ka hvo ɲɔ̨w, ka ka liilaa; ɲą́ą́ ka tii!»

Maafîu 4:24

Mąą tin ə too Siri lɔi hu nąą kəlee, diɛ pa bɔ a ɲɔ̨n ɉuwu lɔpee gəlee kɛ nuą, yɛ di kɔ́lɔi pono. Yiiɠaai ɲį́nɛ̨n ə kɛ di pulu, ə mą kɛ, hvɛli-hvɛli ɲɔ̨n gɛ nuą, da kpɛɠi ɲɔ̨n gɛ nuą, ə mą kɛ, kpɛlɛɠɛlɛn ɲɔ̨n gɛ nuą.

Maafîu 6:12

Ku kɛ nɛ̨ŋɛ̨nŋąą mąąhvaalɛɛ, yɛ bələi yiiɠaai da ɓaɠa ɓo kuɔ kwa di mąąhvaalɛɛ la.

Maafîu 8:10

Yii kɛa Jesus ə nwoo tii mɛ̨n, yili ə nii hon gbɔ kpąą. Nuą ŋɛ̨i kɛ bulu, ə mo diɛ, yɛ diɛ: «Gáá tɛ̨ą ɓoi kaa, və́ ni naa na laa huwui ŋɛ̨i ta kaa li Israɛlə lonnii lɔwai.

Maafîu 8:16

Yələ wulii həliɛ, di pa a ɲį́nɛ̨n ɲɔ̨n gɛ nuą tamąą Jesus pɔ. Ə kɛi ɲį́nɛ̨nŋaa tii kpɛ nuą tii pulu a nwoo, yɛ ɲɔ̨n ɉuwu kəlee kɛ nuą kɔ́lɔi pono.

Maafîu 9:22

Kɛlaa, Jesus ə tinɛ̨n ə gaa. Yɛ mą: «Nón nɛ̨ɛ̨nu, ə́ wɔ laa na laa a ə́ ɓalo.» Nɛ̨ɛ̨nu tii kɔ́lɔi ə pono kpɔlɔ tii ŋąąɓa.

Maafîu 9:5

Akɛti, mɛ̨nį hveelɛi ŋɛ̨i, nɛlɛ ɓə mo laa nɛ̨ɛ̨: Dɔlɔɔ ɓaa, ‹Ə́ kɛ nɛ̨ŋɛ̨n mąąhvaa aa lɛɛ›; veelɛnąą ɓaa, ‹Ə́ muhəɠə ə́ hiɛ?›

Maafîu 9:6

Gáá bɔ ka gɔlɔn kaa, heeɓolaa kaa Nu Lon ɲəi ɲɛnɛ̨ɛ̨ ŋɛ̨i hu, ə nɛ̨ŋɛ̨n mąąhvaalɛɛ.» Yili pulu, ə mo gbɛlɛɠɛlɛ ɲɔ̨n gɛmun tii ɓa, yɛ mą: «'Ə́ muhəɠə, əí laa lii həɠə, ə́ li ə́ yəi bɛlɛ́ laaləi.»

Markə 1:32

Yələ wulii pɔ, hvóló kɔ́w toɔ pulu, di pa a ɲɔ̨n gɛ nuą tamąą Jesus pɔ, ə mą kɛ yiiɠaai ɲį́nɛ̨n ə kɛ di pulu.

Markə 10:49

Jesus ə tɔɔ, yɛ diɛ: «'Ka dəli ə pa.» Di mo ɲɛ̨ipumun tii ɓa diɛ mą: «Yáámun, ə́ huwalawala ə́ ə́ muhəɠə, gaa ə́ təli.»

Markə 5:34

Kɛlaa, Jesus ə mo mą, yɛ mą: «Nón nɛ̨ɛ̨nu, ə́ wɔ laa na laa aa ə́ ɓalo, li liilaa hu, ə́ wɔ ɲɔ̨n gbɛɛ li yɛ́.»

Markə 6:50

Mąąhɔlɔɓo, di kəlee di gaa, di ɲɔ̨w, di mąą yɛ kpɛlin. Ɲąąɓa, Jesus ə hvaa di pɔ yɛ diɛ: «Ka ka liikpələ, ka hvo ɲɔw, ɲą́ą́ ka tii.»

Ɉaan 16:33

Gáá mɛ̨nįɠaa tii ɓoi kaa, kaa pɛli liilaa hɔlɔɓoi ɲə́i. Ka káá pai mɔ̨nɔ̨ mįi yɛnɛ̨ɛ̨, kɛlaa, ka ka lii kpələ, ɲéé aa tɛɛ yɛnɛ̨ɛ̨ ɓa.»

Ɉaan 2:25

Nu ta hva pɛli kɛ nuą mąą mɛ̨nį hukulɔi ma, mąąhɔlɔɓo, ə nuą kwəi mɛ̨nį kɔ́lɔn.

Ɉaan 21:5

Jesus yɛ diɛ: «Lɛapɛlɛɛ! Kaa hɔ̨nwɔ̨lee hon?» Diɛ mą: «Kpaa-o!»

Gɛlaɠaa 14:9

Ɉulɔnui ti ə nwəli tɔɔ kpɔ Polə woo ɓa a nɛlɛ. Polə ə gaa yɛ diɛ laa na laa kaa ɲei, yɛ pɛli gɔlɔi ponoi.

Gɛlaɠaa 19:12

Gɛ pələi tii, nuą di kɛli kpɔ ɓɔlɔɠaa da həɠə-ɓɛlaɠaai kɛ daa túnwɔ̨n Polə kɔlɔ ɓa, ɉəɠə, diɛ di pɛlɛ ɲɔ̨n-gɛ-nuą mɛ̨i, di kɔ́lɔi yɛ pono, ɲįnɛ̨nŋaa diɛ həɠə daɠaa pulu.

Gɛlaɠaa 23:11

Bulu ɓa kpini pɛlɛɛ kɛa, gu Ną́mu gbɔwɔ lɛ Polə ɓa, yɛ mą: «'Ə́ liikpələ, yaa mą́ą́ kɛla hvaa ɓo ɓɛ Ɉerusalɛmə, hvo kɛli ə́ da ɓo Romə daai.»

Lomaŋ 5:11

Yili pulu yii gaa laa ya ɓaa: Gwa gu kpɔwɔɲąą Yálá mɛ̨nį hu gu Nąmu Jesus Kristə háálai, yaai gwa diɛ ni gu yee lɔ gee hu.

Zĩi 2:18

Kɛlaa, nu ta a kɛ yɛ: «Laa na laa kaa ɲəi. Ɛlɛɛ, ɲą́ą́, bɔ túwɔ́ ə ɓo ɲə́i. Ŋą́ kɛ mą: Ə́ wɔɔ laa na laai bɔ túwɔ́ hvo mą, nɛ mą́ą́, ɛlɛɛ, ɲą́ą́ gbɛlimąn, ŋą́ nwɔ́ɔ́ laa na laa lɛ a bɔ túwɔ́.»