Maafîu 3:12 - Yálá laawoo hɛɓɛ (dc)

¹² Nwɔ laɠai kaa ɲəi, yɛ pa nwɔ mɔ̨nun mąąhvɛɛila. Ə mɔ̨nun gɔw pu ɲəi gələi, ə gala kpɔn gee ɓa, nwɔ̨n ɲii hva liin ə doo ɉu.»

Yálá laawoo hɛɓɛ

¹² Nwɔ laɠai kaa ɲəi, yɛ pa nwɔ mɔ̨nun mąąhvɛɛila. Ə mɔ̨nun gɔw pu ɲəi gələi, ə gala kpɔn gee ɓa, nwɔ̨n ɲii hva liin ə doo ɉu.»

Bible

¹² Ŋɔlâai káa ǹyêei a gɛ́ɛ é ŋɔmɔlɔŋ tánîi kɔ̀ɔ é vɛ́ɛ a gɛ́ɛ é dɛ́ ŋɔkêrei su. Kɛ́lɛ, a pâi mɔlɔŋ-kalai kérenîi a ŋɔŋ nyíi va wɔlɔ niîŋ.”

Maafîu 3:12 Iomraidhean Croise

Zôo 21:18

Ya pa, da kɛ kɛi diɛ: «Di kaa yɛ kala kpala yii hvaŋą a ɉəɠə, yɛ mɔ̨nun galai hvaŋą a ɉu taɠa.»

Mąątɛ̨nɛ̨ 1:4

Nu ɲɔ̨nwɔ̨ɔ̨ɠaa di wɛi hva kɛ tii, di kaa yɛ mɔ̨nun gala, yai hvaŋą a li la.

Mąątɛ̨nɛ̨ 35:5

Di kɛ yɛ mɔ̨nun gala, hvaŋą yəi, a ɓɛlɔwai Yálá nwɔ malakai a hee la di hu.

Azaya 1:31

Huwalawala mun a kɛ yɛ mɔ̨nun gban, gɛ mɛ̨nįɠaa di kɛ yɛ nwɔ̨n gbaalən, gəlee hveelɛi da kələn, nu hva hɔlɔɓo, hvo nwɔ̨n nuwun.

Azaya 17:13

Lɔiɠaa diɛ gɛ lɔ ɉuwu ɉuwu yɛ ya hvɛɛ. Yálá a tómą di mɛ̨i, diɛ pu diɛ li kwɛa la, da di kpɛ, yɛ yee hu hvaŋą a hee mɔ̨nun gala hu, diɛ li yɛ tulɔ hvaŋą a hee laakpala hu yɛ li la.

Azaya 27:4

Níi hvo kɛa holi li; ŋą́ ɲąąlən gaa laa, da kala kpili, ŋą́ą́ mą yili diɛ a kɔ́, gɛ́ gəlee kələn.

Azaya 28:28

Da mɔ̨ɔ̨ kpai lɛɛ gbaɠa ɓa diɛ ɉiɠɛ? Kpaa-o! Da gbɛa nwɔlɔ mą a di yee, yili pulu, diɛ ɉiɠɛ.

Azaya 30:24

Nįŋɛ̨ɠaa da ɉoo hvaalənŋąąi pai kɛi kóló kɛi ka yəi ɲɛa ka káá pai kɛi kpolo kɛi di laa mįi kala ɓa, kaa ɉu hiɛ di lííla a wulukpiɛn.

Azaya 41:16

ə́ kaa pai di hvɛɛi, hvaŋą yɛ li a diɛ, tulɔ hvaŋą yɛ di taɠa taɠa. Ə́ wɛi, ə́ kaa pai kɛi kwəinɛ̨ɛ̨ hu, Yai-Laa laa hu, ə́ hvaŋą kaa pai lɔi, Israɛlə nwɔ Mąąhəɠəmun haalai.

Azaya 5:24

A kɛ tii, bələi lɔ nwɔ̨n a dɛ̨ɛ̨ kələn na, bələi lɔ mɔ̨nun gbowo a kələn na nwɔ̨n nən ɉu, bələ ɓə di hamu kaa pai luwun ɉii la; da ɓɔn, hvaŋą yɛ li a di ɓɔn, mąąhɔlɔɓo, daa Yai-Laa Mɛ̨nį Kəlee ŋą Hééɓomun nwɔ mąąkwɛli wooi pili, daa tɛɠɛɓo Israɛlə nwɔ Mąąhəɠəmun nwoo hu.

Azaya 66:24

Nuąi daa di kwɛli tee ɲə́i, di powa kaa pai kɛi puuni, nuą da kulɔ, diɛ di kaa. Di mįi kóló hvo pai haai, di kələn nwɔ̨n va luwun di kaa pai kɛi a nu huwu kəlee mąą ɲɔw hɛn.

Ɉeremi 15:7

Ŋą́ laɠa həɠə daaɠaa hu, nɔi, gɛ́ di hu taɠa taɠa la. Ŋą́ą́ nwɔ́ nuąi kwəi kpala, ŋą́ą́ di lɛɛ a lon nwɛli. Kɛlaa ə mą kɛ tii, di hvo di túwɔ́ pələ mąą hvalin ni.

