Maafîu 28:1 - Yálá laawoo hɛɓɛ (dc)

¹ Hvįįtɔɔ yələ tɛɛ, ɉimahi yələ, yələ wala piinɛ̨ɛ̨, Mari Magdala mun da Mari yii tii di humo diɛ pa gámą la kaai.

Yálá laawoo hɛɓɛ

¹ Hvįįtɔɔ yələ tɛɛ, ɉimahi yələ, yələ wala piinɛ̨ɛ̨, Mari Magdala mun da Mari yii tii di humo diɛ pa gámą la kaai.

Bible

¹ Ǹaa pôlu mâ lɔɔkuui kɔ́ɔ-pîlaŋ ɣele-wala-pɛpɛ, nyii kɛ̀ a Vii-tɔɔ-ɣelei pôlu-ma-ɣelei, Mere Madalini da Mere da kpɛ́nii dí pà a gɛɛ dí m̀olôŋ lá káa.

Maafîu 28:1 Iomraidhean Croise

Danîa 6:19

Tɔɔmun ə li ɲəi bɛlɛ́ laaləi, mąą kpinįi tii hu, tɔɔmun və kɔ̨nɔ̨n nɔpee ta mįi, hvo kpɛli hvaa mą nwɔ wɛli Nɛ̨ɛ̨nu ta hvo laa gwɛlɛ, ə lɛɛ, hvo pɛli yii.

Maafîu 27:56

Nɛ̨ąąɠaa tii lɔwai Mari ŋɛ̨i kɛ a Magdala mun ə kɛ laa, ə mą kɛ, Ɉakə da Ɉosɛfə di lee Mari, da Zebede lonnii hinąą hveelɛi di lee, diɛ ɓə kɛ laa.

Maafîu 27:61

Mari Magdala mun da Mari yii tii di kɛ heeni gámą kwɛlɛ.

Lukə 23:56

Nɛa tii di pənə də li di pulu, di wulɔ kun nɛ̨ɛ̨ kɛ pələ pɛli, əgɛ, di bu Jesus powa ɓa. Hvįįtɔɔ yələ, di di hvii tɔɔ yɛ pələi di bɛ̨ɛ̨ la tɔ́n ɉɛɓɛ́ hu.

Lukə 24:1

Ɉimahi ɲələ yələ wala pɔ, nɛ̨ą tii di həɠə diɛ li Jesus kámą la a di wɔ wulɔ kun nɛ̨ɛ̨ɠaa di bɛli.

Lukə 24:22

Kwa nɛ̨ą ŋɛ̨i kɛ gbulu tɔ̨nɔ̨i tii hu, daɠaa daa ku kwəi pili kuɔ. Yələ wala piinɛ̨ɛ̨, di humo kɛ gámą la kpɔ tii a tɛ̨ą.