Maafîu 4:10 - Yálá laawoo hɛɓɛ (dc)

¹⁰ Jesus ə nwoo ɲąąpənə yɛ mą: «Ɓilihi həɠə búlú! Mąąhɔlɔɓo, bɛ̨ɛ̨i Yálá laawoo hɛɓɛ́ hu, diɛ mą: ‹Kwɛli hvilɛn ə́ Ną́mu Yálá yaa kɔ́w tɔ̨nɔ̨ gbən ɓa, ə́ mąąwiɛ tɛɛ bɔ.›»

Yálá laawoo hɛɓɛ

¹⁰ Jesus ə nwoo ɲąąpənə yɛ mą: «Ɓilihi həɠə búlú! Mąąhɔlɔɓo, bɛ̨ɛ̨i Yálá laawoo hɛɓɛ́ hu, diɛ mą: ‹Kwɛli hvilɛn ə́ Ną́mu Yálá yaa kɔ́w tɔ̨nɔ̨ gbən ɓa, ə́ mąąwiɛ tɛɛ bɔ.›»

Bible

¹⁰ Nya ƃe Zîsɛ è mò Dɛ̂ƃele ma, ǹyɛɛi, “Siɣe ŋ́gɔlɛ, Sêtɔŋ! Kpɛ́ni fêi, bɔ̃yɛɛ̂i, ‘Ínuu-namui Ɣâla fɛli, í tíi kɛ́ nɔ́ mì ǹyaa tɔnɔ.’ ”

Maafîu 4:10 Iomraidhean Croise

Kɔlɔnikɔ Maa-ŋuŋ 21:1

Ɓilihi ə pɛlɛ Israɛlə ɓa, ə Davidə ɲąątɛ, yili ə Israɛlə nuą lonon.

Zôo 1:12

Gɛɛ ti, Yai-Laa yɛ ɓilihi ɓa: «Yá pɛli yili kɛi, yá pɛli ɲəi hɛnŋąą kəlee həɠəi. Kɛlaa, hvo lɛɠɛ gbinį ɓa.» Gɛɛ ti ɓilihi ə həɠə laa yɛ li.

Zôo 1:6

Yələ ta, malakaɠaa di kɛi li Yai-Laa lííla, ɓilihi yaa kpɛli ə lɛɛ di lɔwai, di pa.

Zôo 2:1

Ə kɛ a hvóló ta, malakaɠaa di kɛi li Yai-Laa lííla. Ɓilihi ə lɛɛ di lɔwai, ə lɔ.

Mąątɛ̨nɛ̨ 109:6

Diɛ kɛ diɛ: Ka gu nu ɲɔ̨nwɔ̨ɔ̨ ta kwɛli tai, nu ta ə tɔɔ tai mamįiyee hu pələ, yɛ ɉɔn mo.

Lɛɛ gbɔwɔ ɓa 23:25

Yai-Laa ka wɔ Yálái ɓə ka káá pai kɛi kwɛli hvilɛn ɉii mą, ka gɛ tii, gáá pai lúwɔ́ tooi ka kɔ̨nɔ̨n ma, da ka wɔ yáɠaai diɛ, gɛ́ ɲɔ̨n mąą kwɛa kaa.

Azaya 30:22

Mąą nįnįn ɉaɠaaɠaai da kɛ nwali ya pui diɛ, da yiiɠaai kwɛli yɔw nuą da bu, diɛ ɉɛni-yá pu diɛ, mąąnɛ̨ɛ̨ ka gəlee kaa a hɛn mąąliɓiɛɠaa, ka di pili, yɛ bələi da hɛn ɲɔ̨nwɔ̨ɔ̨ pili la ɛlɛɛ, yɛ́ diɛ: 'Ka kulɔ ɓɛ!

