Maafîu 23:8 - Yálá laawoo hɛɓɛ (dc)

⁸ Ka wɛi, mąą hvo nɛ̨ɛ̨li, kaa kɛ ka kee ɓa: ‹Nwɔ́ mɛ̨nį nąmu›, kɛlaa, ka kɛ ka kee ɓa: ‹Gááyɔwɔ.› Mąąhɔlɔɓo, mɛ̨nį nąmu tɔ̨nɔ̨ gbən mə gaa ka nwun mɛ̨i.

Yálá laawoo hɛɓɛ

⁸ Ka wɛi, mąą hvo nɛ̨ɛ̨li, kaa kɛ ka kee ɓa: ‹Nwɔ́ mɛ̨nį nąmu›, kɛlaa, ka kɛ ka kee ɓa: ‹Gááyɔwɔ.› Mąąhɔlɔɓo, mɛ̨nį nąmu tɔ̨nɔ̨ gbən mə gaa ka nwun mɛ̨i.

Bible

⁸ Kɛ́lɛ, maa fé nɛ̃ɛ ní a gɛɛ dí kátoli a kaamɔ̂ɔ-ŋa. Kpɛ́ni fêi, kásɛŋ-lɛ-nuui káa nɔ́ tɔnɔɔ, kákelee kákɛ ƃò a káa-laa tɔnɔ su-ƃela Ɣâla ŋɛ́i.

Maafîu 23:8 Iomraidhean Croise

Maafîu 10:25

Mąąnɛ̨ɛ̨ lɔ kalan non ə kɛ yɛ galamɔ̨ɔ̨. Luwɔ ə kɛ yɛ nuwɔ nąmu. Akɛ di kɛ pɛlɛ́ nąmu ɓa: Beɛlzebulə, gu hvo mun kɛ bɛlɛ́n nuą! Da di laa hee a ɲɔ̨nwɔ̨ɔ̨ ə tɛɛ la bɛlɛ nąmu ɓa.»

Maafîu 17:5

Ə lɛɛ lɔ moi tii, tulɔ kpinįn ɉu ponoɔ̨ ta ə yɛɛ di mɛ̨i; woo ta ə kulɔ ɉu yɛ mą: «Nííɓa lon ga ŋɛ̨i, ya ɓə ŋą́ą́ mą́ą́ mɛ̨nįɠaa kəlee lɛɛ ma. Mąąnɛ̨ɛ̨ ka ka wəli tɔɔ nwoo ɓa!»

Maafîu 23:10

Ka hvo kɛ ka kee ni diɛ: ‹Nwún nąmu›, mąąhɔlɔɓo, Nwun nąmu tɔ̨nɔ̨ gbən mə gaa kaa, ya ɓaa: a Nwun mąąɓomun Yálá ə naakwɛlanmo.

Maafîu 23:7

Di kaa bɔ, nu ta a kɛi di túwɔ ɓo kpɔn ɉu, ə mąą yee di kɔ́wɔ mu; yɛ kɛ diɛ: ‹Nwɔ́ mɛ̨nį nąmu!› Ə gɛ nuą di di mąąwiɛ kili kɔ́lɔn.

Maafîu 26:25

Ɉudasə ŋɛ̨i nɔwɔtɔɔ, yaa kpɛli yɛ mą: «Ną́mu, akɛti, ɲą́ą́ ɓə mɔ̨ɔ̨?» Jesus yɛ mą: «Yaa kɛ tii yaa mo.»

Maafîu 26:49

Ɉudasə ə lɛɠɛ Jesus ɓa, ə nɛ̨nɛ̨ɓo yɛ mą: «Nwɔ́ mɛ̨nį nąmu! Ə́ yii kpɛli, ə́ yii kpɛli! Yili pulu, ə́ naa pɛlɛ naa ɓa.»

Markə 10:51

Jesus yɛ, mą: «Lə ɓə ə́ kaa bɔ ŋį́ gɛ yɛ́?» Ɲɛ̨ipumun tii, yɛ mą: «Ną́mu, gáá bɔ ɲɛ̨́i ə hvólóon.»

Markə 11:21

Mɛ̨nįi kɛ a molaa wului tii, Piɛrə ə gili lɛɛ ɉu. Ya ɓə ə mo Jesus ɓa, yɛ mą: «Mąąkwɛli kɛmun, molaa wului wɛi ə́ nɛ̨ŋɛ̨naa gaa tai aa kpalai.»

