Maafîu 4:5 - Yálá laawoo hɛɓɛ (dc)

⁵ Yili pulu nąnį ə ɉəɠə, ə li la Ɉerusalɛmə, daa mąąɠəɠɛɛ hu, ə dɛ, ə dɔɔ Yálá hee pɛlɛ́ kɛnɛ̨i tona,

Yálá laawoo hɛɓɛ

⁵ Yili pulu nąnį ə ɉəɠə, ə li la Ɉerusalɛmə, daa mąąɠəɠɛɛ hu, ə dɛ, ə dɔɔ Yálá hee pɛlɛ́ kɛnɛ̨i tona,

Bible

⁵ Nya ƃe Dɛ̂ƃele è lì la daa kɛ́tɛ maa waai su é zee Ŋ̀âla-pɛrɛ Kɛ́tɛi tôŋ su,

Maafîu 4:5 Iomraidhean Croise

Kɔlɔnikɔ Veerɛi 3:4

Bɛlɛ́ hvaɠan kɛ ɲɛ̨i tɔwɔ pələ gwɛa yee ə kɛ lɔ yɛ bələi bɛlɛ ɲąą kɛnɛ̨ pələ kaa la a yee laa mą pow hveelɛ, dɔɔɉu yɛ ɓo a yee laa mą pow hveelɛ. Ə hɛni hu waa hiɛ ɉu pələ.

Nehemi 11:1

Nɔi ɲąąwooɓo nuą di kɛ heeni Ɉerusalɛmə. Nɔi lonnii di gɔ́ a kpɛɛ, di nu tɔ̨nɔ̨ həɠə nu pow lɔwai, yili yɛ pa heei Ɉerusalɛmə daa mąąhəɠɛɛ hu, mɛ̨inąąn dakpɛliɠaai tii di lɛɛ daaɠaa hu.

Nehemi 11:18

Levi huwuhu nuąi kpɔ kɛ daa kɛnɛ̨ hu, di kɛ a nu nwun veelɛ nu pow mɛ̨ihaaɓa kɔ́w nąąn (284).

Azaya 48:2

Ya pa, da kɛ kɛi kaa: «Daa mąąhəɠɛɛ hu nuą», kaa ka kilitɔɔ Israɛlə nwɔ Yálái ɓa, yai naa ɓaa; Yai-Laa Mɛ̨nį Kəlee ŋą Hééɓomun.

Azaya 52:1

'Ə́ muhəɠə, 'ə́ muhəɠə, ə́ ə́ wɔ huwala walai ɲąątɛ, oo Siɔn, ə́ wɔ mąąwiɛ həɠəɠaai too ə́ kwaną, Ɉerusalɛmə, yɛ́i ə́ kaa a mąąhəɠə taa; mąąhɔlɔɓo, ə həɠə háákələi ɓa, kɛ́nɛ̨ kpoloa da nui mąą hvo həɠə li di hva kɛa lɔ ə́ pɔɔli.

Danîa 9:16

Ną́mu Yálá, pənə ə́ ə́ wɔ mɛ̨inɛ̨ɛ̨ hu nwun, ə́ ə́ wɔ líiɲąnwąną ɲɛ̨i həɠə Ɉerusalɛmə taa ɓa, yii gaa a ə́ wɔ taalee da ɲee ŋɛ̨i ya kɛi kulɔi maə́ wɔ nu huwui ɓa pɔ̨nɔ̨ŋa. Kuwɔ túwɔ́ pələ ɲɔ̨n mąą mɛ̨nį ɓa, da ku kalaɓɔlɔni kɛ nɛ̨ŋɛ̨nŋaa mąą mɛ̨nį ɓa, ku kwɛlɛ lɔiɠaa kəlee da Ɉerusalɛmə taa lalan da ə́ wɔ nu huwuɠaai.

Danîa 9:24

Daa mąąhəɠɛɛi ŋɛ̨i, da ə́ wɔ nuąi, mɛ̨nį ta aa ɓo di laa mɛ̨i, yii gaa pai həli diɛ lɔwai pow mɛ̨ihveelɛ heei kwɛlan mɛ̨ihveelɛ yee mu. Nąąlɔwai kaa a lɔwai yii viɛlaɓoɔ, ə gɛ, di kulɔ nwoo mu laa kpɛɛ, nąąlɔwai ɓə di mɛ̨nį ɲɔ̨n gbɛɛ la, di di wɔ nɛ̨ŋɛ̨nŋaa mąąhvaalɛɛ, tələnmolaa yii kpɛɛ hvo mą, di gulɔ pɔ̨nɔ̨ ŋą, hįi kaaɠaa da mɛ̨nįi Yálá kwəi mɛ̨nį hukulɔ mun ə mo naa ə hon. Ɛlɛɛ, nui mąąhəɠɛɛ nu mąąhəɠɛɛɠaa diɛ, di mąątí.

Maafîu 27:53

diɛ kulɔ di kámą hu. Jesus nwunŋąą ə kulɔ gámąi, Yálá nwɔ nu mąąɠəɠɛɛɠaa tamąą tii di tɛ Ɉerusalɛmə Yálá nwɔ taai hu, nu tamąą di di kaa.

Lukə 4:9

Yili pulu, ɓilihi ə ɉəɠə ə li la Ɉerusalɛmə, Ɉuifəɠaa di wɔ Yálá hee pɛ́lɛ́i tonna, yɛ mą: «Akɛ Yálá Lon ɉulɔnu ɓaa a yɛ́, teen, ə́ hvilɛn nɔi ɓa;

Ɉaan 19:11

Jesus ə́ nwoo pulu pənə yɛ mą: «Hvá pɛli kɛ mɛ̨nį lɔpee ta kɛi a ɲą́ą́, akɛ hvo həli li həɠə yələi. Yili ɓə gaa mą, nui nɔ́wɔ́ tɔɔ yɛ́, nwɔ nɛ̨ŋɛ̨n kɛnɛ̨i ə́ nwɛi ɓa.»

M̀ɛni-lɛɛi 11:2

Kɛlaa, Yálá hee pɛlɛ́ gwəli hąą kɛnɛ̨i tii, nɛɛ laa, 'hvó nąą kɔɔn, mąąhɔlɔɓo, daa nąą kwɛlɛ huwu takpɛliɠaa pɔ, diɛ pa hiɛ daa mąąhəɠɛɛ mɛ̨i, ə lɛɛ ɉu, ɲąnįn bow-nąąn-kɔw-hveelɛ yee mu.