Maafîu 8:2 - Yálá laawoo hɛɓɛ (dc)

² Nąąlɔwai, hvólóɲɔ̨n gɛmun da ə pa ə pɛlɛ gɔɠɔ mu, yɛ mą: «Nwɔ́ mɛ̨nį Nąmu, ŋį́ gɔlɔn gɛ́ yá hvaa mą, yá pɛli ə́ gɔ́lɔi pono, ə́ mą́ą́həɠə.»

Yálá laawoo hɛɓɛ

² Nąąlɔwai, hvólóɲɔ̨n gɛmun da ə pa ə pɛlɛ gɔɠɔ mu, yɛ mą: «Nwɔ́ mɛ̨nį Nąmu, ŋį́ gɔlɔn gɛ́ yá hvaa mą, yá pɛli ə́ gɔ́lɔi pono, ə́ mą́ą́həɠə.»

Bible

² Nya ƃe gbôdo-nuu tɔnɔ e pà bɔ é vɛ̀li, ǹyɛɛi, “Kúnuu-namui, à kɛ̀ yà ŋ̀wɛli, ya pɔ̂ri ḿâloi.”

Maafîu 8:2 Iomraidhean Croise

Samia Veerɛi 3:39

Nwɛ́i, háákələi, hvaŋą hvo ɲə́i, pələi mąn di dɔɔlaa wulɔ hiɛ la mą́ą́, ə lɛɛ, nu huwui tii a Seruya lonnii, di kili walawalaai mą́ą́. Kɛlaa, Yai-Laa ə nu ɲɔ̨nwɔ̨ɔ̨ nwɔ mɛ̨nį ɲɔ̨n gwələ kulɔ ma.»

Tɔɔɓɛlaa veelɛ 15:5

Yai-Laa ə tɔɔmun gɛlɛ, hvólóɲɔ̨n ə yɛɛ la, ɲɔ̨n tii ə lɛɛ mą, ə lɛɛ la ɉu ɉaa yələ ə ɉəli la; ə kɛ pɛlɛ́ ta mu a dee, ɛlɛɛ, non Yotamə, yai kɛ dɔɔ pɛlɛ́ nwun na, ya ɓə kɛi nuą ɲąąwooɓo.

Tɔɔɓɛlaa veelɛ 5:1

Naaman ə kɛ a Aramə tɔɔmun nwɔ kulááɠaa nwun nąmu kɛnɛ̨, nwɛli ə ɓo nwɔ tɔɔmun mą kpɔ kɛnɛ̨. Mąąhɔlɔɓo, yaa tii ɲee hu ɓə Yai-Laa ə kɛi yeetɛɛmąą tɛɛ la Aramə pɔ. Kɛlaa, gɔ́kuláá walawalai tii, hvólóɲɔ̨n ə kɛ mą.

Tɔɔɓɛlaa veelɛ 5:27

Yili ɓa, Naaman nwɔ hvólóɲɔ̨n tii a lɛɛ yɛ́ ka ə́ huwu kaa a yələ kəlee mɛ̨nį.» Gehazi ə kulɔ Elise pɔɔli, volóɲɔ̨n tii aa gɔlɔ nąą kəlee kwələ yɛ da luwu pu nu ɓa.

Lonon mo 12:10

Dulɔ kpinįn ə həɠə gee kaa kələ mɛ̨i, hvólóɲɔ̨n ə nɛɛ mą ə yɛɛ a Miriamə, gɔlɔ mu ə kwələ kpɔ yɛ yee hunwɔ̨; Aarɔn ə tinɛ̨n ə gaa, nąą kəlee ə ɓo a hvólóɲɔ̨n.

Maafîu 10:8

'Ka li, ka ɲɔ̨n gɛ nuą kəlee kɔ́lɔi pono, 'ka haa nuą nwun, ka hvólóɲɔ̨n gɛ nuą kɔ́lɔi pono, ka di mąą həɠə, ka ɲį́nɛ̨nŋąą kpɛ nuą pulu. Bələi ka ɉɔlɔɓo la a mɛ̨inɛ̨ɛ̨, 'ka dɛɛ tii a mɛ̨inɛ̨ɛ̨.

Maafîu 13:58

Jesus hvo kɛa kpalo mɛ̨nį tamąą kɛ Nazarɛtə daai, mąąhɔlɔɓo di hvo laa na.

Maafîu 14:33

Galan nɛa yiiɠaa tii kɛ gələn ɉu, di pu di kpəlin na Jesus kɔ́wɔ mu diɛ mą: «Ə́ kaa a Yálá Lon gbɔ-kpɔ a tɛ̨ą.»

Maafîu 15:25

Kɛlaa, nɛ̨ɛ̨nui tii ə pa ə too gɔɠɔ mu yɛ mą: «Nwɔ́ mɛ̨nį Nąmu, ɲɛ̨́i mąą wɛli kaa.»

