Maafîu 6:2 - Yálá laawoo hɛɓɛ (dc)

² Akɛ yá kɛi mąąwɛli mun gɔ́, a hɛn da, hvo ə́ kpɔɔ mɛ̨i lolo too, yɛ bələi tɛ ɲɛ̨i mɛ̨nį kɛ nuą da gɛ la, di wɔ Yálá hvɛli pɛlɛ́ɠaa mu; da pələ leeɠaa mɛ̨i; ə gɛ, nuą di di mąąwiɛ. Gáá moi kaa a tɛ̨ą, daa gbɛa di hvɛla hɔlɔɓo.

Yálá laawoo hɛɓɛ

² Akɛ yá kɛi mąąwɛli mun gɔ́, a hɛn da, hvo ə́ kpɔɔ mɛ̨i lolo too, yɛ bələi tɛ ɲɛ̨i mɛ̨nį kɛ nuą da gɛ la, di wɔ Yálá hvɛli pɛlɛ́ɠaa mu; da pələ leeɠaa mɛ̨i; ə gɛ, nuą di di mąąwiɛ. Gáá moi kaa a tɛ̨ą, daa gbɛa di hvɛla hɔlɔɓo.

Bible

² “Mɛni ma, yà kɛ̀ sama-sɛŋ tɛɛ̂i, ífe m̀aa tûŋ too yɛ̂ɛ berei giri-ƃelai da gɛ̀ la Ŋ̀âla-fɛli-kêre-ŋai mu da bere-ŋai su, a gɛɛ núu-kpune é dílaa maa tɛi. Ŋa m̀ôi kâa a tɔ̃yâ a gɛɛ, da dífela-fei sɔlɔ ƃô.

Maafîu 6:2 Iomraidhean Croise

Mąątɛ̨nɛ̨ 112:9

A mɛ̨inɛ̨ɛ̨ kpɛa-kpɛa kɛ yeehowolo mun ma, nwɔ tələnmolaa kaa a yələ kəlee mɛ̨nį, a nwun muhəɠə a ɲɛ̨i pono.

Mąątɛ̨nɛ̨ 37:21

Nu ɲɔ̨nwɔ̨ɔ̨ a hɛn ɉíŋɛ̨n, hva pənə hvo dɛɛ, tələnmomun a nu ɲɛ̨imąąwɛli kaa, yɛ nukpɔɔlaa kɛ.

Hanwon 19:17

Nui a mąąwɛlimun mąąwɛli kaa, aa kwələ tɔɔ Yai-Laa ɓa, gaa pai pənəi ə bɔɔi tɛɛ bɔ.

Hanwon 20:6

Nu tamąą da di kpɔwɔ kɛ a nu lɛlɛɛ, Kɛlaa, gbɛɛ ɓə tələnmomun gɔlɔn?

Ikilisiati 11:2

Ə́ yəi hɛn gɔw lɔ mɛ̨nį tamąą hu, mąąhɔlɔɓo, ɓɛlɔwai kpaan mɛ̨nį kaa pai həli la lɔi mɛ̨i, hvó ɲələ kɔ́lɔn.

Azaya 10:6

Gáá ɲąątɔɔi lɔi ɲɔ̨nwɔ̨ɔ̨ ɓa, gáá dɔɔi nu huwui niiholii bɔ́, yɛ di wɔ hɛn gɔwɠaai həɠə, yɛ too di mɛ̨i, yɛ di kiin giin, gɔwɔ mu yɛ da kɛli pɔlɔ tan.

Azaya 58:7

'Ə́ kɔ̨nɔ̨n da tɛɛ pulu gɛlɛ pɔ, ɛlɛɛ nwɔ̨nɔ̨, ə́ yee hvowolonuą nwɛąlaa kɛ, ya nu kaa həɠə hvo mą, 'həɠə tɛɛ bɔ, nui gaa a ə́ kpinįlee kpɔɔ kpɔɔ, 'hvo ə́ ɲɛ̨i loo mą.

Azaya 9:17

A tɛ̨ą, nwąnąlɔ a nu kələn yɛ nwɔ̨n, yɛ tíi kələn nwɔ̨n, yai a lɔwɔ kələn, yɛ lulu kɛnɛ̨ tɛ yələ kwəi.

