Maafîu 6:20 - Yálá laawoo hɛɓɛ (dc)

²⁰ Kɛlaa, ka ka wɔ hɛn gɔw laaikɛ yələkɔlɔn ɉu, ɓɛi koló hva pu laa hɛn da hu, kpɛ̨ɛ̨ hva hee la hɛn da ɓa, nwuɔ̨ nuą di hva pɛlɛ laa yali laa, diɛ nwuɔ̨ kɛ.

Yálá laawoo hɛɓɛ

²⁰ Kɛlaa, ka ka wɔ hɛn gɔw laaikɛ yələkɔlɔn ɉu, ɓɛi koló hva pu laa hɛn da hu, kpɛ̨ɛ̨ hva hee la hɛn da ɓa, nwuɔ̨ nuą di hva pɛlɛ laa yali laa, diɛ nwuɔ̨ kɛ.

Bible

²⁰ Kɛ́lɛ, ka kátɔɔ-sãai lâai kɛ́ Ɣâla-taa kákpîŋ mɛni ma, ƃɛi fili da kpɛ̃ɛ dífa pɔ̂ri garâi naai, da ƃɛi ŋúma-ƃela dífa pɔ̂ri liî naa dí ŋumai.

Maafîu 6:20 Iomraidhean Croise

Azaya 33:6

Ə́ wɔ yɛnɛ̨ɛ̨ laa hɔn mo hɛn ɓa pai kɛi, a ɓalo mɛ̨nį nwɔ hɛn gɔw, kili mɛ̨nį, mɛ̨nį kɔ́lɔn ŋąą, da nu ɲɔwuɔ Yai-Laa ɓa, yili ɓə pai kɛi a gwɛlin.

Maafîu 19:21

Jesus yɛ mą: «Akɛ ə́ kaa bɔ ə́ mąą mɛ̨nį laa ə hvɛɛ, li, Ɉɛnɉaai gaa ə́ yəi, ə́ gəlee lɔwɔ́tɔɔ, ə́ nwali ɉaa kwɛlɛ yeehowolo nuą diɛ. Yili pulu ə́ pa ə́ hvilɛn búlú. A kɛ tii ya kɛ a hɛn gɔw nąmu Yálá-taa tɔɔlaa hu.»

Maafîu 6:19

«Ka hvo ka wɔ hɛn gɔw laaikɛ ɲɛnɛ̨ɛ̨ ŋɛ̨i hu, ɓɛi koló a pu laa hɛnŋąą hu, kpɛ̨ɛ̨ yɛ hee daɠaa diɛ, nwuɔ̨ nuą diɛ pɛlɛ laa yali, diɛ nwuɔ̨ kɛ laa.

Markə 10:21

Jesus ə ɲɛ̨i hee ɉulɔnu tii ɓa, mąąwɛli ə ɉon, yɛ mą: «Mɛ̨nį tɔ̨nɔ̨ lɔ ɓə aa lɛɛ yɛ́, yaa ɓaa: ə́ li ə́í yəi hɛnŋąą kəlee lɔwɔ́tɔɔ, ə́ nwali tɛɛ yeehvowolo nuą pɔ; ə́ pa ə́ hvilɛn gea búlú, akɛti, ya kɛ a hɛn gɔw nąmu Yálá-taa tɔɔlaa hu.»

Lukə 12:33

Ka ka yəi hɛnŋąą lɔwɔ́tɔɔ, ka nwali ŋąąkwɛlɛ yee hvowolo nuą diɛ. Ka hɛn gɔw pu ɓíi kwɛli yii nwolo hva tee mą. Ka ka wɔ hɛn gɔw laaikɛ yələkɔlɔn ɉu, ɓɛi hɛn da hva pili laa; nwuɔ̨mun hva həli mą, ɛlɛɛ, kolo hva pu ɉu.

