Maafîu 8:29 - Yálá laawoo hɛɓɛ (dc)

²⁹ Jesus kaai di mo, di tómą diɛ kɛ mą: «Ee ku Yálá Lon, lə ɓə yɛ ə́ gɛ a kuɔ? Akɛti, ə́ paa li kɛa, ə gɛ, ə́ ku nwun na pili nɔwai tɔwɔ?»

Yálá laawoo hɛɓɛ

²⁹ Jesus kaai di mo, di tómą diɛ kɛ mą: «Ee ku Yálá Lon, lə ɓə yɛ ə́ gɛ a kuɔ? Akɛti, ə́ paa li kɛa, ə gɛ, ə́ ku nwun na pili nɔwai tɔwɔ?»

Bible

²⁹ Nya ƃe dí làɣi, dîyɛɛi, “Le ƃe yɛ̂ɛ í gɛ́ a kûa, yái íkaa a Ɣâla Ǹóŋ? Í pà a gɛɛ í kúŋa mɔ̃lɛ tãi é lɛ́ɛ serîi?”

Maafîu 8:29 Iomraidhean Croise

Samia Veerɛi 16:10

Tɔɔmun yɛ mą: «Ə́ wɔɔ naa ɓa a lə mɛ̨nįi ŋɛ̨i hu, Seruya lon? Akɛ nɛ̨ŋɛ̨n naa ŋɛ̨i gaa gɛi, Yai-Laa ɓə kɛ mą: ‹Li ə́ Davidə nɛ̨ŋɛ̨n naa›, gbɛɛ ɓə a pɛli kɛi ma: ‹Lə mɛ̨nį ɓa ə́ kaa yili kɛi?›»

Samia Veerɛi 19:22

Seruya lon Avisai ə nwoo pulu pənə, yɛ tɔɔmun ma: «Akɛtii, yili mɛ̨nį ɓə mɔ̨ɔ̨ di hva Simei paa la! Nui Yai-Laa aa mąątí a tɔɔ wulɔ, kɛlɛi Simei ɓə nɛ̨ŋɛ̨n nąąn ee?»

Tɔɔɓɛlaa dɔlɔɔ 17:18

Nokoloi nee yɛ Eli ɓa: «Yálá nwɔ nu! Lə mɛ̨nį ɓə gwa yɛ́ gu lɔwai? Ə́ lɔ ɲə́i bɛlɛ́n nwɔ́ nɛ̨ŋɛ̨nŋąą kili too mɛ̨nį ɓa Yálá ŋą, da nón nwun napili mɛ̨nį?»

Tɔɔɓɛlaa veelɛ 3:13

Elise yɛ Israɛlə tɔɔmun mą: «Lə mɛ̨nį ɓə gwa yɛ́ gu lɔwai? 'Li ə́ nąn nwɔ Yálá kwəi mɛ̨nį ɓo nuąi pɔɔli a wala kɛ tii ə́ lee nwɛiɠaa.» Israɛlə tɔɔmun ə nwoo pulu pənə, yɛ mą: kpaa! Mąąhɔlɔɓo, Yai-Laa ə dɔɔɓɛlaa haaɓai ŋɛ̨i ɲąąkpɔn giɛ, di lɔ mɛ̨nį ɓa Moabə yee ŋą.

Kɔlɔnikɔ Veerɛi 35:21

Neko ə tiɓo kə mun Ɉosiasə pɔ, ə pa yɛ mą: «Ɉuda tɔɔmun! Lə mɛ̨nį ɓə gaa gwa yɛ́ gu lɔwai? Yɛ́ hvəi ŋį́ pa kɔ́ pɛlɛi yɛ́ háákələi, kɛlaa, ɲówo pɔlɔ-pɔlɔi ŋɛ̨i ɓə! Yálá yɛ ŋį́ gɔɠɔ mąąhulɔ; Ɲálái ŋɛ̨i aa tɔɔ búlú, hvó kɛ ə́ kaa tɔɔi na, hvo pa ə́ hukala.»

Zooɛ 3:4

Hvoló hu kaa pai kpinįi, ɲąnin ɉu ə kɛ a ɲąmą. Yili a gbɛa kɛ tii Yai-Laa nwɔ hvólói yɛ teɠa pa, a voló kɛnɛ̨ɛ̨ mąąɲɔwɔɔ.»

Maafîu 4:3

Nąąlɔwai, ŋąąhɛn kɛ mun ə lɛɠɛ mą, yɛ mą: «A kɛ Yálá Lon mąą yɛ́, mo gwɛnii ŋɛ̨i ta ɓa ə mąąpənə a kɔ̨nɔ̨n, ə mį́į́.»

Maafîu 8:30

Yaan, ɓoi kpulu ə kɛ naa kwɛlɛ, diɛ di kɔ̨nɔ̨n gwɛli.

