Maafîu 8:8 - Yálá laawoo hɛɓɛ (dc)

⁸ Kɛlaa, gɔ́kulaa nwun nąmui tii ə nwoo ɲąąpənə, yɛ mą: «Ną́mu, ɲą́ą́ mą́ą́ hvo nɛ̨ɛ̨li, a nui yá lɔ ɲei bɛlɛ́n. Kɛlaa, woo tɔ̨nɔ̨ ɓo lɔ, nwɔ́ kólo kɛmun kɔ́lɔi a pono.

Yálá laawoo hɛɓɛ

⁸ Kɛlaa, gɔ́kulaa nwun nąmui tii ə nwoo ɲąąpənə, yɛ mą: «Ną́mu, ɲą́ą́ mą́ą́ hvo nɛ̨ɛ̨li, a nui yá lɔ ɲei bɛlɛ́n. Kɛlaa, woo tɔ̨nɔ̨ ɓo lɔ, nwɔ́ kólo kɛmun kɔ́lɔi a pono.

Bible

⁸ Kɛ́lɛ, gɔkuluƃa-mɛi-nuui è ŋ̀óo su tòo, ǹyɛɛi, “Kúnuu-namui, ḿaa fé nɛ̃ɛ ni a gɛɛ í lɔ́ ŋápɛrɛi mu. Kɛ́lɛ, m̀ó nɔ́ a íwoo, gɛ̀ ní ńyee-mu-nuui a pâi ƃálôi.

Maafîu 8:8 Iomraidhean Croise

Zɛnɛse 32:10

Gɛɛ tii, Ɉakɔbə ə tómą, yɛ mą: «Ee! Ną́n Abrahamə nwɔ Yálá! Ną́n Isaakə nwɔ Yálá! Yɛ́i a Yai-Laa! Yɛ́ ɓə kɛ mą́ą́: ‹Pənə ə́ li ə́ pɔ lɔi, ə́ nąn ɲəi bɛlɛ́n, gáá pai ɲɛ̨́i lɛlɛɛ heei yɛ́.›

Mąątɛ̨nɛ̨ 10:17

Yai-Laa, yá mąąwɛli nuą liiɓa mɛ̨nį kɛ; yá di liikpələ, yɛ́ ə́ wəli tɔɔ di woo ɓa.

Mąątɛ̨nɛ̨ 107:20

Ə nwoo tɛɛ, yɛ di hali kɛ, yɛ di kulɔ kámą yəi.

Mąątɛ̨nɛ̨ 33:9

A mɛ̨nį ɓo lɔ, bɔ mɛ̨nį ə kɛ, ə kɛ lɔ diɛ: «'Ka kɛ», gəlee daa mą kɛ.

Lonon mo 20:8

«Ə́ wɔ tunwɔ̨n həɠə, ka ə́ liɛ Aarɔn ka nuą, ɲąąkpɔn, mo gwɛni kpuwulu ŋɛ̨i ɓa, ə ɉu yá tɛɛ ka pɔ. Ə kaa pai yá kulɔi gwɛni hu di mąą mɛ̨nį ɓa, ə́ yá tɛɛ nu kpulu pɔ da di wɔ taatɛlɛɛɠaai, diɛ di kpələ la.»

Maafîu 3:11

Nwɛ́i, gáá ka mąąwaai a yá, ə gɛ, di gaa diɛ, kaa ka yii pələ mąąhvalin. Kɛlaa, nu ta kaa búlú yɛ pa, nwɔ huwalawala kɛnɛ̨i dɛɛ mą́ą́. Gaa pai ka mąąwaai a Kili-Mąąhəɠɛɛ, da nwɔ̨n. Ɲą́ą́ mą́ą́ hvo kpɛli nɛ̨ɛ̨li a nwɔ kɔ́lɔi laa hvoloon mun.

Maafîu 3:14

Ɉaan ə lənə mą, ə mo mą, yɛ mą: «Ɲą́ą́ mun mə mąąnɛ̨ɛ̨ ə́ mą́ą́waa. Kɛlaa, yɛ́ mun, yɛ́ pa bɔ́?»

Maafîu 8:3

Jesus ə ɲee pɛlɛ mą; yɛ mą: «Ŋą́ą́ hvaa mą! Ə́ kɔ́lɔi ə pono, ə́ mąą ə həɠə.» Ɲąąɓa, ɉulɔnui tii, nwɔ hvólóɲɔ̨n ə kpɛɛ, mąą ə həɠə.

Maafîu 8:7

Jesus yɛ mą: «'Li! Gáá pai ŋį́ gɔlɔi pono.»

Maafîu 8:9

Hvó gaai, ɲą́ą́ gbɛli, gáá nuą yeemu, əlɛɛ, holahiɠaa di ɓo ɲéému. Ŋą́ kɛ da ɓa: ‹'Li!›, a li. Ŋą́ kɛ dakpɛli ɓa: ‹'Pa!›, a pa. Ŋą́ kɛ nwɔ́ luwɔi ɓa: ‹'Yii kɛ!›, a gɛ.»

Lukə 15:19

Mąą hvo nɛ̨ɛ̨li hvo gáá kɛa a ə́ lon da, ɉón yɛ bələi yá ə́ wɔ koló kɛmun da.»›

Lukə 15:21

Non ə mo kɛa mą, yɛ mą: ‹Ną́n, ŋą́ą́ nɛ̨ŋɛ̨n ɉəɠə Yálá ɓa, ŋą́ą́ nɛ̨ŋɛ̨n ɉəɠə yɛ́. Mą́ą́ hvo kpɛli nɛ̨ɛ̨li hvo gáá a ə́ lon da.›

Lukə 5:8

Ɓɛlɔwai Simɔn Piɛrə ə yili kaa la tii, ə pu gbəlin na Jesus kɔ́wɔ mu, yɛ mą: «Ną́mu, ə́ mąą kwɛa mą́ą́, mąąhɔlɔɓo, gáá a nɛ̨ŋɛ̨n ɉəɠəmun.»

Ɉaan 1:27

gaa búlú yɛ pa, ɲą́ą́ ŋɛ̨i mą́ą́ hvo nɛ̨ɛ̨li kpɛli a nwɔ kɔ́lɔi ɲɛli hvólóonmun.»