Maafîu 4:13 - Yálá laawoo hɛɓɛ (dc)

¹³ Hvo lɛɛ Nazarɛtə daai; kɛlaa, ə li ə hee Kafarnaumə daai, taa yii kɛ Galile bówa kwɛlɛ. Ɓɛi kɛ a Zabulɔn nu huwu da Nɛftali huwuhu nuą di wɔ lɔi.

Yálá laawoo hɛɓɛ

¹³ Hvo lɛɛ Nazarɛtə daai; kɛlaa, ə li ə hee Kafarnaumə daai, taa yii kɛ Galile bówa kwɛlɛ. Ɓɛi kɛ a Zabulɔn nu huwu da Nɛftali huwuhu nuą di wɔ lɔi.

Bible

¹³ È kula Nâzarɛi, é pá é see Kapɔ̂nia yuo-loŋ kɔlɛ, Zɛbulɔŋ da Nɛfɛtɛli-kpiniŋ su,

Maafîu 4:13 Iomraidhean Croise

Maafîu 11:23

Kafarnaumə taa yɛ́ kpɛli, gaa ə́ kwəi di kaa pai ə́ tɛnɛ̨i mɔ̨ɔ̨, di ə́ tɛ yələi? Kpaa-o! Di kaa pai ə́ ɲɛ̨i hvalai ə́ yɛɛ ŋąmuą taa. Mąąhɔlɔɓo, gbalo mɛ̨nįɠaai kɛ ə́ hu, akɛ tii kɛ Sodomə, yɛ mą gaa ni yɛnɛ̨ɛ̨ yiihu.

Maafîu 17:24

Jesus da nwɔ kalan nɛai dəli Kafarnaumə daai. Di wɔ kalan bɛlɛi mu, nįįhɔ̨nwɔ̨ kulɔ nuą di lɛɠɛ Piɛrə ɓa di mąąni kɛ diɛ mą: «Ka kalamɔ̨ɔ̨ a kɛ nįįhɔ̨nwɔ̨ kulɔi Yálá hee pɛlɛ́ mu?»

Maafîu 4:14

Yili ə kɛ tii, ə gɛ, mɛ̨nį Ną́mu kwəi mɛ̨nį hukulɔ mun Esai ə mo, bɔ mɛ̨nį ə kɛ,

Maafîu 4:15

yai ə kɛ mą: «Zabulɔn lɔi da Nɛftali lɔi, diɛi di kaa gboloyá tənən ma, Ɉurdɛn ya pulu. Galile nwɔ lɔi yii hį́i takpɛliɠaa kaa ɉu.

Maafîu 9:1

Jesus ə tɛ gələn ɉu, ə pənə nwɔ̨nɔ̨ ə ɲa teen, ə li bɔ taai.

Markə 1:21

Jesus da nwɔ kalan nɛai də li Kafarnaumə daai, ə kɛ a hvįitɔɔ yələ ta. Jesus ə lɔ di wɔ Yálá hvɛli pɛlɛ́ mu, yɛ nuą mąąkwɛli.

Markə 2:1

Hvóló tamąą tɛɛ pulu, Jesus ə pənə ə pa Kafarnaumə daai, nuą di mɛ̨n diɛ gaa bɛlɛ́n,

Lukə 10:15

Kafarnaumə taa, yaa kpɛli, gaa ə́ kwəi di kaa pai ə́ mąątɛ̨nɛ̨i mɔ̨ɔ̨, di ə́ tɛ yələi? Kpaa-o! Di kaa pai ə́ ɲɛ̨i hvalai, ə́ yɛɛ ŋąmua taa.»

Lukə 4:23

Jesus ə mo diɛ, yɛ diɛ: «A tɛ̨ą, ka káá pai ɉanwon ŋɛ̨i hɔɔi mą́ą́ mɛ̨nį hu, kaa kɛ mą: ‹Yɔwɔtɔlɔ, ə́ kpɔɔ hali kɛ yɛ́ kpinįi.› Ka káá nwɔ̨nɔ̨ pai kɛi mą́ą́: ‹mɛ̨niɠaai ə́ gɛ Kafarnaumə daai, kwaa yiliɠaai kəlee bələ mɛ̨n, yili ɲɔ̨nwɔ̨mąn gɛ tii ə́ kpɔ-kpɔɔ taa ŋɛ̨i hu ɓɛ.›»

Ɉaan 2:12

Yili pulu ə li Kafarnaumə daai, yaa, nee, gaayɔwɔɠaa da nwɔ kalan nɛai. Di hvə hvóló tamąą kɛ laa daai.

Ɉaan 4:46

Jesus ə pənə ə li Kana daai Galile lɔi hu; ɓɛi ə ɲá mąą pənə laa a lɔɔ. Nɔi Nwun nąmu kɛnɛ̨ ta ə kɛ laa, yii non gɔlɔi hvo kɛ pono li, yɛ ɓo Kafarnaumə daai.

Ɉaan 6:17

Di tɛ kələn da hu, diɛ ɲá teen Kafarnaumə daai pələ. Kpini ə kɛi kɛa pɛlɛ, Jesus hvo ni kɛ həli li diɛ.

Ɉaan 6:24

Ɓɛlɔwai nu kpului tii kəlee di gaa la diɛ, Jesus da nwɔ kalan nɛai di hvo laa di lɔwai, di kəlee di tɛ gələnŋąąi tii hu, diɛ li Kafarnaumə daai Jesus kwɛlii.

Ɉaan 6:59

Bələ ɓə Jesus ə nuą mąąkwɛli la Yálá hvɛli pɛlɛ́ mu Kafarnaumə.