Markə 1:24

«Lə ɓə ə́ kaa bɔ ə́ gɛ a kuɔ, Jesus Nazarɛtə mun? Ə kaa bɔ ə́ ku nwun napili? Ŋą ə kɔ́lɔn, gɛ́: Ə́ kaa a Yálá nwɔ nu mąąhəɠɛɛ.»

Markə 3:11

Ɓɛlɔwai ɲinɛ̨nŋąą di kɛi Jesus kaa la, di kɛi too gɔwɔ mu diɛ kɛ mą: «Ə kaa a Yálá lon.»

Markə 5:7

ə tómą kpɔ a nwoo kɛnɛ̨ yɛ mą: «Lə ɓə yɛ ə́ gɛ a ɲą́ą́, Jesus, Yálá yaai gaa yələkɔlɔn ɉu non? Gáá nɛ̨ɛ̨mąą hvəə yɛ́, 'gɛ Yálá ɓa, hvó náánɔ̨nwɔ̨ ɓo.»

Lukə 4:34

Yɛ kɛ mą: «Ee! Jesus Nazarɛtə mun, lə ɓə yɛ ə́ gɛ a kuɔ? Akɛti, ə́ pa kɛa ku nwun na pili mɛ̨nį ɓa li? Ŋą́ ə́ kɔ́lɔn ə́ kaa a Yálá nwɔ tímun.»

Lukə 4:41

Ɲįnɛ̨nŋaa di kɛi həɠə ɲɔ̨n gɛ nuą tii taɠaa pulu, diɛ tómą, diɛ kɛ mą: «Ə́ kaa a Yálá Lon!» Kɛlaa, Jesus Kristə ə kɛi haŋą diɛ, yɛ kɛ diɛ: «Ka hvo hvaa!» Mąąhɔlɔɓo, di kɛ gɔlɔn diɛ: Jesus kaa a Nwun mąąɓomun Yálá ə naakwɛlanmo.

Lukə 8:28

Ɓɛlɔwai ɉulɔnui tii ə Jesus kaa la, ə tómą kpɔ kɛnɛ̨, ə too gɔwɔ mu, ə mo kpɔ a nwoo kɛnɛ̨, yɛ mą: «Lə ɓə yɛ ə́ gɛ a ɲą́ą́, Yálá yii gaa yələkɔlɔn ɉu Non? Gáá nɛ̨ɛ̨mąą hvəə yɛ́, hvo náá nɔ̨nwɔ̨ ɓo!»

Ɉaan 2:4

Kɛlaa Jesus ə nwoo pulu pənə yɛ mą: «Néé, yii mąąnɛ̨ɛ̨ ŋį́ gɛ, yɛ hvəə ya mo mą́ą́! Ŋɔ́ lɔwai hvə nii həli li.»

Gɛlaɠaa 16:17

Nɛ̨ɛ̨nui ti ə hvilɛn kwa Polə ni ku pulu, yɛ tomą, yɛ kɛ mą: «Nuą ŋɛ̨i di kaa a yəlkɔlɔn ɉu Yálá nwɔ tínuą, di kaa nu ɓalo kpaalə lɛi káá.»

Zĩi 2:19

Ə́ laai na yɛ́ kɛ, Yálá kaa taanɔ̨n? Yáá gɛ a lɛlɛɛ. Ɲįnɛ̨nŋaa diɛ kpɛlimąn di laai lɔ ti na, ɛlɛɛ, yɛ di mąą kpɛlin.

Piɛrə veelɛ 2:4

Akɛ malakaɠaa ŋɛ̨i hɔn ɲɔ̨n gɛ, Yálá hvo di ɲɛ̨i mąą wɛli kaa, ə di pili kpinį hu, lɔwa kpon gweaa hu ɉahanąmą, di ɓo laa diɛ kiti teei lɔwai mąą kpɔn.

Zûu 1:6

Ɛlɛɛ, ka kili kaa ɉu kaa, malakaɠaai Yálá ə tɔɔi kɛnɛ̨ tɛɛ di pɔ, di lənə mą; di həɠə Yálá-taa ɓɛi kɛ a di heei kpɔ-kpɔ. Yili ɓə gɛ Yálá ə di yili a yɔwɔn, ə di pili kpinį hu, di lɛɛ laa diɛ giti kpəli tee yələ mąąkpɔn.

Nwun mąąɓo 11:12

Ɉɛfte ə wɛlɛɛ tɔɔ Amɔn nuą di wɔ tɔɔmun pɔɔli, yɛ mą: «Lə mɛ̨nį ɓə gwa kaa ni gu lɔwai, yai ə́ pa pɛlɛi nwɔ́ lɔi ɓa?»