Ɉeremi 17:27

Kɛlaa, ka wala ka wəli tɔɔ nwóó ɓa, ká hvo vįitɔɔ hvóló mąąhəɠə, kaa tiɛ̨ həɠə, káá tɛɛ la Ɉerusalɛmə gbonŋaa laaləi a vįitɔɔ yələ, ká hvo kpəla li yili ɓa, yili nwɛi, nwɔ̨n mə ŋą́ doo gbonŋaa ŋɛ̨i ɓa, yɛ Ɉerusalɛmə pɛlɛ́ lɛlɛɛɠaa kələn, ɛlɛɛ, nwɔ̨n va luwun.

Ɉeremi 4:11

Maa hvólói tii, di kaa pai kɛi nuą ŋɛ̨i da Ɉerusalɛmə diɛ: «Hvaŋą kələnŋąą kaa bələ ɓa yɛ pa nwɔ́ nuąi pɔ, yɛ həɠə nɔi pun ɉu pələ. Hvó ɓaa hvaŋą holɛɛ yii da mɔ̨nun vɛɛ la.

Ɉeremi 51:2

Gáá nwɛ̨ąą tíi mą, diɛ ɉutaɠa-taɠa, diɛ nwɔ lɔi lɛɛ a gboloon, nwɛ̨ąą tii kaa pai kulɔi pələ kəlee, diɛ wolo mą, a mɛ̨nį ɲąąnwąnąą yələ.

Ɉeremi 7:20

Yili ɓə gaa mą, Yai-Laa yɛ diɛ: Nwɔ́ liiholi, nwɔ́ liikələn gwəi, kaa pai ɓɛlai daa ŋɛ́i mɛ̨i, da ɉu nu kanŋaa, ə mą kɛ, ɉu taatɛlɛɛɠaa, ɛlɛɛ, di wɔ yɛa kɔ́ɔɠaa hu, a ɓɛla ɉiwuluɠaa mɛ̨i da di ɓaɠaa. A kɛ a nwɔ̨n yii hva luwun.

Osia 13:3

Yili mąą mɛ̨nį ɓa, di kaa pai kɛi yɛ luwuluwui a pu yələ wala pɔ; yɛ yələ wala pɔ nɛ̨nɲá, yai hva lamun laakpala ɲą; yɛ mɔ̨nun gala, mɔ̨nun vɛɛi lɔwai, yɛ nwɔ̨n nului a kulɔ pɛlɛ kɔ́m ma.

Amɔsə 9:9

Yiihu, gáá nuą tii, gɛ́ diɛ: Di Israɛlə huwu-huwu ɓo, huwu takpɛliɠaa lɔwai, Di di hu kpɛ, yɛ pələi da hɛnŋąą kpaŋąn na, nɛlɛɛ tɔ̨nɔ̨ kpɛli hva pili, gala yɛ kulɔ ɉu.

Maafîu 13:30

Yili ɓa, ka nɛɛ lɔ tii ə lɛɛ la Ɉu deei lɔwai ə ɉəli. Deei lɔwai, ŋą mo nuą diɛ, gɛ́ diɛ: «Ka gala ɲɔ̨nwɔ̨ɔ̨ɠaa kulɔ tɔlɔɔ ɉu, ka ɲili a dee, ka bɛlɛ gee ɓa, ka nwɔ̨n doo ɉu. Yili pulu, ka nwɔ́ hihɛn gɔwi pu ɲə́i gələi.»›»

Maafîu 13:41

Nu Lon kaa pai Yálá nwɔ malakaɠaa tɛɛi, əgɛ, nuą yiiɠaai da kɛ di ɓɛlaa ɓowoi, diɛ di həɠə Yálá kɔ́lɔn bələ mɛ̨i, da di kulɔ nwɔ tɔɔlaai hu.

Maafîu 13:42

Di di pili nwɔ̨n ɉu, ɓɛi wɔlɔ da ɲį́n ɲą mį́į́ tin di kaa laa.

Maafîu 13:43

Kɛlaa, yiiɠaai da Yálá woo hon, da kɛ lən ɉi yɛ, hvóló di Ną́n Yálá nwɔ tɔɔlaai hu. Yili ɓa, nui nwəli kaa mą ə mɛ̨n!»

Lukə 3:16

Ɉaan ə mo nuą tii kəlee diɛ, yɛ diɛ: «Nwɛ́i gáá ka mąąwaai yai; kɛlaa, nu ta kaa pai pai, huwalawala kɛnɛ̨ kaa ɲəi dɛɛ mą́ą́, ɲą́ mąą hvo nɛ̨ɛ̨li kpɛli a ŋą kɔ́lɔ laa yili yɛli hvólóon mun. Gaa pai ka mąąwaai a Kili-Mąąhəɠɛɛ da nwɔ̨n.

Lukə 3:17

Nwɔ laɠai kaa ɲei yɛ paa la, gaa pai gɔw da gala di ɓɛlaɓoi, a gɔw pu nwɔ hɛnŋąŋąi hu, ə gala kələn a nwɔ̨n yii hva luwun.»

Ɉaan 15:2

Nwónwoi lɔpee hva ɓa, Ną́n a dee mą́ą́. Yii nwɔ̨nɔ̨ a kɛi ɓai, a naahɔnmo, əgɛ, ə ɓa kɛnɛ̨.