Maafîu 24:7 - Yálá laawoo hɛɓɛ (dc)

⁷ Lɔi kaa pai kɛ kɔ́ pɛlɛi lɔi takpɛli ɓa; tɔɔɓɛlaa diɛ kɔ́ pɛlɛ di kee ɓa. Pulu kpɛa-kpɛaɠaa diɛ too; lɔi yɛ kpɛlin yɛ pu ɉu nąą taɠaa.

Yálá laawoo hɛɓɛ

⁷ Lɔi kaa pai kɛ kɔ́ pɛlɛi lɔi takpɛli ɓa; tɔɔɓɛlaa diɛ kɔ́ pɛlɛ di kee ɓa. Pulu kpɛa-kpɛaɠaa diɛ too; lɔi yɛ kpɛlin yɛ pu ɉu nąą taɠaa.

Bible

⁷ Kpɛ́ni fêi, lɔii-ŋuŋ a pâi tɔɔ̂i lɔii-ŋuŋ ma. Kâloŋ-laa kɛ́ tɔɔ kâloŋ-laa ma. Puru a pâi toôi, ǹɔii kɛ́ kpɛ̃liŋ kwaa támaa ma.

Maafîu 24:7 Iomraidhean Croise

Kɔlɔnikɔ Veerɛi 15:6

Di kɛi kɔ́, lɔi yɛ pɛlɛ lɔi ɓa, taa yɛ pɛlɛ taa ɓa. Gbala ə tɔɔ, Yálá ə di nwun ɉee gee ɓa a mɔ̨nɔ̨ huwu kəlee.

Azaya 19:2

Yai-Laa yɛ diɛ: Gáá Eziptə nuą ɲąątɛi di kee ɓa, nu kəlee yɛ kɔ́ pɛlɛ gaayɔwɔ ɓa, nu yɛ kɔ́ pɛlɛ mɛlan gaa lon ma, taa yɛ kɔ́ pɛlɛ mɛlan daa ɓa, lɔi yɛ kɔ́ pɛlɛ mɛlan nɔi ɓa.

Azaya 29:6

Yai-Laa Mɛ̨nį Kəlee ŋą Hééɓomun, kaa pai woloi lɔ yɛ́ kpulu, yələgbąnąą hu, lɔi kpɛlinŋąą hu, tin gɛnɛ̨ɛ hu, hvaŋą kɛnɛ̨ɛ̨ hu, a tulɔ hvaŋą kɛnɛ̨, da kɛɛ kala nwɔ̨n nən ɉu.

Izikiɛ 14:21

Mąąhɔlɔɓo, mɛ̨nįi Yai-Laa kaa moi ya ka: «Ə mą kɛ, ŋą́ą́ hutɔɔ hɛnŋąą nąąn dɛɠɛ Ɉerusalɛmə ɓa, diɛ ɓaa a, kɔ-kɔ-ɓɔwa, pulu, lɔwɔ huwɔ kpəɠiɛɠaa, da ɲɔ̨n, diɛ nu kanŋaa da taatɛlɛɛɠaa paa laa,

Izikiɛ 21:27

Mamįiyee hu pələ, Ɉerusalɛmə ə́ ɓa-mįi-yee hu pələ, tɔlu ɓə woo laa, yɛ kɛ: ‹'Ka pa a bɛlɛ́ nwąną wolo hɛnŋąą; 'ka nu paa mɛ̨nį loloɓo; 'ka ka woo tɛ yələi, kaa kɛ diɛ: «Kɔ́ ɓə!» 'Ka pa a gbon nwolo hɛnŋąą; 'ka bɔlɔ ɓuwo; 'ka lɔwa tee.›

Zakari 14:13

Mąą yələi tii, Yai-Laa kaa pai ɲɔw kɛnɛ̨ pilii di hu, nuą diɛ wolo di kee ɓa, diɛ gɔ́.

Lukə 21:11

Lɔi kaa pai kɛi kpɛlin ɉi a gbɛa-kpɛa kɛɛnąą tamąą, pulu yɛ too, ɲɔ̨n ɉuwu ɲɔ̨nwɔ̨ɔ̨ɠaa diɛ pu nuą mɛ̨i nąą taɠaa. Mɛ̨nį mąą ɲɔwɔ kpɛa-kpɛa tamąą kaa pai kɛi kɛi yələ kwəi.