Markə 14:45

Yii kɛa Ɉudasə ə həli Jesus ɓa, ə lɛɠɛ mą, yɛ mą: «Mąąkwɛli kɛmun!» Yili pulu ə nɛnɛ ɓo kpɔ a nii kəlee ə wolo mą, yɛ mą:

Markə 9:5

Piɛrə yɛ Jesus ɓa: «Ną́mu, gu kɛ lɔ kɛa ɓɛ, ɓɛ ɲąąnɛ̨ɛ̨i. Ku kaa kələ haaɓa tɔɔi. Dɔ̨nɔ̨ ə kɛ a ə́ wɔ, dɔ̨nɔ̨ ə kɛ a Eli nwɔ, dɔ̨nɔ̨ ə kɛ a Moisə nwɔ.»

Lukə 22:32

Kɛlaa, ŋą́ą́ Yálá hvɛli yɛ́, əgɛ, ə́ wɔ kilitɔɔmąą hvo kulɔ ə́ yəi. Yɛ́n, yá pənə yá pai, ə́ ləɠəni hvaŋąlɔ.»

Ɉaan 1:38

Jesus ə di kaa di hvilɛn ŋąą bulu, yɛ diɛ: «Lə ɓə ka káá gwɛli?» Di nwoo pulu pənə diɛ mą: «Rabi, (yili mukulaa ɓaa: kalamɔ̨ɔ̨) mįnɛ̨ ɓə ə́ kaa laa?»

Ɉaan 1:49

Natanaɛlə ə pənə yɛ mą: «Mąąkwɛli kɛmun, ə́ kaa a Yálá Lon, yɛ ɓo a Israɛlə tɔɔmun.»

Ɉaan 11:8

Jesus nwɔ kalan nɛai di mo mą diɛ mą: «Mąąkwɛli kɛmun, ɉu hvo kwɛa li, Ɉuifəɠaa di kɛ bɔ di ə́ hɔɔ a kwɛni, ə́ haa; ya ɓə yɛ diɛ: Ə́ kaa pənəi ə́ li laa?»

Ɉaan 20:16

Jesus yɛ mą: «Mari!» Mari ə tinɛ̨n yɛ Jesus ɓa Ɉuifə woo hu: «Rabuni» mukulaa ɓaa: Mąąkwɛli kɛmun.

Ɉaan 3:2

Ə pa a kpinį Jesus pɔ, yɛ mą: «Mąąkwɛli kɛmun, ku gɔlɔn kuɔ Yálá ɓə ə́ kɛ a mąąkwɛli kɛmun, mąąhɔlɔɓo, mɛ̨nįɠaai ŋɛ̨i ə́ kaa gɛi, nu hva pɛli hvo gɛ, akɛ.»

Ɉaan 3:26

Di lɛɠɛ Ɉaan ɓa, diɛ mą: «Mąąkwɛli kɛmun, nui ŋɛ̨i hiɛ ə́ mąą mɛ̨nį ɓo kuɔ Ɉurdɛn ya pulu, yáá gɔlɔn? Yaa kpɛli gaa kɛa nuą mąąwaai, ə lɛɛ, nu kpulu kɛnɛ̨ɛ̨ kaa kɛa lii pɔɔli pələ.»

Ɉaan 4:31

Nąąlɔwai tii hu, galan nɛa di Jesus mąąnɛ̨ɛ̨ diɛ mą: «Mąąkwɛli kɛmun, kɔ̨nɔ̨n mį́į́.»

Ɉaan 6:25

Yii kɛa di Jesus kaa ɲa pulu pələ, diɛ mą: «Mąąkwɛli kɛmun, mįnɛ̨ lɔwai ɓə ə́ paa la ɓɛ?»

Ɉaan 9:2

Nwɔ́ kalan nɛai di mąąni kɛ, diɛ mą: «Mąąkwɛli kɛmun, lə mɛ̨nį ɓa, ɉulɔnui ŋɛ̨i di gaa lɔ ɲɛ̨ipuɔ? Gbɛɛ kɛ nɛ̨ŋɛ̨n nąą pɔɔ li? Yaa kpinįi ɓə, awala kɛ tii gaa nuą?»

