Maafîu 26:10 - Yálá laawoo hɛɓɛ (dc)

¹⁰ Yii kɛa Jesus ə yili kpaɠala kaa tii di yəi, ə mo diɛ yɛ diɛ: «Lə mɛ̨nį ɓa ka káá giliŋąhiɛ yili kɛi? Mɛ̨nįi ŋɛ̨i nɛ̨ɛ̨nu ŋɛ̨i aa gɛ mą́ą́, gaa a mɛ̨nį lɛlɛɛ.

Yálá laawoo hɛɓɛ

¹⁰ Yii kɛa Jesus ə yili kpaɠala kaa tii di yəi, ə mo diɛ yɛ diɛ: «Lə mɛ̨nį ɓa ka káá giliŋąhiɛ yili kɛi? Mɛ̨nįi ŋɛ̨i nɛ̨ɛ̨nu ŋɛ̨i aa gɛ mą́ą́, gaa a mɛ̨nį lɛlɛɛ.

Bible

¹⁰ Kɛ́lɛ, nyiŋi kɔlɔŋɔɔ Zîsɛ mìi, è mò dîa, ǹyɛɛi, “Ka laa-saa kɔ́rîi nɛnîi ma le-mɛni ma? Kpɛ́ni fêi, a tíi lɛ́lɛɛ kɛ́ mî.

Maafîu 26:10 Iomraidhean Croise

Nehemi 2:18

Bələi nwɔ́ Yálá yee lɛlɛɛ ə kɛ la mɛ̨́i, ŋį́ ɉukulɔ diɛ, da bələi tɔɔmun ə hvaa la bɔ́. Diɛ kɛa kɛ diɛ: «Ka gu gu muhəɠə, ka gu ɉį́i tɔɔ.» Di kpɔnmą́ą́ goló lɛlɛɛi tii hu.

Zôo 13:7

A kɛ ti, nwɔ́ Yálái laa hu ɓə ka káá ɉu pu wooɠaai ŋɛ̨i ɓoi la? Kaa nu ɓowo wooɠaai ŋɛ̨i ɓoi mąą mɛ̨nį ɓa?

Maafîu 26:11

Mąąhɔlɔɓo, ka mąąwɛli nuą ka káá pai kɛi ka kee ɓa a hvóló kəlee. Kɛlaa, nwɛ́i, və́ pai kɛi ka pɔ a yələ kəlee.

Maafîu 26:9

Mąąnɛ̨ɛ̨ kɛ di nɔwɔtɔɔ a ɉɔ̨nwɔ̨ kɛnɛ̨, di nwali tɛɛ mąąwɛli nuą pɔ!»

Markə 14:6

Kɛlaa, Jesus ə mo diɛ, yɛ diɛ: «Ka nɛ̨ɛ̨nui ŋɛ̨i lɛɛ laa. Lə mɛ̨nį ɓa ka káá ka lííholi bɔ? Mɛ̨nį lɛlɛɛ ka ŋɛ̨i a gɛ mą́ą́.

Lukə 8:49

Ɓɛlɔwai, Jesus ə kɛi nwoo tii ɓo la, wɛlɛɛ ɓomun da, ə həɠə Ɉairusə yəi bɛlɛ́n, ə pa, yɛ Ɉairusə ɓa: «Ə́ lon nɛ̨ɛ̨nu aa haa, ə mą kɛ hvo kalamɔ̨ɔ̨ hviikpɛɛ li.»

Korɛntə veelɛ 9:8

Huwalawala kaa Yálá yəi, yɛ pɛli ká yee laa hvɛɛi a mɛ̨inɛ̨ɛ̨ huwui lɔpee gəlee, yii mąąkpaan gaa káá, mɛ̨nį kəlee hu, a yələ kəlee, yɛ pɛli kɛi ká yəi; ɛlɛɛ, káá nwɔ̨nɔ̨ pɛli kóló lɛlɛɛ huwui lɔpee gəlee kɛi la.

Galatə 1:7

Ə kɛ ŋɛ̨i, nwɛlɛɛ lɛlɛɛ takpɛli ɓə laa, yili hvəə, nuą lɔ ɓə ka ɓowoi, diɛ kɛ di Kristə mąą wɛlɛɛ lɛlɛɛ ɲɛ̨ilai ɲɔ̨nwɔ̨ɔ̨ hee mą.

Galatə 5:12

Akɛ yili kaa tii, nuąi ká nwun ɉu kɛi vuwú-vuwú, di hvo kpɛla lɔ di kpɔwɔ kɛ́nɛ̨ kɛɛ ɓa, kɛlaa di gəlee tee laa kpɔ tɛ̨ɛ̨tɛ̨ɛ̨?.

Galatə 6:17

Ə həɠə yiihu ɓa, və́ bɔ nu ta hvo nwə́lii woo ɲąąnwąną, mąąhɔlɔɓo, gbɔlɔɔnŋąa ŋɛ̨i gaa gɔ́lɔ́ ɓa, da nɛ diɛ: Jesus nwɔ ɓaa a ɲą́ą́.