Gɛlaɠaa 11:28

Di tɔ̨nɔ̨ ə kɛ laa diɛ kɛ mą: Agabusə, ə muhəɠə ə tɔɔ, Yálá ə gilaa pono, yɛ kɛ: «Pulu kɛnɛ̨ kaa pai tooi lɔi mɛ̨i nąą kəlee.» Yaan, bului ti ə too a Klodə nwɔ tɔɔlaa yələ.

Gɛlaɠaa 2:19

Ŋą́ mɛ̨nįɠaa kɛ yələ kwəi, yii ɉuwu ta hvə ta kɛli, ŋą́ kpalo mɛ̨nįɠaa kɛ lɔi mɛ̨i, ɲąmą da nwɔ̨n, ə lɛɛ lulu.

Hebreu 12:27

Nwoo ŋɛ̨i ə kɛ mą: «A gbəli-kpəli», a nɛ yɛ mą; pɛli hɛnŋaai kpɔ di kaa yɛnɛ̨ɛ̨ nąą kəlee, gəlee kaa pai həɠəi dɔɔi, gəlee di tɛɛ, ə gɛ, hɛn kala hvo mą, ə ɉeei kaa.

M̀ɛni-lɛɛi 6:12

Ɛlɛɛ, ŋą́ ɲɛ̨́i hee, ɓɛlɔwai di gɔlɔn ɉɛn mɛ̨ida nąą holoon na, lɔi ə kpɛlin gbɔ kɛnɛ̨, hvóló hu ə tɛɠi kpɔ hɛ̨-hɛ̨, ɛlɛɛ, ɲąnįn nąą kəlee ə kpɔlu yɛ ɲąmą.

M̀ɛni-lɛɛi 6:5

Ɓɛlɔwai ə gɔlɔn ɉɛn ɉaaɓanąą holoon na, ŋį́ ɉuwɔ ɉaaɓanąą tomą woo mɛ̨n, yɛ kɛ mą: «'Pá!» Ɛlɛɛ, ŋą́ ɲɛ̨́i hee, ŋą́ hoo tɛɠiɛɛ hɛ̨-hɛ̨ ta kaa. Nui kɛ heeni mɛ̨i, hɛnŋaa kɔ́ɔn ɉɛn yɛ ɓo ɲee ɲą.

M̀ɛni-lɛɛi 6:6

Ɛlɛɛ, ŋą́ woo ta mɛ̨n yɛ kulɔ ɉuwɔ nąąn tii lɔwai, yɛ kɛ mą: «Mɔ̨nun gɔw kəgən ɉu tɔ̨nɔ̨ hɔ̨nwɔ̨ ɓaa: tuwɔ yɛa tɔ̨nɔ̨ wali, ɛlɛɛ, kpai-kɔw gəgən ɉu haaɓa hɔ̨nwɔ̨ ɓaa: Tuwɔ yɛa tɔ̨nɔ̨ wali, yii ɓaa a wulɔ da lɔɔ, 'ká hvo tunwɔ̨n mą.»

M̀ɛni-lɛɛi 6:8

Ɛlɛɛ, ŋą́ ɲɛ̨́i hee, ŋą́ hoo ta kaa dɛɠiɛ mu kwɛlɛɛ. Nui kɛ heeni mɛ̨i, naa ɓaa a: Haa, ɛlɛɛ, ŋąmuątaa ɲɛ̨i kɔw hvilɛn ŋąą bulu. Di mąąlaa tɛɛ di pɔ, yɛnɛ̨ɛ̨ ɓɛlaɓoɔ ɉu nąąn, bələ tɔ̨nɔ̨ mɛ̨i, ə gɛ, di ɉu nuą paa a ɓɔwa kwɛa, a pulu, da lɔi kala ɲɔ̨n, ɛlɛɛ, da lɔwɔ huwɔ huwui lɔpee lɔi mɛ̨i.