Maafîu 26:38 - Yálá laawoo hɛɓɛ (dc)

³⁸ Ə mo galan nɛa diɛ, yɛ diɛ: «Níí kələn ŋąą kpɔ gwəi yɛ kɛ ə́ báá; 'kaa lɛɛ ɓɛ, 'ka hvo yii.»

Yálá laawoo hɛɓɛ

³⁸ Ə mo galan nɛa diɛ, yɛ diɛ: «Níí kələn ŋąą kpɔ gwəi yɛ kɛ ə́ báá; 'kaa lɛɛ ɓɛ, 'ka hvo yii.»

Bible

³⁸ Nya ƃe è mò dîa, ǹyɛɛi, “Sâa, maloŋ a toôi ŋámɔ̂leŋ ḿâ a ŋánaa. Ka lɛ̀ɛ ƃɛ́, kú kɛ́ a kúŋɛi kúfe nyii.”

Maafîu 26:38 Iomraidhean Croise

Mąątɛ̨nɛ̨ 116:3

Ɲílɛɛi kɛ a haa nwɔ yɛliɠaa, ɲąmuątaa nwɔ kpɔ̨nɔ̨ɠaai daa kɛ ɉón, liihɛlɛn, liikələn gwəi, daa kɛ hee mą́ą́.

Mąątɛ̨nɛ̨ 42:5

Ɲələɠaai ŋį́ kɛi li la Yálá yəi bɛlɛ́n, a kwəinɛ̨ɛ̨ wələɠaa, da mąątɛ̨nɛ̨ wələɠaa, kwa nu kpulu kɛnɛ̨, ŋą́ gíliɲąhiɛ di hu, níí a kɛ lɔ ə ɓɛla gwə́i.

Wɛli 5:3

Ŋą́ą́ mą́ą́ hɛnŋaa kulɔ mą́ą́, ŋą́ pənə kpɔ kɛa ləi gɛ́ gɛ mą́ą́! Ŋą́ą́ gɔ́wɔ́ ɓa kələ a nɛlɛɛ, ŋą́ pənə kpɔ kɛa ləi gɛ mąąliɓi!

Azaya 53:10

Yai-Laa ə hvaa mą ə giin a mɔ̨nɔ̨, ə hvaa mą nwɔ yɛnɛ̨ɛ̨ ə kɛ a pɔnnaa kulɔ haláá, gaa pai ɉuwu hu nuą kaai, ɲii hvóló hu yɛ kwɛa, ɛlɛɛ Yai-Laa liiɓa laa kaa pai hvɛɛi bɔ pələ.

Azaya 53:12

Yili ɓə gaa mą, gáá pai ɉeei nu kpulu lɔwai, da nu waa tamąą ɓə pai kɛi kɔ́ pulu hɛn ɲąąkwɛlɛi, mąąhɔlɔɓo, ə gili kulɔ gbɔwɔ hu, ə lɛɛ ɉu ə haa la, yɛ hvaa mą diɛ doo nɛ̨ŋɛn ɉəɠə nuą lɔwai, ə nu kpulu nwɔ hɔn ɲɔ̨n ɉee nwuɔ̨, ɛlɛɛ, yɛ nɛ̨ɛ̨mąą hvə nɛ̨ŋɛn gɛ nuą mąą mɛ̨nį ɓa.

Azaya 53:3

Mɛlɛkpɛɛ kɛ mą, nuą daa di ɲɛgilɛn dɔɔ mą, ə ɓo a mɔ̨nɔ̨ laa looo, laa nɔ̨nwɔ̨ hvilɛn ŋąą bulu, ə ɓo a nui da di ɲɛ̨i loo dɔwɔ, a tɛ̨ą, ə kɛ ku ɲɛ̨i ɓa a nui mɛlɛkpɛɛ mą.

Maafîu 25:13

Jesus yɛ nwɔ kalan nɛai diɛ: «Ka ka kpɔɔ mɛ̨i kaa, ka kɛ gili-gili. Mąąhɔlɔɓo, ka hvo Ną́mu pa yələ kɔ́lɔn, ka hvo bai lɔwai kɔ́lɔn.»

Markə 14:34

Ə mo galan nɛa diɛ, yɛ diɛ: «Nííhɛlɛn ŋąąi, haa liihɛlɛn yɛ ə báá, ka lɛɛ a ka ɲɛ̨i ka hvo yii.»

Ɉaan 12:27

«Yiihu, lii kələn gwəi aa hvə mą́ą́, ŋą́ kɛ kpɔ lə; Ną́n! Ŋą́ pɛli kɛi yɛ́ gulɔ ɉu? Yaan, mɛ̨nįi ŋą́ paa la, nąąlɔwai aa həli.

Lomaŋ 8:32

Yai ti hvo gbɔ-kpɔɔ lon mąąwɛli kaa li, kɛlaa, ə gwɛlɛ gu mąą mɛ̨nį ɓa, lə kpɔɔ ɓə hva pɛli dɛɛi gu pɔ non ɉaalai?

Korɛntə veelɛ 5:21

Nɛŋɛ̨n nɔpee hvo Kristə ɓa, kɛlaa, Yálá ə gu wɔɔ nɛ̨ŋɛ̨n diɲɛ̨ɠaa hee nwuɔ̨. Yiihu kɛa, Kristə pɔ pələ, Yálá aa gu kɛ la a tələnmo nuą.

Galatə 3:13

Kristə aa gu nwun mąąɓo dɔ́n ŋą nɛ̨ŋɛ̨n naa yəi a hɔ̨nwɔ̨ kɛnɛ̨, a yaa kpinįi ti kɛi ə mo a nɛ̨ŋɛ̨n naa gu mąą mɛ̨nį ɓa. Mąąhɔlɔɓo, bɛ̨ɛ̨i ɉɛɓɛ́ hu, yɛ mą: «Nui daa ɉɛlɛn wulu ɓa, nɛŋɛ̨n naai!»

Piɛrə dɔlɔɔ 2:24

yaa tii ɓə gu wɔɔ nɛ̨ŋɛ̨nŋaa həɠə gbɔwɔ kɔlɔ hu, ə haa la wulu ɓa, əgɛ, gu haai gu mo wɔɔ nɛ̨ŋɛ̨nŋaa diɛ, gu yɛnɛ̨ɛ̨ kɛ tələnmolaa yee kɔnma; yaa tii, mąą nwąnąi di mo, yili ɓə a gu ɓalo.

Piɛrə dɔlɔɔ 3:18

Hvó gaai, Kristə kpinįi, yaa tii a tələnmomun, ə mɔ̨nɔ̨ mįi nɛ̨ŋɛ̨nŋaa mąą mɛ̨nį ɓa, lɔ tanɔ̨n gbən, nuąi di hvo tələnmo li, di mąą mɛ̨nį ɓa, ə gɛ, ə ká mąą lɛɠɛ Yálá ɓa, yai di gɔlɔ paa, kɛlaa, Kili-Mąąhəɠɛɛ ə gɛ a vulú.

Piɛrə dɔlɔɔ 4:7

Hɛn gəlee ɲąąkpɛɛi lɔwai aa lɛɠɛ. 'Ká kili mɛ̨nį kɛ, 'ká yee ə pɛli ká koolon ma, káá pɛli Yálá hvɛlii.