Maafîu 3:11 - Yálá laawoo hɛɓɛ (dc)

¹¹ Nwɛ́i, gáá ka mąąwaai a yá, ə gɛ, di gaa diɛ, kaa ka yii pələ mąąhvalin. Kɛlaa, nu ta kaa búlú yɛ pa, nwɔ huwalawala kɛnɛ̨i dɛɛ mą́ą́. Gaa pai ka mąąwaai a Kili-Mąąhəɠɛɛ, da nwɔ̨n. Ɲą́ą́ mą́ą́ hvo kpɛli nɛ̨ɛ̨li a nwɔ kɔ́lɔi laa hvoloon mun.

Yálá laawoo hɛɓɛ

¹¹ Nwɛ́i, gáá ka mąąwaai a yá, ə gɛ, di gaa diɛ, kaa ka yii pələ mąąhvalin. Kɛlaa, nu ta kaa búlú yɛ pa, nwɔ huwalawala kɛnɛ̨i dɛɛ mą́ą́. Gaa pai ka mąąwaai a Nįį-Mąąhəɠɛɛ, da nwɔ̨n. Ɲą́ą́ mą́ą́ hvo kpɛli nɛ̨ɛ̨li a nwɔ kɔ́lɔi laa hvoloon mun.

Bible

¹¹ “Ŋa kábatâi kɛ̂i a yá lii-pene mɛni ma. Kɛ́lɛ, ǹúui nyíi gáa pâi ḿbôlui ŋɔwala-wala-laai tɛɛ̂i ŋ́ɔ̂i ma. Ḿaa fé nɛ̃ɛ ní a gɛ́ɛ ŋá ŋɔkpâŋ-kpalii siɣei. A pâi kábatâi kɛ̂i a M̀ɔlêŋ Maa Waai da ŋɔŋ.

Maafîu 3:11 Iomraidhean Croise

Azaya 4:4

Ɓɛlɔwai Ną́mu kaa pai nɔ̨nwɔ̨ waai la Siɔn nɛ̨ɛ̨lɛa diɛ, ɲąmąi di bu Ɉerusalɛmə yɛ nwaa a kiti haŋąą da nwɔ̨n.

Azaya 44:3

Mąąhɔlɔɓo, nuąi kpələ wɛli kaa diɛ, gáá pai yálee laai di pɔɔli, gɛ́ yá pɛlɛɛ laa lɔi hu kpalaa hu, gɛ́ nwɔ́ Kilii yɛɛ ə́ huwu mɛ̨i, gɛ́ lúwɔ́ too ə́ lonnii diɛ.

Zakari 13:9

Gáá pai ɉaaɓanąą tii tɛɛ nwɔ̨n ɉu, ŋį́ ɉu waa, yɛ bələi da wali hu waa la, ŋį́ ɉu həɠeen, yɛ bələi da hɛni hu həɠeen na. Gaa pai kɛi vɛ́lii, ɛlɛɛ, ɲą́ą́n, gɛ́ nwoo mu hon. Gáá pai kɛi diɛ: «Nwɔ́ nu huwu li.» Yaan gaa pai kɛi diɛ: «Nwɔ́ Yálá ɓaa a Yai-Laa.»

Maafîu 3:6

Diɛ hvaa di kɛ nɛ̨ŋɛ̨n ma nu kəlee ɲɛ̨i ɓa, Ɉaan yɛ di mąąwaa Ɉurdɛn yá hu.

Markə 1:4

Ɉaan ə li nɔi pun ɉu yɛ nuą mąąwaa, yɛ di kalan, yɛ kɛ diɛ: «Ka kpəla mɛ̨nį ɲɔ̨n mą, ka tinɛ̨n, ka ka túwɔ́ pələ mąąhvalin, di ka mąąwaa, ə gɛ, Yálá ə ka mąąhvaalɛɛ.»

Lukə 1:17

Gaa pai hiɛi Yálá ɲɛ̨i ɓa, Yálá nwɔ huwalawalaa da nwɔ Kilii ŋɛ̨i kɛ gwəi mɛ̨nį hukulɔ mun Eli yəi, a kɛ yaa kpɛli mąn ɲai. Gaa pai lon da gaa mun di yee lɔi gee hu. Yiiɠaai di hva liɛwoo mɛ̨n, ə di liɛwoo ɓo di kɛ a kilimąą nuą. Pələ ɓə gaa pai nuą kɛ pələ pɛli la, əgɛ, di Ną́mu Yálá mąą kpɔn.»

Lukə 3:16

Ɉaan ə mo nuą tii kəlee diɛ, yɛ diɛ: «Nwɛ́i gáá ka mąąwaai yai; kɛlaa, nu ta kaa pai pai, huwalawala kɛnɛ̨ kaa ɲəi dɛɛ mą́ą́, ɲą́ mąą hvo nɛ̨ɛ̨li kpɛli a ŋą kɔ́lɔ laa yili yɛli hvólóon mun. Gaa pai ka mąąwaai a Kili-Mąąhəɠɛɛ da nwɔ̨n.

