Maafîu 5:17 - Yálá laawoo hɛɓɛ (dc)

¹⁷ «Ka hvo ka kiliŋąhiɛ kaa kɛ diɛ, ŋį́ pa Moisə nwɔ tɔ́n da Yálá kwəi mɛ̨nį hukulɔ nuą hvaa woo həɠəi mą; kpaa-o! Və́ pa li yili mɛ̨nį ɓa. Kɛlaa, ŋį́ pa, ə gɛ, ɉą́ yiliɠaai kəlee pɔ mɛ̨nį kɛ, ŋą naa kulɔ.

Yálá laawoo hɛɓɛ

¹⁷ «Ka hvo ka kiliŋąhiɛ kaa kɛ diɛ, ŋį́ pa Moisə nwɔ tɔ́n da Yálá kwəi mɛ̨nį hukulɔ nuą hvaa woo həɠəi mą; kpaa-o! Və́ pa li yili mɛ̨nį ɓa. Kɛlaa, ŋį́ pa, ə gɛ, ɉą́ yiliɠaai kəlee pɔ mɛ̨nį kɛ, ŋą naa kulɔ.

Bible

¹⁷ “Káfe kákili ŋá sía a gɛɛ ŋá pà Mose ŋɔtɔ̂ŋ kara mɛni ma, kpaa máŋ Ɣâla ŋɔlóno-kɛ-ƃelai. Fé pá ní a gɛɛ ŋa díkara. Kɛ́lɛ, ŋá pà a gɛɛ ŋá díŋa-see kɛ́.

Maafîu 5:17 Iomraidhean Croise

Azaya 42:21

Yai-Laa ə hvaa tii mą, mąąhɔlɔɓo, dələnmoɔi, yɛ nwɔ tɔ́n laa tɛ, yɛ ɲɛ̨i pɔ̨nɔ̨.

Maafîu 3:15

Jesus ə nwoo ŋąąpənə, yɛ mą: «'Hváá mą, ə́ mą́ą́waa. Hvó gaai, bələ ɓə mąąnɛ̨ɛ̨ gu Yálá liiɓa mɛ̨nį ɲɛ̨i kulɔ la.» Ɉaan ə hvaa mą ə mąąwaa.

Maafîu 7:12

«Mɛ̨nįi ə́ kaa bɔ nuą di gɛ yɛ́, mąąnɛ̨ɛ̨ ə́ yili ɲɔ̨nwɔ̨mą gɛ diɛ. Yili ɓə gaa Yálá laawoo hu, yii Moisə ə bɛ̨ɛ̨ da Yálá kwəi mɛ̨nį hukulɔ nuą.»

Lukə 16:17

«Yələkɔlɔn da lɔi da pɛli tɛɛi kpɔ a viikpɛɛ, kɛlaa, dɔ́n ɉɛɓɛ́ gɔw logolo tɔ̨nɔ̨ kpɛli hva ɉəɠə mą.

Ɉaan 8:5

Yaan, Moisə nwɔ tɔ́n hu, ə mo guɔ yɛ: nɛ̨ɛ̨nu taa ləi ŋɛ̨i, mąąnɛ̨ɛ̨ ku ɉɔɔ a kwɛni ə haa. Ə kaa kɛi lə?»

Gɛlaɠaa 18:13

Diɛ kɛ diɛ: «Ɉulɔnui ŋɛ̨i, kaa nuą ɲąątɔɔi a kwɛli hvilɛn bələ Yálá ɓa huwu takpɛli ɓa, yii hvo a ku yíí pələ.»

Gɛlaɠaa 21:28

Di kɛi tomą diɛ kɛ mą: «Israɛlə nuą, ka lɛɠɛ kuɔ! Nui ŋɛ̨i aa kɔ́ pɛlɛ gu huwu ɓa, aa bɛlɛ dɔn ɉɛɓɛ́ ɓa, da Gɛɛnąą mąąhəɠɛɛ ŋɛ̨i, a nwɔ kalan a kɛ lia gɛ nu kəlee ɓa, kɛɛnąą kəlee. Aa tɔɔ kpɔ hɔlɔɔmun Grɛkəɠaa tɔwɔ, yɛ lɔ a diɛ Yálá hee pɛlɛ́ mu, ɛlɛɛ, yɛ gɛɛnąą ŋɛ̨i kɔ́hɔɓo la.»

Gɛlaɠaa 6:13

Di liɛ, di lɛɛ hvaa tamąą ɓo a Etiɛnə laa di kɛ mą: Nui ŋɛ̨i ka káá gaai, hvo ta kpəla li woo ɲɔ̨n moɔ ɓa a guɔ Yálá hee pɛlɛ́i laa da Moisə nwɔ tɔ́n laa.

Lomaŋ 10:4

Mąąhɔlɔɓo, Kristə ɓə a dɔ́n gbɛlai, əgɛ, nuąi da laa na, di tələnmolaa hɔlɔɓo.

Lomaŋ 3:31

Akɛti laa na laa mąą mɛ̨nį ɓa, gwa pɛli moɔ ɓɛlɛ kpɛɛi dɔ́n mą? Gɛ́ diɛ: Kpaa-o! Yaamun, laa na laa ɓə a dɔ́n mɛlɛ leelee kɛ mą.

Lomaŋ 8:4

Ə gɛ, dələnmolaa kɛ pələi dɔn ə nɛ, bɔ mɛ̨nį ə kɛ gu hu guɔi gu hvo kɛa yɛnɛ̨ɛ̨ kɛi yɛ bələi nu kiliŋąhiɛ kaa la. Kɛlaa, guɔ gɛ yɛ bələi Kili-Mąąhəɠɛɛ kaa la bɔ.