Maafîu 16:23

Kɛlaa, Jesus ə tinɛ̨n, yɛ Piɛrə ɓa: «Ə́ mąą kwɛa mą́ą́ ɓilihi! Ə́ kaa a kɔ́wɔ tuwɔ kwɛni nwɔ́ pələi mɛ̨i. Mąąhɔlɔɓo, ə́ wɔ kiliŋąhiɛ hvo yɛ Yálá nwɛi, kɛlaa, gaa a nu kiliŋąhiɛ.»

Markə 1:13

Ə hvóló pow nąąn gɛ nɔi pun ɉu, ɓilihi yɛ ɲąąhɛŋįn. Ə kɛ lɔ laa nɔwɔ huwɔɠaa lɔwai. Malakaɠaa diɛ mąąkpɛ.

Lukə 10:18

Jesus ə di woo pulu pənə yɛ diɛ: «Ŋą́ kɛi ɓilihi kaa yɛ həɠə yələi yɛ too yɛ yələgbąnąą.»

Lukə 11:18

Akɛ, ɓilihi a kɛi kɔ́ pɛlɛ gbɔwɔ ɓa, nwɔɔ tɔɔlaai a lamun bələ kɛ ləi ɉu? Hvó gaai, ka káá kɛi diɛ, gáá ɲį́nɛ̨nŋąą kpɛi, mąąhɔlɔɓo, ɲį́nɛ̨n nwun nąmu Beɛlzebulə ɓə ɉuwalawala tɛɛ bɔ́.

Lukə 13:16

Nɛ̨ɛ̨nui ŋɛ̨i, gaa a Abrahamə huwu ta, yai ɓilihi aa ɲɔ̨n bɛlɛ mą, aa kɛ a kwɛlan bow kɔ́w mɛ̨ihaaɓa; a kɛ tii, mąą hvo nɛ̨ɛ̨li mɔ̨ɔ̨ ŋą gɔlɔi pono a vįitɔɔ yələ?»

Lukə 22:3

Ya ɓə, ɓilihi ə lɔ Ɉudasə Iskariɔtə mun hu, yai kɛ Jesus nwɔ kalan nɛa pɔw kɔ́w hveelɛi dɔ̨nɔ̨,

Lukə 22:31

Gu Nąmu yɛ diɛ: «Simɔn! Simɔn! Ɓilihi aa ka hu hvɛli, əgɛ, ə ka hiɠi-hiɠiɓo yɛ bələi da mɔ̨nun vɛɛ la.

Lukə 4:8

Jesus ə nwoo pulu pənə yɛ mą: «Bɛɛn Yálá laawoo hɛɓɛ́ hu yɛ mą: ‹Kwɛli hvilɛn Ną́mu Yálá yaa tɔ̨nɔ̨ ma. Ə́ tiɓo kɛ mą.›»

Ɉaan 13:27

Ɓɛlɔwai tii Jesus ə nɛɠɛ kpuɔ tɛɛ la Ɉudasə pɔ, nąąlɔwai kpɔlɔ ɓə ɓilihi ə lɔ la Ɉudasə hu. Jesus yɛ Ɉudasə ɓa: «Mɛ̨nįi yɛ́i gɛ, gɛ ɉa-ɉa.»

Gɛlaɠaa 26:18

Yɛ́ di ɲɛ̨i hvoloon, yɛ́ di kulɔ kpinį hu, yɛ́ pa a diɛ kɛɛ pono hu, yɛ́ di kulɔ ɓilihi nwɔ huwalawala yəi, yɛ́ pa a diɛ Yálá pɔ, akɛ tii, da mą́ą́ mɛ̨nį kaa a tɛ̨ą, di nwɔ nɛ̨ŋɛ̨nŋaa mąąhvaa ə lɛɛ; ɛlɛɛ, diɛ di wɔɔ hɔlɔɓo mąąhəɠə nuą kwɛlin ɉu.›»

Gɛlaɠaa 5:3

Kɛlaa, Piɛrə ə mo ɉulɔnui ti ɓa, yɛ mą: «Ananiasə, lə ɓə kɛ yai ɓilihi aa lɔ kpɔ ti ə́ lii hu kɛnɛ̨, yɛ́ lɛɛ kɛ Kili-Mąąhəɠɛɛ ɓa? Yɛ́ nɔi hɔ̨nwɔ̨ ta lɛɛ ə́ yee pulu.