Lukə 3:3

Ɉaan ə kɛi lia tɛɛ Ɉurdɛn kwɛlɛ taaɠaa hu, yɛ Yálá laawoo laa həli, yɛ kɛ diɛ: «Ka kpəla mɛ̨nį ɲɔ̨n gɛɛ ɓa, ka ka túwɔ́ pələɠaa mąą hvalin, ka pa ŋį́ ka mąąwaa, əgɛ, Yálá ə ka kɛ nɛ̨ŋɛ̨nŋąa mąąhvaalɛɛ.»

Ɉaan 1:15

Nwoo tii ɓə Ɉaan Baptistə ə kɛi mąą kɛla hvaa ɓo yɛ tómą la, yɛ kɛ mą: «Nui ŋɛ̨i ɓə ŋį́ kɛi mąą mɛ̨nį ɓo gɛ́ kɛ diɛ: ‹Gaa búlú yɛ pa, kɛlaa, bɔlɔ-pɔlɔɔi dɛɛ mą́ą́. Mąąhɔlɔɓo, ə wɔlɔ kɛ laa gɛɛ di hvo ɉɔ́lɔ́ɓo.›»

Ɉaan 1:30

Ya ɓə ŋį́ kɛi mąą mɛ̨nį ɓo gɛ́ kɛ diɛ: ‹Nu ta kaa búlú yɛ pa, bɔlɔ-pɔlɔɔi dɛɛ mą́ą́, mąąhɔlɔɓo, ə wɔlɔ kɛ laa.›

Gɛlaɠaa 1:5

Ɉaan ə nuą mąąwaa yái, ɉu hvo kwɛa li, di kaa pai ká mąąwaai a Kili-Mąąhəɠɛɛ.»

Gɛlaɠaa 19:4

Polə ə pənə, yɛ diɛ: «Ɉaan ə kɛli nu hɔn mąą pənə mɛ̨nį ŋą mąąwaa kɛ a yá, yɛ kɛ nuą diɛ, mąąnɛ̨ɛ̨ di laa nui kɛli pa lɛɛi bulu yɛ pa, na, ya ɓaa a Jesus.»

Gɛlaɠaa 8:36

Di kɛɛ kɛa bələ pɔ, di həli kɛɛnąą ta, yálee yɛ ɓo laa, gbɛtɛgbuwului ti yɛ Filipə ɓa: «Yálee ka, lə mɛ̨nį ɓə a pɛli kpɛ̨ąn ɉii mą́ą́waa mɛ̨nį hu?»

Gɛlaɠaa 8:38

Ə mo di nwotolo tɔɔ, di nu hveelɛ di yɛɛ ɲái, Filipə ə gbɛtɛgbuwului mąąwaa.

Korɛntə dɔlɔɔ 12:13

Mąąhɔlɔɓo, di gu kəlee gu mąąwaa Kili-Mąąhəɠɛɛ tɔ̨nɔ̨ hu, ə gɛ, gu kɛ a kɔlɔ tɔ̨nɔ̨, yɛ ə kɛ a Ɉuifə, yɛ ə kɛ a Grɛkə, ə kɛ a luwɔ, ə kɛ a kaalon; yá nwun gulɔi tɔ̨nɔ̨ ɓə gu gu kpələ la, Kili-Mąąhəɠɛɛ tanɔ̨n ɉu.

Ifisiɛŋ 3:8

Ɲą́ą́ ŋɛ̨i a Kristalɛaa kəlee di kpɛlamąą, a kponɉee, kɛlaa, ŋą́ mɛ̨inɛ̨ɛ̨ tii hɔlɔɓo, gɛ́ pɛli Kristə mąą mɛ̨nį kpaɠala kaa laa walaa tii, laa həlii la.

Taitɔ 3:5

ə gu nwun mąąɓo; yili hvo kulɔ li gu wɔɔ tələnmolaa ŋą túwɔ́ pələ lɛlɛ hvan ɉu, kɛlaa ə kulɔ Yálá ŋą nɛ̨ɛ̨laa hvan ɉu, ə gu kaa a lon, ə gu mąąwaa a nįnɛ̨, ə gu pu gu nįnɛ̨ kɔlɔi Kili-Mąąhəɠɛɛ yee kɔnma.

Piɛrə dɔlɔɔ 5:5

Káá kpɛlimąn, a muhəɠə nįnɛ̨ɠaa, 'ká lɛɛ nu pɔlɔ-pɔlɔɠaa woo mu. Ɛlɛɛ, ká kəlee, 'ká ká kpɔwɔ mąąyɛɛ ká lɔwai mɛ̨nįɠaa hu, mąąhɔlɔɓo, «Kpɔwɔ ɲąą kɛnɛ̨mun nwɛli hvo Yálá ɓa, kɛlaa, nuąi da di kpɔwɔ mąą yɛɛ, a nwɔ mɛ̨inɛ̨ɛ̨i kɛ diɛ.»