Osia 8:1

'Dulú hvɛɛ, mɔ̨nɔ̨ kaa pai Yai-Laa nwɔ pɛlɛ́i mɛ̨i, yɛ kuwɔ. Mąąhɔlɔɓo, daa nwɔ́ mįnɛ̨i hu kala, dɔ́n ŋį́ naa diɛ, daa di nwun gulɔ mu.

Maafîu 15:7

Ka tɛ ɲɛ̨i mɛ̨nį kɛ nuąi ŋɛ̨i, kaa kpɔ ɓə Yálá ə kɛi ka mąą mɛ̨nį gwəi mɛ̨nį hukulɔ mun Esai laaləi yɛ kɛ mą:

Maafîu 16:3

Yələ wala pɔ, yələ a kɛ a ɲɛɛ, kaa mą: ‹Tulɔ kaa pai bui háákələi.› Ka wəlɛɛi yələi mɛ̨nįɠaa hukulɔ, kɛlaa, mɛ̨nį yii yələ ɓɔɔ tɛitɛi kəlee da nɛ, ka hvo gɔlɔn.

Maafîu 22:18

Kɛlaa, Jesus ə di wɔ gbanalaa tii kaa, ə mo diɛ, yɛ diɛ: «Ka tɛ ɲɛ̨i mɛ̨nį kɛ nuą ŋɛ̨i, lə mɛ̨nį ɓa ka káá gɛi a ɉáátɛ pələ?

Maafîu 23:5

Da di kɛ mɛ̨nįɠaa kɛ nuą ɲɛ̨i ɓa, ə gɛ di di kaa. Ka di tɔwɔla kaa, Yálá nwɔ tɔ́n taɠaa pɛ̨ɛ̨ kaa huwɔ kɔ́lɔ hu, a mɛla ɲa kɛnɛ̨ bəlɛɛ di tɔwɔla. Daɠaa yiliɛɛ di yee ɓa. Ɲalai da dɔɔ di wɔ həɠəɠaai mu, gaa a mɛla ŋą kɛnɛ̨.

Maafîu 23:6

Da di təli kwəinɛ̨ɛ̨ kɛɛnąą. Laa mįi mɛ̨nį ɓa, da kɛ bɔ di hee tɔwɔ pələ nu kpɛa-kpɛaɠaa heei; da lɔ di wɔ Yálá hvɛli pɛlɛ́ɠaa mu, tɔwɔ pələ lɔ ɓə da gwɛli di hee la.

Maafîu 24:51

A pa, a góló kɛmun tii hon ə doo gaho ŋą, ɓɛi nui ti da mɛ̨nį ɲɔ̨n gɛ nuą di wɔ laanɔ̨nwɔ̨ a kɛ laa a bɛliɛ, wɔlɔ da ɲį́n ɲa mįi hu.»

Maafîu 5:18

Gáá tɛ̨ą ɓoi kaa, a kɛ yələ kɔ́lɔn, da lɔi da wala ni tɛɛ, mɛ̨nį yiiɠaai bɛ̨ɛ̨ dɔ́n ɉɛɓɛ́ hu, ɉɛɓɛ́ gɔw dɔ̨nɔ̨ kpɛli hva ɉəɠə mą. Gəlee ka kɛ, yɛ pələi bɛ̨ɛ̨ la, ə lɛɛ la ɉu, hvo kɛ li yɛnɛ̨ɛ̨ ɲąą kpɛɛi lɔwai.

Maafîu 6:16

«Ka kɛi hin nɔ, ka hvo dɔɔ ka ɲɛ̨i, yɛ bələi tɛ ɲɛ̨i mɛ̨nį kɛ nuą da gɛ la. Da di ɲɛ̨i laai mąąhvalin, ə gɛ, nuą di gaa diɛ di kaa hin ɉu. Gáá moi kaa a tɛ̨ą, di hvɛla lɔ ka tii da ɉɔlɔɓo.

Maafîu 6:3

Kɛlaa, yɛ́ ə́ wɛi, yá kɛi mąąwɛli mun gɔ́ a hɛn da, gɛ a loo mɛ̨nį, nu ta hvo gbaɠala kaa.

