Maafîu 24:3 - Yálá laawoo hɛɓɛ (dc)

³ Jesus ə tɛ ə hee Olivə yee tona, nwɔ kalan nɛai di hee gwɛlɛ di tɔ̨nɔ̨ kɛɛnąą. Di mąąlən gɛ diɛ mą: «Akɛti, mįnɛ lɔwai ɓə kwɛni hvo pai lɛɛ la kwɛni mɛ̨i? Ɛlɛɛ, ə́ pai lɔwai da yɛnɛ̨ɛ̨ ŋɛ̨ɛ̨ kpɛɛi lɔwai kɔ́lɔn ɉɛn lə kɛɛɠaa ɓə ku kaa pai gɔlɔn ɉii la.»

Yálá laawoo hɛɓɛ

³ Jesus ə tɛ ə hee Olivə yee tona, nwɔ kalan nɛai di hee gwɛlɛ di tɔ̨nɔ̨ kɛɛnąą. Di mąąlən gɛ diɛ mą: «Akɛti, mįnɛ lɔwai ɓə kwɛni hvo pai lɛɛ la kwɛni mɛ̨i? Ɛlɛɛ, ə́ pai lɔwai da yɛnɛ̨ɛ̨ ŋɛ̨ɛ̨ kpɛɛi lɔwai kɔ́lɔn ɉɛn lə kɛɛɠaa ɓə ku kaa pai gɔlɔn ɉii la.»

Bible

³ Gɛ́ɛ see ni Ŋulɔ-wuru-yeei mai, ŋɔpôlu-ƃelai dí pà bɔ dítee-tee-kwaa ma. Díyɛɛ mai, “M̀ó kûa le-tãi ƃe mɛni-ŋai ŋí da pâi kɛ̂i lai, da le-ŋɛi-kɛ-maa ƃe gáa ípa-mɛni ma da ŋ̀éniɛi kpɛɛ-ŋai?”

Maafîu 24:3 Iomraidhean Croise

Maafîu 13:36

Jesus ə kulɔ nu kpulu lɔwai, ə li bɛlɛ́n. Nwɔ kalan nɛai di lɛɛ bulu, di mąąni kɛ diɛ mą: «Gala kɔ́w ɲɔ̨nwɔ̨ɔ̨ mąą hanwon ŋɛ̨i ə Ɉɔɔi, mukulaa ɓaa a lə?»

Maafîu 13:49

Pələ kpɔlɔɔ ɓə gaa pai kɛi la yɛnɛ̨ɛ̨ ɲąąkpɛɛi lɔwai. Yálá nwɔ malakaɠaa kaa pai pai di mɛ̨nį ɲɔ̨n gɛ nuą da mɛ̨nį lɛlɛɛ kɛ nuą ɓɛlaɓo.

Maafîu 15:12

Jesus nwɔ kalan nɛai di lɛɠɛ mą diɛ mą: «Ə́ gɔlɔn yɛ diɛ mɛ̨nįɠaa ŋɛ̨i ə́ mo Farisiɛ̨ɠaa, diɛ aa kɛ yɛ kwɛi kɔ́wɔ a kpəɲan di tɔwɔ?»

Maafîu 16:27

Ɓɛlɔwai Nu Lon kaa pai pai la, Nąn Yálá nwɔ mąąwiɛi hu, da nwɔ malakaɠaai, nąąlɔwai ɓə gaa pai nu tɛitɛi kəlee hvɛla kulɔi la, yɛ pələi dúwɔ́ pələ ə kɛ la.

Maafîu 16:28

Gáá moi kaa a tɛ̨ą, nu taɠaa kaa ɓɛ ka lɔwai, di hvo pai haai, ə lɛɛ la ɉu di Nu Lon gaa yɛ pa la yɛ tɔɔmun.»

Maafîu 17:19

Jesus nwɔ kalan nɛai di lɛɠɛ mą di tɔ̨nɔ̨ kɛɛnąą, diɛ mą: «Lə mɛ̨nį ɓa ku hvo pɛli li ɲį́nɛ̨n tii kpɛi nokoloi tii pulu?»

Maafîu 21:1

Ɓɛlɔwai Jesus da nwɔ kalan nɛai di kɛi həli la Ɉerusalɛmə, di tɛ taa lon da hu, yii da kɛ mą Bɛtfaze, Olivə yee koo mu. Jesus ə nwɔ kalan nɛai veelɛ tɔɔ taai yɛ diɛ:

Maafîu 24:27

Nu lon kaa pai pai, yɛ pələi mąlą-mąlą a gɛ la yələi, nən ə taɠa kɛɛnąą kəlee, di gaa.

Maafîu 24:30

A kɛ tii, Nu Lon pa mɛ̨nį kɔ́lɔn ɉɛnŋąa da laa yələ kwəi. Lɔi mɛ̨i nuą kəlee da di woo laa. Ɛlɛɛ, diɛ Nu Lon kaa heeni tulɔ kpinįn ɉu, yɛ pa huwalawala kɛnɛ̨ da mąąwiɛ hu.

Maafîu 24:37

Pələi lɔ ə kɛ la a Noe nwɔ yələi, pələ lɔ ɓə gaa pai kɛi la a Nu Lon nwɔ yələi.

Maafîu 24:39

Di ta lɔpee hvo Noe woo kaa a mɛ̨nį walawala, ə lɛɛ la ɉu ɲanwana ə pa ə gəlee nwun napili. Pələ kpɔlɔ ɓə gaa pai kɛi la a Nu Lon bai lɔwai.

Maafîu 24:43

Ka gɔlɔn kaa diɛ, akɛ pɛlɛ́ nąmu ə nwuɔ̨mun bai lɔwai kɔ́lɔn, mąą kpinįi tii, hva yii kɛ; ə gɛ, di hvo pa nwɔ pɛlɛ́i laa yali di hvo mu hɛnŋąą həɠə.

Maafîu 28:20

Yiiɠaai ŋį́ ka tí la, ka nuą mąąkwɛli mą a ɉon bələ. Gáá ka pɔ a yələ kəlee, ə lɛɛ ɉu yɛnɛ̨ɛ̨ ɲąą ə kpɛɛ la.»

Lukə 21:7

Nuą tii di Jesus mąąni kɛ diɛ mą: «Kalamɔ̨ɔ̨, mįnɛ̨ lɔwai ɓə yili kaa pai kɛi la? Pɔɔ kɔ́ɔn nɛɠaai ɓə da mɛ̨nįɠaai tii pai lɔwai lɛ?»

Gɛlaɠaa 1:7

Jesus ə di woo ŋąą pənə yɛ diɛ: «Yii hvilɛn na ɲələi ti kɔ́lɔn mɛ̨nį ɓa, ka wɔɔ naa hvəli, Ną́n yaa kpinįi ɓə ɲələ kɔlɔn, ə ɉee a nwɔ Hééɓolaa.

Hebreu 9:26

Akɛ yili ɉuwu ɓə kɛ, Kristə ə li gbɔwɔ kulɔ a haláá geemɛ̨i tamąą, ə həɠə kpɔ yɛnɛ̨ɛ̨ kɔwɔ tɔɔ yələ ɓa. Kɛlaa, a tɛ̨ą. Ə gɛ lɔ taanɔ̨n gbən, a vóló ɲąąkpɛɛi yələi ŋɛ̨i, ə too la pono ɲą, ə nɛ̨ŋɛ̨nŋaa waa, a gbɔwɔ kulɔi ə mo a haláá.