Korɛntə veelɛ 1:24

Ə kɛ ŋɛ̨i yɛ kwa hee ká wɔɔ kalan mɛ̨į, ya hvəə, kɛlaa, ku yee pɛlɛ ɓə ku kaa moi ká wɔɔ kwəinɛ̨ɛ̨ ɓa, hvo gaai, galan mɛ̨nį nwɛi, ká yee kaa mą a nwalawalaa.

Korɛntə veelɛ 4:5

Ku kpɔwɔ mąą kalan vəi ku kaa gɛi, kɛlaa gu Nąmu Jesus Kristə ɓə. Yii ɓaa ku kpinįi ku wɛi, kwa ku kpɔwɔ lɛ a ká wɔɔ tínuą Jesus mąą mɛ̨nį ɓa.

Ifisiɛŋ 3:15

Yai huwu mɛ̨nį kəlee a həɠə bɔ pələ, lɔi mɛ̨i da yələkɔlɔn ɉu.

Filemɔn 1:16

Mąąhɔlɔɓo, hvo kɛa a luwɔ kpɛli-kpɛli, kɛlaa, aa hviɛlaɓo aa tɛɛ luwɔ ɓa. Aa kɛ kɛa a gu nąn non yii mąąnɛ̨ɛ̨ gu nwɛli la kɛ. Ɲą́ą́ Polə, Onesimə wɛli kaa mą́ą́ kpɔ a mɔlɔɔ, mąąnɛ̨ɛ̨ yɛ́ kpɛli nwɛli ə kɛ ti yɛ́, ə́ wɔ luwɔ li kpɔ, kɛlaa nwɛli la kɛ yɛ kristalon.

Zĩi 3:1

Ną́n nonnii, nu kəlee hvo kɛ, gaa kɛi a mąąkwɛli kɛ nuą, bələi di pai ku kiti teei la a nwalawalaa, ká yili gbaɠala kɔlɔn.

Piɛrə dɔlɔɔ 5:3

Nuąi di kalihvaɓoɔ káá, 'ká hvo di hon a heemɛ̨i laa, kɛlaa, di di wɔɔ yɛnɛ̨ɛ̨ kɔɔn ká wɛi kɛ pələ ɓa.

M̀ɛni-lɛɛi 1:9

Ɲą́ą́, ká nąn non Ɉaan, yai ká diɛni ká kaa ká kee pɔ mɔ̨nɔ̨ tanɔ̨n ɉu, dɔɔlaa hu, ɛlɛɛ, da dɔɔa nwąnąi laa hu Jesus hu, ŋą́ kɛ Patmɔsə tín ɉu, Yálá laa woo mąą mɛ̨nį ɓa, ɛlɛɛ da Jesus mąą kɛla hvaa ɓo mɛ̨nį ɓa.

M̀ɛni-lɛɛi 19:10

Ya ɓə, ŋą́ pɛlɛ gɔ́wɔ mu, gɛ́ kɛ ŋį́ gwɛli hvilɛn mą, kɛlaa, yɛ mą́ą́: «'Hvo kɛ ə́ kaa gɛi tii! Gáá lɔ a tímun, ə́ mąą mɛ̨nį ɓa, ɛlɛɛ, da ə́ nąn nonnii, diɛi di yee kąnąnŋąą Jesus ŋą kɛla wooi ɓa.» Yálá ɓə mąąnɛ̨ɛ̨i ə́ gwɛli hvilɛn mą, gbala ə tɔɔ, Jesus ŋą kɛla wooi, ya ɓaa a mɛ̨nįi pai kɛi ŋą kili.

M̀ɛni-lɛɛi 22:9

Kɛlaa, yɛ mą́ą́: «'Hvó kɛ ə́ kaa gɛi tii! Gáá lɔ a tímun, ə́ mąą mɛ̨nį ɓa, ɛlɛɛ, da ə́ nąn nonnii a Yálá kwəi mɛ̨nį hukulɔ nuą di mąą mɛ̨nį ɓa, ɛlɛɛ, da nuąi da di yee kąnąn ɉɛɓɛ́i ŋɛ̨i hu wooɠaa diɛ. Yálá ɓə mąąnɛ̨ɛ̨i di gwɛli hvilɛn mą.»