Maafîu 6:5

«Ka kɛi Yálá hvɛli, ka hvo gɛ yɛ tɛ ɲɛ̨i mɛ̨nį kɛ nuą; diɛi da kɛ bɔ, diɛ ɓo tɔɔni diɛ Yálá hvɛli di wɔ Yálá hvɛli pɛlɛ́ɠaa mu, da pələ taŋąnnaɠaa; ə gɛ, nuą di di kaa. Gáá moi kaa a tɛ̨ą, daa gbɛa di hvɛla hɔlɔɓo.

Maafîu 7:5

Lɛɛmun! Gbɛa ni ə́ wɔ wulukpiɛn kulɔ ə́ ɲɛ̨i. Yili pulu, yá pɛli kɛa ə́ ɓɛlan nwɔ kalai mąą kpɛɛi ə́ gulɔ a nɛlɛɛ.

Markə 12:39

Da lɔ di wɔ Yálá hvɛli pɛlɛ́ mu, da kɛ bɔ di hee tɔwɔ pələ. Da di təli kwəinɛ̨ɛ̨ kɛɛnąą laa mį́i mɛ̨nį ɓa, da kɛ bɔ di hee tɔwɔ pələ nu kpɛa-kpɛaɠaa heei.

Markə 7:6

Jesus ə di woo pulu pənə yɛ diɛ: «Kaa kpɔ ɓə Yálá kwəi mɛ̨nį hukulɔ mun Esai ə wɔlɔ mɛ̨nį ɲɛ̨i ɓo ka laa mɛ̨i, ka tɛ ɲɛ̨i mɛ̨nį kɛ nuą ŋɛ̨i. Yálá ə mo gwəi mɛ̨nį hukulɔ mun Esai laaləi yɛ diɛ: «‹Nuą ŋɛ̨i da mą́ą́wiɛ lɔ a di laaləi, kɛlaa, di wɔ kiliŋąhiɛ mąą kwɛaa mą́ą́.

Lukə 11:41

Yii gaa ka yəi gbələkɔwɔɠaa da gəgənŋąą hu, ka yili tɛɛ yeehowolo nuą pɔ, a kɛ tii, mɛ̨nį kəlee mąą a həɠə ka yəi.

Lukə 11:43

«Farisiɛ̨ɠaa, kpalo ɓɛlaai kaa! Ka lɔ Yálá hvɛli pɛlɛ́ɠaa mu, tɔwɔ pələ ɓə ka gwɛli kaa hee la. Ka káá bɔ, nuą daa kɛi ka tuwɔ ɓo kpɔn ɉu, diɛ di mąą yɛɛ ka kɔ́wɔ mu, əgɛ, nuą di ka mąąwiɛ kili kɔ́lɔn.

Lukə 12:33

Ka ka yəi hɛnŋąą lɔwɔ́tɔɔ, ka nwali ŋąąkwɛlɛ yee hvowolo nuą diɛ. Ka hɛn gɔw pu ɓíi kwɛli yii nwolo hva tee mą. Ka ka wɔ hɛn gɔw laaikɛ yələkɔlɔn ɉu, ɓɛi hɛn da hva pili laa; nwuɔ̨mun hva həli mą, ɛlɛɛ, kolo hva pu ɉu.

Lukə 12:56

Ka hu hveelɛ nuą ŋɛ̨i, ka pɛli ka yələ kwəi mɛ̨nįɠaa da lɔi mɛ̨i mɛ̨nįɠaa kaa, ka gɔlɔn. Lə mɛ̨nį ɓa, ka hva pɛli nɔwai ŋɛ̨i hu mɛ̨nįɠaa kpaɠala kaai?»

Lukə 13:15

Jesus ə nwoo pulu pənə yɛ mą: «Ka hu hveelɛ nuą ŋɛ̨i, vįitɔɔ yələ, ka ka wɔ nįŋɛ̨ɠaai da ka wɔ hoohvaalənŋąąi, ka gəlee kulɔ di kwənąn ɉu, kaa li a diɛ əgɛ, di di kpələ kɛlɛ-e?

Lukə 20:46

«Ka ka mɛ̨i kaa dɔ́n galamɔ̨ɔ̨ɠaa mąą mɛ̨nį ɓa, diɛi di liiɓa ɓaa diɛ həɠə kpɛa-kpɛa too di kwaną. Nu ta a kɛi di tuwɔ ɓo kwəli hɛ̨ąi, hvo kɛli a kwɛli hvilɛn diɛ, da lɔ Yálá hvɛli pɛlɛ́ mu, heei lɛlɛɛɠaa ɓə da gwɛli di hee laa. Da di təli kuu ɓa, nu kpɛa-kpɛa hee ɓə da gwɛli.