Korɛntə dɔlɔɔ 5:5

Yili ɓa, gu nu taaləi tii, tɛɛ ɓilihi pɔ, gɔlɔ hu kala mɛ̨nį ɓa, nįį yɛ pɛli ɓaloi a gu Ną́mu nwɔ hvólói.

Korɛntə dɔlɔɔ 7:5

'Ká hvo lənə ka kee ɓa, hvo kɛli ə kɛ a ka nu hveelɛi ka laa mąą woo, kaa gɛ tii Yálá hvɛli mɛ̨nį ɓa. Yili pulu, ka pənə ka ɉilɛtaai yíi ɓo yɛ bələi mąąnɛ̨ɛ̨ la, a wala kɛ tii ka wala pɛli ka kpɔwɔ hu hon ɉii, ka too ɓilihi ŋą ɲąąhɛn hu.

Korɛntə veelɛ 11:14

Yili hva nu ta kwəi pili, mąąhɔlɔɓo, ɓilihi yaa gbɛlimąn, a kpɔwɔ kɛ yɛ kɛɛ pono malaka.

Korɛntə veelɛ 12:7

Mąąhɔlɔɓo, mɛ̨nįɠaa tii di nɛ mą́ą́, ɉu kɛnɛ̨ pələ, bələ di tɛɛ la və́ pa nəi gbɔ́wɔ́ ɲąą kɛnɛ̨, di hɛn da lɔ gɔ́lɔ hu, di ɓilihi ŋą malaka ta tí, ə gɛ́lɛ, və́ pa nəi gbɔ́wɔ́ ɲąą kɛnɛ̨ a pələi lɔpee.

Korɛntə veelɛ 2:11

Mąą hvo nɛ̨ɛ̨li, gu hvo gu kpɔwɔ lɛɛ laa ɓilihi hvo gu ɓowo, hvo gaai, gwəi kiliɠaa di hvo loo li guɔ.

Dutɛrɔnome 10:20

Yai-Laa ka wɔ Yálái ɓə mąąnɛ̨ɛ̨ ka ɲɔw mą, kaa tí mą, ya ɓə ka ka kwɛla a naa.

Zĩi 4:7

Ká ká kpɔwɔ mąąyɛɛ kani Yálá yee mu, ká tɔɔ nąnį la a ká hvaŋą, a pu, ə mąą kwɛaa káá.

Zasua 24:14

Ɉosue yɛ diɛ: «Ə həli kɛa kaa! Ka ɲɔw Yai-Laa ɓa, ka tí mą a ka kwəi kwɛlɛɛ, ka lɛɛ nwoo mu. Ɉaliɠaai ka nąnni di kɛi mąąwiɛ Efratə yá pulu pələ, da Eziptə lɔi hu, ka di kulɔ ka lɔwai, ɛlɛɛ, ka tí Yai-Laa ɓa.

Piɛrə dɔlɔɔ 5:9

'Ká tɔɔ na laa na laa hu, ká kili ə pu ɉu káá, bələ lɔ ɓə ká kaayɔɠaa kaa mɔ̨nɔ̨ mįi la yɛnɛ̨ɛ̨ nąą kəlee.

Samuɛlə dɔlɔɔ 7:3

Samuɛlə yɛ Israɛlə nuą diɛ: «Akɛ ka káá pai Yai-Laa pɔ a ka lii kəlee, ka ká yee kulɔ ɉaliɠaa tii hu, ka gulɔ ka lɔwai, da ɉaliɠaa ŋɛ̨i a Astarteɠaa; ka ká kilitɔɔ Yai-La ɓa, ka kóló kɛ mą yaa tɔ̨nɔ̨, gaa ka kulɔi Filisti nuą yəi.»