Maafîu 18:26

Ɉulɔnui tii ə too nwɔ kwələ nąmui kɔ́wɔ mu, yɛ mą: ‹Ną́mu, gɛ ə ɲɛ̨imąąwɛli kaa, əí liilaa bɔ́; gáá pai ə́ wɔ kwələi kulɔi.›

Maafîu 2:11

Di lɔ bɛlɛ́n, di nokoloi da nee Mari di kaa. Di pu di nwungbəla, di kwɛli hvilɛn mą. Yili pulu, di di tiɛ̨ hvoloon. Di ɉamą a: hɛni, lansan, da mirə wulɔ.

Maafîu 20:20

Zebede lon ɉinąą hveelɛ di lee ə pa ə pɛlɛ Jesus kɔ́wɔ mu. Ə gɛ ə mɛ̨nį ta hvɛli ma nonnii hveelɛi mąą mɛ̨nį ɓa.

Maafîu 26:6

Jesus ə kɛ Bɛtani daai, Simɔn yii hvólóɲɔ̨n ə kɛ mą ɲəi bɛlɛ́n.

Maafîu 28:17

Yii kɛa di Jesus kaa, gəlee di kwɛli hvilɛn mą. Kɛlaa, daɠaa di kɛi ɲinɛ̨-ɲinɛ̨n.

Maafîu 28:9

Nɛ̨ąą tii da Jesus ni di kwiɛn, ə nwoo pili diɛ. Di di mąą lɛɠɛ mą, di pɛlɛ gɔwɔ mu di kwɛli hvilɛn mą.

Maafîu 4:9

Yɛ mą: «Akɛ ya kwɛli hvilɛn mą́ą́, ŋą ɉɛnŋąą ŋɛ̨i kəlee tɛɛ ə́ pɔ.»

Maafîu 8:1

Jesus həɠɛɛ ɲee ɓa yɛ yɛɛ, nu kpulu kɛnɛ̨ ə hvilɛn bulu.

Maafîu 8:25

Nwɔ kalan nɛai, di lɛɠɛ mą, diɛ mą: «Ku Ną́mu, ku lɛɛ hiɛ ka ɲai, ku kulɔ wɛ ɉu!»

Maafîu 9:18

Ɓɛlɔwai Jesus ə kɛi mɛ̨nįɠaa tii ɓo la diɛ, Ɉuifə kalanɉon da ə pa, ə pɛlɛ gɔɠɔ mu, yɛ mą: «Nón nɛ̨ɛ̨nu a haa, kpɔlɔ yiihu, gɛ́, ə́ pa ə́ ə́ yee pɛlɛ mą, ə ɓalo.»

Lukə 4:27

Elise nwɔ lɔwai tii hu lɔ nwɔ̨nɔ̨, hvólóɲɔ̨n gɛ nuą tamąą di kɛ Israɛlə lɔi hu, kɛlaa yaamun, hvo dɔ̨nɔ̨ kpɛli kɔ́lɔi pono, hvo kɛli Siri mun ŋɛ̨i di kɛi kɛ nąą ɓa: Naaman; yaa ŋɛ̨i həɠə lɔi takpɛli hu, yaa lɔ ɓə Elise ə gɔlɔi pono.»

Ɉaan 9:38

Nąąlɔwai, ɉulɔnui tii ə mo mą, yɛ mą: «Ną́mu, ŋą́ą́ laa na.» Ə nɛ̨ɛ̨mą ə kwɛli hvilɛn Jesus ɓa.

Gɛlaɠaa 10:14

Piɛrə ə nwoo ɲąąpənə yɛ mą: «Oo Ną́mu! Və́ hvaa li mą! Mąąhɔlɔɓo, nwɔ́ yɛnɛ̨ɛ̨ kəlee yee mu, hɛnŋąai mąą hvo həɠə li, di kɔ́hɔɓoɔ, və́ ta da mįi li.»

Gɛlaɠaa 10:25

Piɛrə kɛɛ pai, Kɔrnɛyɛ ə pa, ə nɛ̨nɛ̨ɓo, ə pu nwungbəla, a mąąwiɛ pələ.

Korɛntə dɔlɔɔ 14:25

Mɛ̨nįi nooɔ di kwəi pələ, a kulɔ pono ŋą, a pɛlɛ, ə kwɛli hvilɛn Yálá ɓa, ɛlɛɛ, yɛ noloɓo, yɛ kɛ Yálá kaa kpɔ ká lɔwai a neelee.

M̀ɛni-lɛɛi 19:10

Ya ɓə, ŋą́ pɛlɛ gɔ́wɔ mu, gɛ́ kɛ ŋį́ gwɛli hvilɛn mą, kɛlaa, yɛ mą́ą́: «'Hvo kɛ ə́ kaa gɛi tii! Gáá lɔ a tímun, ə́ mąą mɛ̨nį ɓa, ɛlɛɛ, da ə́ nąn nonnii, diɛi di yee kąnąnŋąą Jesus ŋą kɛla wooi ɓa.» Yálá ɓə mąąnɛ̨ɛ̨i ə́ gwɛli hvilɛn mą, gbala ə tɔɔ, Jesus ŋą kɛla wooi, ya ɓaa a mɛ̨nįi pai kɛi ŋą kili.