Lukə 6:24

«Kɛlɛɛ, kpalo ɓɛlaai kaa, kaa yii ka káá a hɛn gɔw nąmįną, mąąhɔlɔɓo, hɛn gəlee kaa ka yəi, ka hvo kɛa tinąą pai mɛ̨inɛ̨ɛ̨ takpɛli hɔlɔɓoi.

Lukə 6:42

A wala kɛ tii, ya pɛli ə́ kɛ ləi nu ɓa: ‹Mə́lan, tɔɔ galai gaa ə́ ɲɛ̨i, ŋį́ gulɔ laa›; akɛ yɛ́ mun, nwulu gbiɛi gaa ə́ ɲɛ̨i, hva gaa? Ə́ woo hveelɛ mun ŋɛ̨i, gbɛa nii nwulu gbiɛi gaa ə́ ɲɛ̨i gulɔ; yili pulu, ya pɛli ə́ ə́ ɓɛlan nwɔ kalai kaa a nɛlɛɛ, ə́ gulɔ.»

Ɉaan 13:29

Ə kɛ nu taɠaa kwəi yii Ɉudasə ɓə kɛi nwali laaikɛ, Jesus kaa kɛi ma: li, ə ɉɛli kɔ̨nɔ̨n da ya, a wala kɛ tii, ə wali tɛɛ mąąwɛli nuą pɔ.

Ɉaan 5:41

«Nwɛ́i vá ɲɛ̨́i pono mɛ̨nį kwɛli nu yəi.

Ɉaan 5:44

Nuą di wɔ mąątɛ̨nɛ̨ ɓə ka gwɛli, ka hvo Yálá nwɛi pɔ. Ka pɛli ka laa pələ kɛ ləi ná?

Ɉaan 7:18

Nui a gbɔwɔ woo ɓo, a gbɔwɔ nwɔ mąąwiɛ kwɛli. Kɛlaa, nui a dímun nwɔ mąąwiɛ kwɛli, tɛ̨ą ɓomun, hva wɛa túwɔ́ ɓo.

Gɛlaɠaa 10:2

Dələnmoɔ kɛ yɛ ɲɔw Yálá ɓa da ɲəi bɛlɛ́n nuą kəlee. Ə kɛli mɛ̨inɛ̨ɛ̨ kɛ Ɉuifəɠaa diɛ, yɛ Yálá hvɛli a yələ kəlee.

Gɛlaɠaa 10:31

Yɛ mą́ą́: ‹Kɔrnɛyɛ! Yálá hvɛlii yá kɛ moi, aa mɛ̨n, mɛ̨inɛ̨ɛ̨i yá kɛ gɛi nuą diɛ, hvo lɛ̨ą li mą.

Gɛlaɠaa 10:4

Kɔrnɛyɛ ə ɲɛ̨i hee mą hįį, ə ɲɔw, yɛ mą: «Ną́mu! Yɛ́ lə?» Malaka yɛ mą: «Yálá hvɛlii yá kɛ moi, yɛ́ kpɔnmąą tɛɛ mąąwɛli nuą pɔi, Yálá aa ɲee hee yili mu, 'hvó lɛ̨ą li yɛ́.

Gɛlaɠaa 11:29

Galan nɛa di di nwun dɔɔ, kpɔnmąą tɛɛ mɛ̨nį ɓa galan nɛa yiiɠaai kɛ Ɉude lɔi hu, di pɔ.

Gɛlaɠaa 24:17

«Gwɛlan damąą kulaa ɉu, ŋą pənə ŋį́ pa nwɔ́ nuąi pɔ a mɛ̨inɛ̨ɛ̨ wali da Yálá kɔ wali.

Gɛlaɠaa 9:36

Laa na nɛ̨ɛ̨nu ta ə kɛ Ɉope daai diɛ kɛ mą: Tabita (mukulaa ɓaa: lómą; akɛ Grɛkə woo hu da kɛ mą: Dɔrkasə) ə kɛli mɛ̨inɛ̨ɛ̨ kɛ yələ kəlee nuą diɛ, yɛ kpɔnmąą tɛɛ yeehvowolo nuą pɔ.