Lukə 18:22

Yii kɛa Jesus ə nwoo tii mɛ̨n, ə mo mą, yɛ mą: «Mɛ̨nį tɔ̨nɔ̨ kaa laa yii mąąnɛ̨ɛ̨ ə́ gɛ, ya ɓaa: Li, ə́ ə́ yəi hɛnŋąa kəlee lɔwɔ́tɔɔ, ə́ nwali ŋąąkwɛlɛ yeehvowolo nuą diɛ. A kɛ tii, ya kɛ a hɛn gɔw nąmu Yálá-taa. Yili pulu, pa ə́ hvilɛn búlú.»

Timote dɔlɔɔ 6:17

Nuąi a hɛn gɔw nąmįną ɲɛnɛ̨ɛ̨ ŋɛ̨i hu, mo diɛ, di hvo kɛ di kaa di kpɔwɔ ɲąąkɛnɛ̨i ɉu, di hvo kɛ di kaa di kilitɔɔi hɛn gɔwi gaa a tɛɛi, mą; kɛlaa, di di kilitɔɔ Yálá ɓa, yai a gu kɔ a mɛ̨inɛ̨ɛ̨ɠaa, a ɉu kɛnɛ̨ɛ̨, guɔ ɲąąnɛ̨ɛ̨ kulɔ.

Timote dɔlɔɔ 6:19

Da kɛli gɛ ti, di kaa hɛn gɔw kpɔn ɉii gee ɓa a di kpɔwɔ nwɔɔ tínąą, diɛ pɛli ɓalo hva kpɛɛ hɔlɔɓoi la.

Hebreu 10:34

Nuąi kɛ gaho ŋą, kaa di mąą lii hɛlɛn ɉee, diɛ ká kwɛlinŋaa kulɔ ká yəi, ká kwəinɛ̨ɛ̨. Mąąhɔlɔɓo, ká gili gɔlɔn káá: Hɛn gɔw ta kaa ká yəi, viɛlaɓoɔ, kpɛɛ hvo mą.

Hebreu 11:26

Ə Kristə ŋą mɔ̨nɔ̨i kaa a hɛn viɛlaɓoɔ ə tɛɛ Eziptə hɛn gɔw ɓa. Mąąhɔlɔɓo, ɲɛ̨i heɛi kɛ hvɛla kulɔ ɓa.

Zĩi 2:5

Ną́n nonnii, nwɛ́likɛmąą nuą, 'ká ká wəli tɔɔ kpɔ tai a nɛlɛɛ, kɛlɛi nuąi yeehowolo laa hu yɛnɛ̨ɛ̨ ɓɛ, diɛ ɓə Yálá ə di həɠə ɉu, ə di kɛ a hɛn gɔw nąmįną, a Yələkɔlɔn ɉu tɔɔlaa hɔlɔɓo nuą, yai ə naakwɛlanmo nwɛlikɛmąą nuą diɛ-e?

Piɛrə dɔlɔɔ 1:4

a kwɛlin ɉɛn hva kpɔ pɛli kalai, hva kɔhɔɓo, hva luwun, gwɛlan ɉɛn tii, həɛi ká tɔwɔ yələi;

Piɛrə dɔlɔɔ 5:4

Ɓɛlɔwai gbɔn mɛ̨i kaamun gɛnɛ̨ɛ̨ kaa pai pai la, ká káá pai mąąwiɛ ɓɔlɔ hɔlɔɓoi, yai hva haɠa.

M̀ɛni-lɛɛi 2:9

Ŋą́ ə́ wɔ mɔ̨nɔ̨i kɔlɔn, ɛlɛɛ, da yɛ́ yeehvowolo laa, kɛlaa hɛn nąmu ɓaa a yɛ́, ɛlɛɛ, naa-mąąhiɛ nuąi da di kpɔwɔ kɛ a Ɉuifəɠaa, ɛlɛɛ yaan, di hvo la, di kaa a ɓilihi hvɛli pɛlɛ́.