Ifisiɛŋ 2:10

Gbala ə tɔɔ, Ya ɓə gu pɛli, ə gu pɛli Jesus Kristə hu, kóló lɛlɛɛɠaa kɛ mɛ̨nį ɓa, a gólóɠaa tii Yálá ə di hee gu tɔwɔ, guɔ pɛli gɛ mɛ̨nį laai gu nwuɔ̨.

Kolosə 1:10

Yili ɓə a gɛ, káá pɛli yɛnɛ̨ɛ̨ kɛi a gu Ną́mu liiɓa, yii gaa bɔ, kaa gwɛli, a kɛ tii, ka kɛ mɛ̨nįɠaa ɲɛ̨i tínɛ̨nŋąą mɛ̨nį lɛlɛɛ pɔ pələ, dɔlɔ ə ɓo mą mɛ̨nį kəlee hu, káá tɛ la tɔwɔ Yálá kɔlɔn mɛ̨nį leelee hu.

Tɛsalonikə veelɛ 2:17

Ə ká liilaa, ə ká hvaŋąlɔ ká kɛ mɛ̨nįɠaa kəlee hu, da mɛ̨nį lɛlɛɛɠaai ká mo, gəlee hu.

Timote dɔlɔɔ 3:1

Nwoo ŋɛ̨i kaa a tɛ̨ą, mąąnɛ̨ɛ̨i nuą di laa na, ya ɓaa: «Nui a kɛ bɔ ə kɛ a gbɔn ɲɛ̨itɔwɔmun, kólólɛlɛɛ ka tii mąą lii aa too gwəi.»

Timote dɔlɔɔ 5:10

hvo kɛli, nu kəlee di kɛ a gɔlɔnŋąą diɛ mąątɛ̨nɛ̨ dúwɔ́ pələ lɛlɛɛɠaa hu, a nɛ̨ɛ̨nui aa lon gulɔ ɉu, ɲɛ̨i ponoɔ, yɛ kpɔnmąą tɛɛ mąąhəɠə nuą pɔ, yɛ kpɔnmąą tɛɛ mąąwɛli nuą pɔ, yɛ mɛ̨nį lɛlɛɛ huwui lɔpee gəlee kɛ nuą diɛ.

Timote veelɛ 2:21

Nui a ɲee kulɔ mąąliɓi mɛ̨nįɠaa hu, da pɛli di gɛ a di yee huɓo hɛnɲąŋą walawala, mąąhəɠɛɛ, gu Nąmu yɛ ɲee huɓo ɉu, bɛliɛ mɛ̨nį lɛlɛɛ kəlee mąą mɛ̨nį ɓa.

Taitɔ 1:16

Da kɛ diɛ di Yálá kɔ́lɔn, kɛlaa, di túwɔ́ pələ yɛ ɓo a dakpɛli. Di ɓɛlɛkpɛɛ diɛ, di kalapiliɛ, di hva pɛli mɛ̨nį lɛlɛɛ lɔpee ta kɛi.

Taitɔ 2:14

Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.

Taitɔ 3:1

Gili too nu kəlee ɲą, yɛ́ diɛ: mąąnɛ̨ɛ̨i di lɛɛ nwun nąmįną, da ɲąąwooɓo kɛ nuą kəlee woo mu, di di kpɔwɔ mąąyɛɛ, di hɛ̨ąyiliɛ mɛ̨nį lɛlɛɛ kəlee kɛ mɛ̨nį ɓa.

Taitɔ 3:14

Mąąnɛ̨ɛ̨ gu wɔ nuąi diɛ kpɛlimąn di kɛnɛ̨ mɛ̨nį lɛlɛɛ kɛɛ hu, əgɛ, mɛ̨nį ta a kulɔ, diɛ pɛli ɲąąlɔi, yili a kɛ tii, di tɔlɔ hva kpɛɛ diɛ.

Taitɔ 3:8

Nwoo ti kaa a tɛ̨ąi da pɛli di kilitɔɔi mą, ɛlɛɛ, gáá bɔ ə́ ə́ wəli tɔɔ kpɔ mą kpąą, əgɛ, nuąi daa laa Yálá la, di pɛli kɛnɛ̨i mɛ̨nį lɛlɛɛɠaa kɛɛ hu. Yili ɓə nɛlɛɛ, dɔlɔ ə ɓo mą nuą diɛ.

Hebreu 13:21

Yálái tii ə gɛ, káá pɛli niiɓa mɛ̨nį lɛlɛɛ lɔpee gəlee kɛi, yii a laa a nii, ə gɛ ká hu, Jesus Kristə háálai, yai, mąąwiɛlaa kaa mą a yələ kəlee kpɛɛ hvo mą. Mįiną!

Piɛrə dɔlɔɔ 2:12

Ká túwɔ́ pələ ə kɛ a nɛlɛɛ, hali pulu nuą lɔwai, ə mą kpɛli kɛ di kaa ká laamąą hiɛi yɛ tuwɔ pələ ɲɔ̨n gulɔ nuą, ká wɔ tuwɔ pələ lɛlɛɠaa ə di kilaa pono, ɛlɛɛ, diɛ Yálá mąąwiɛ a yələi gaa pai di nąą kaai la.