Lomaŋ 12:8

Nui nwɛi ɓaa a nuą hvaŋąlɔ, ə ŋąą wala yili ɓa. Nui nwɛi ɓaa mɛ̨inɛ̨ɛ̨ kɛɛ, ə gɛ, kiliŋąhiɛ takpɛli hvo kɛ mą. Nui nwɛi ɓaa nuą tɛnɛn dɔɔ, ə ɲąąwala mą. Nui nwɔ̨nɔ̨ nwɛi ɓaa kpɔnmąą tɛɛi nuą pɔ, ə yili kɛ a gwəinɛ̨ɛ̨.

Korɛntə dɔlɔɔ 13:3

Ə mą kɛ ŋą́ą́ ɲəi hɛnŋąa kəlee ɲąąkwɛlɛ nuą pulu kaa diɛ, di pɔ, ə mą kɛ, ŋą́ą́ gbɔ́wɔ́ tɛɛ, diɛ gə́lən, akɛ wɛlikɛmąąlaa hvo ɲə́i, vá hɛn da hɔlɔɓo ɉu.

Galatə 2:10

Di kɛ lɔ kuɔ: 'Ká ká kili kɛ yeehvowolo nuą mąą mɛ̨nį hu, yaan yili kpɔ ɓə ŋą́ kɛi gɛ a nɛlɛɛ.

Ifisiɛŋ 4:28

Nui kɛli nwuɔ̨ kɛ, ə kpəla nwuɔ̨ ɓa; yaamun ə tɔɔ a nwąnąi, ə kóló kɛ a tələnmolaa a gbɔwɔ yee, ə hɛn ɉɔlɔɓo, nui kanąn ɉu, ə gulɔ ganąn ɉu.

Tɛsalonikə dɔlɔɔ 2:6

Ɛlɛɛ, ku hvo ku mąątɛ̨nɛ̨i kwɛlii, ə kɛ ká yəi, ə kɛ a nu takpɛli yəi.

Timote dɔlɔɔ 6:18

'Di yee ə kɛ mɛ̨nį lɛlɛɛ kɛɛ ɓa, di yee ə kɛ diɛ hvɛa-hvɛa, diɛ nu takpɛliɠaa kɔ a di yəi hɛn.

Filemɔn 1:7

Gááyɔwɔ, ə́ wɔ wɛlikɛmąąlaa aa gwə́inɛ̨ɛ̨ kpɔ kɛnɛ̨, aa váŋąlɔ. Mąąhɔlɔɓo, ə́ yee hee mɛ̨nį nu mąąhəɠɛɛɠaa, a di liilaa yɛ di hvaŋąlɔ.

Hebreu 13:16

'Ká gu hvo lɛ̨ą mɛ̨nį lɛlɛɛ kɛɛ ɓa, ɛlɛɛ, guɔ kpɔnmąą tɛɛ gbɔn ɉu lonnii pɔ, mąąhɔlɔɓo, ɉaláá hɛn taaləi tii ɓə a Yálá liihon.

Piɛrə dɔlɔɔ 4:11

Nu ta a kɛli pələ ɓo, ə kɛ a Yálá laa woo laa həli mɛ̨nį; nu ta a kɛli ə́ wɔɔ mąątíi kɛ, gɛ a hvaŋąi Yálá a dɛɛ bɔ, ya ɓə a gɛ, Jesus Kristə háálai, Yálá ə mąąwiɛ laa hɔlɔɓo kpɔ a neelee, yai, mąąwiɛ laa, hee mɛ̨i laa kaa a nwɔɔ a yələ kəlee mɛ̨nį. Yálá ə kɛ ti!

Samuɛlə dɔlɔɔ 15:30

Saulə yɛ mą: «Ŋą́ą́ nɛ̨ŋɛ̨n ɉəɠə, yiihu, gáá nɛ̨ɛ̨mąą hvəi yɛ́, gɛ́ ə́ hvaa mą, ə́ mą́ą́wiɛ nwɔ́ nuą da Israɛlə nuą di ɲɛ̨i ɓa. Pa gwə li, ŋą́ pɛlɛ Yai-Laa ə́ wɔ Yálái kɔ́wɔ mu.»