Maafîu 26:55 - Yálá laawoo hɛɓɛ (dc)

⁵⁵ Yili pulu, Jesus yɛ ɉon nuą diɛ: «Akɛti, ka kɛi pa ɉón ɉii, hvo kɛ li ka pa a gbɔn da ɓɔwa kwɛaaɠaa, yɛ ŋą kɛ a mɛ̨nį ɲɔ̨n gɛmun? Yaan, ŋį́ kɛ lɔ ka pɔ a hvóló kəlee, gɛ́ nuą kalan Yálá hee pɛlɛ́ mu, ka hvo kɛ ɉón ni nąąlɔwai.

Yálá laawoo hɛɓɛ

⁵⁵ Yili pulu, Jesus yɛ ɉon nuą diɛ: «Akɛti, ka kɛi pa ɉón ɉii, hvo kɛ li ka pa a gbɔn da ɓɔwa kwɛaaɠaa, yɛ ŋą kɛ a mɛ̨nį ɲɔ̨n gɛmun? Yaan, ŋį́ kɛ lɔ ka pɔ a hvóló kəlee, gɛ́ nuą kalan Yálá hee pɛlɛ́ mu, ka hvo kɛ ɉón ni nąąlɔwai.

Bible

⁵⁵ Maa-aƃai mâ Zîsɛ è mò gbɔŋ-su-ƃelai dîa, ǹyɛɛi, “Ká pà ḿbɔ yɛ̂ɛ núu a pà ŋuma-nuu pɔ a ƃóa-sɔkpɔ da wúru-gbua a gɛɛ ká ńzoŋ? Ŋá sèe Ŋ̀âla-pɛrɛ Kɛ́tɛi mu ŋ́gɛ Ɣâla-mɛni lɛ a ɣele kélee ǹyaŋ káfe ńzoŋ ni.

Maafîu 26:55 Iomraidhean Croise

Maafîu 21:23

Jesus ə lɔ Yálá hee pɛlɛ́ mu yɛ nuą kalan. Ɉaláá laa həli nwun nąmįną da Ɉuifə hulɔgoloɠaa di lɛɠɛ Jesus ɓa diɛ mą: «Mɛ̨nįɠaa ŋɛ̨i ə́ kaa gɛi, gbɛɛ ɓə mąąlaa tɛɛ ə́ pɔ?»

Maafîu 26:47

Jesus ə lɛɛ lɔ moi tii, nwɔ kalan nɛai dɔ̨nɔ̨ yii da kɛ mą Ɉudasə, dɔɔ nuą ɲɛ̨itɔwɔ diɛ pa. Nu kpului tii kɛ bulu, gbɔn ə kɛ daɠaa yəi, ɓɔwa kwɛaa yɛ ɓo daɠaa yəi. Ɉaláá laa həli nuą kpɛa-kpɛaɠaa da Ɉuifə kalaɉɔnŋąa ɓə nuą tii tɔɔ.

Markə 10:1

Jesus ə həɠə kɛa laa ə li Ɉude lɔi hu. Ə pənə nwɔ̨nɔ̨ ə Ɉurdɛn yá teen ə li bulu pələ. Nu kpulu kɛnɛ̨ ə pənə ə ŋąąkpɔn gwɛlɛ, yɛ di kalan yɛ pələi ə kɛi gɛ la a bɔlɔ.

Markə 12:35

Ɓɛlɔwai Jesus ə kɛi kalan gɛ la Yálá hee pɛlɛ́ mu, ə mąąni kɛi ŋɛ̨i kɛ, yɛ diɛ: «Lə mɛ̨nį ɓa dɔ́n galamɔ̨ɔ̨ɠaa da pɛli moi diɛ kɛ diɛ: ‹Nwun mąąɓomun Yálá ə naakwɛlanmo gaa a Davidə lon?›

Lukə 19:47

Jesus ə kɛi nuą kalan hvóló kəlee Yálá hee pɛlɛ́ mu. Ɉaláá laa həli nuą kpɛa-kpɛaɠaa, tɔ́n galamɔ̨ɔ̨ɠaa da nɔi kalanɉonŋaa di kɛi baa pələ kwɛli.

Lukə 20:1

Hvóló ta, Jesus ə kɛi nuą kalan Yálá hee pɛlɛ́ mu, yɛ wɛlɛɛ lɛlɛɛ hukulɔ nuą diɛ. Ɉaláá laa həli nuą, tɔ́n galamɔ̨ɔ̨ɠaa da nɔi kalanɉonŋąą di pa.

Lukə 4:20

Yili pulu, Jesus ə ɉɛɓɛ́ kpinįn gɛ, ə dɛɛ ɉɛɓɛ́ laaikɛ mun bɔ, ə li ə hee. Nuąi kpɔ kɛ laa Yálá hvɛli pɛlɛ́i tii mu, gəlee di di ɲɛ̨i hee Jesus ɓa.

Ɉaan 7:14

Di kɛ kɛa ɉɛli hamąi, Jesus ə li Yálá hvɛli pɛlɛ mu, yɛ nuą mąąkwɛli.

Ɉaan 7:28

Jesus kɛɛ nuą mąąkwɛlii Yálá hvɛli pɛlɛ mu, ə mo kpɔ a nwoo kɛnɛ̨ yɛ diɛ: «Ka gɔ́lɔ́n! Ɓɛi ŋį́ həɠə laa, ka nąą kɔ́lɔn a neelee. Və́ pa li gbɔ́wɔ́ ɓa. Nui ŋɛ̨i dɔ́ɔ́ gaa a tɛ̨ą. Kɛlaa, ka hvo gɔlɔn.

Ɉaan 8:2

Yələ wala piinɛ̨ɛ̨, ə həɠə ə pa Yálá hee pɛlɛ́ mu. Nu kpulu kɛnɛ̨ɛ̨ ə lɛɠɛ mą, ə hee yɛ di mąąkwɛli.

Ɉaan 8:20

Jesus ə kɛ tɔɔni Yálá kɔ́ hɛn ɲąŋą kwɛlɛ yɛ nwooɠaa tii ɓo, ɓɛlɔwai ə kɛi nuą mąąkwɛli la Yálá hee pɛlɛ́ mu. Nu ta hvo pɛli ɉon ɉi, mąąhɔlɔɓo, ɲələ hvo ni kɛ ɉəli li.