Maafîu 6:6 - Yálá laawoo hɛɓɛ (dc)

⁶ Kɛlaa, yɛ́ ə́ wɛi, yá kɛi Yálá hvɛli, lɔ ə́ yəi bɛlɛ́n, ə́ naa kpulu; ə́ Ną́n Yálái gaa laa ə́ pɔ loo hu, vɛli. Yaa tii a loo mɛ̨nį hu kaai, ya ɓə pai ə́ hvɛla kulɔi.

Yálá laawoo hɛɓɛ

⁶ Kɛlaa, yɛ́ ə́ wɛi, yá kɛi Yálá hvɛli, lɔ ə́ yəi bɛlɛ́n, ə́ naa kpulu; ə́ Ną́n Yálái gaa laa ə́ pɔ loo hu, vɛli. Yaa tii a loo mɛ̨nį hu kaai, ya ɓə pai ə́ hvɛla kulɔi.

Bible

⁶ Kɛ́lɛ, yà kɛ̀ Ɣâla fɛlîi, lɔ́ íloŋpoi su, í bɛ́rɛi lá tɛ́, í Ínâŋ fɛli nyii gáa loo-pere sui. Ǹyaŋ Ínâŋ nyii a loo-mɛni su kàai, a pâi ífela fêi (nûa ŋɛ́i).

Maafîu 6:6 Iomraidhean Croise

Tɔɔɓɛlaa veelɛ 4:33

Elise ə lɔ nu powa pɔ bɛlɛ́n, ə bɛlɛ laa kpulu mą. Ə Yai-Laa hvɛli.

Mąątɛ̨nɛ̨ 34:15

Ə túwɔ́ pələ ɲɔ̨n mąą laa, ə túwɔ́ a nɛlɛɛ, hvilɛn líilaa pulu, ə ɲąąkɔn.

Hanwon 25:22

Yá gɛ tii, a kɛ tii ə́ kaa nwɔ̨n dəŋą pui nwuɔ̨. Yai-Laa a ə́ hvɛla kulɔ.

Azaya 26:20

Nwɔ́ nuą! 'Ka li, 'ka lɔ ka yəi bɛlɛ́n, 'Ka gbon gəlee hveelɛ laa kpulu kaa. 'Ka ka loo lɔ, ka nąą mąą kpɔn woloɓo, ə lɛɛ ɉu niiholi ə tɛɛ,

Azaya 65:24

Nąąlɔwai, gɛi di hvo pa kɛ də́lii, ŋį́ gbɛa di woo pulu pənə, Di woo a lɛɛ nii di lá, ɉɛn di vɛlii, ŋį́ dɛɛ di pɔ!

Maafîu 14:23

Nu kpului tii liɛɛ pulu, Jesus ə tɛ yee kpukpu ta ɓa, yɛ Yálá hvɛli yaa tɔ̨nɔ̨; kpinį yɛ kɛa pɛlɛ.

Maafîu 6:18

Ya ɓə a gɛ, nuą kili hva pu ɉu, diɛ ə́ kaa hin ɉu. Kɛlaa ə́ Ną́n a loo mɛ̨nį hu kaa, ya ɓɛ pai ə́ woo ŋąąpənəi.»

Maafîu 6:4

Ya ɓə a gɛ, ə́ wɔ kɔ́ɓo hɛn ə lɛɛ a nooɔ. Ə́ Nąn Yálái a loo mɛ̨nį hu kaa, ya ɓə pai ə́ hvɛla kulɔi.»

Ɉaan 1:48

Natanaɛlə ə Jesus mąąni kɛ yɛ mą: «Ə gɔlɔn bələ kɛ ləi?» Jesus ə nwoo pulu pənə yɛ mą: «Gɛɛ kɛ Filipə hvə ə́ təli, ɓɛlɔwai ə́ kɛ la moolaa wulu mu, ŋą kɛi ə́ kaa.»

Ɉaan 20:17

Jesus yɛ mą: «Hvó kanąn mą́ą́, mąąhɔlɔɓo, və́ nii tɛ li Ną́n bɔ yələi. Kɛlaa, li ya Ną́n nonnii kaa ə́ mo diɛ, yɛ diɛ: Gáá li Ną́n da ka Nąn bɔ, nwɔ́ Yálá da ka wɔ Yálá pɔ.»

Gɛlaɠaa 10:30

Kɔrnɛyɛ ə nwoo ɲąąpənə yɛ mą: «Aa kɛ a hvoló haaɓa, kpɔlɔ a ɓɛlɔwai, hvóló mąąlaa, ŋį́ kɛ ɲə́i bɛlɛ́n gɛ́ Yálá hvɛli, kpɔlɔ ɲąąɓa, ŋį́ nu ta kaa tɔɔni níí la, mąąhəɠəɠaa yɛ kwələ kpɔ pə-pə.

Gɛlaɠaa 10:9

Mąą yələ laaɓoɔ, ɓɛlɔwai di kɛi li la Ɉope daai, di lɛɠɛɛ kɛa daa kpala, ə kɛ a hvoló tɛɛ nwun ma lɔwai, Piɛrə ə tɛ ɲələi pɛlɛ́ ɲįmąn mu, yɛ Yálá hvɛli.

Gɛlaɠaa 9:40

Piɛrə ə nu kəlee kulɔ ɲɛnɛ̨ɛ̨, ə pu gbəlin na, ə Yálá hvɛli, yili pulu, ə tínɛ̨n nu powa pɔ pələ yɛ mą: «Tabita! 'Ə́ muhəɠə!» Nu powai ə ɲįnąąɓo, ə Piɛrə kaa, ə muhəɠə ə hee.

Lomaŋ 8:5

Yili ɓa: Nuąi di kaa di wɔ yɛnɛ̨ɛ̨ kɛi a nu kili, nu liiɓa mɛ̨nį ɓə niihɛlɛn gaa diɛ. Kɛlaa, nuąi di kaa yɛnɛ̨ɛ̨ kɛi Yálá ŋą Kilii yeekɔn ma, Yálá liiɓa mɛ̨nį ɓə da di liihɛlɛn na.

Ifisiɛŋ 3:14

Yili mąą mɛ̨nį ɓə gɛi, ŋą́ kɛ pui la nwúngbə la Ną́n Yálá ɲɛ̨i ɓa,