Maafîu 23:5 - Yálá laawoo hɛɓɛ (dc)

⁵ Da di kɛ mɛ̨nįɠaa kɛ nuą ɲɛ̨i ɓa, ə gɛ di di kaa. Ka di tɔwɔla kaa, Yálá nwɔ tɔ́n taɠaa pɛ̨ɛ̨ kaa huwɔ kɔ́lɔ hu, a mɛla ɲa kɛnɛ̨ bəlɛɛ di tɔwɔla. Daɠaa yiliɛɛ di yee ɓa. Ɲalai da dɔɔ di wɔ həɠəɠaai mu, gaa a mɛla ŋą kɛnɛ̨.

Yálá laawoo hɛɓɛ

⁵ Da di kɛ mɛ̨nįɠaa kɛ nuą ɲɛ̨i ɓa, ə gɛ di di kaa. Ka di tɔwɔla kaa, Yálá nwɔ tɔ́n taɠaa pɛ̨ɛ̨ kaa huwɔ kɔ́lɔ hu, a mɛla ɲa kɛnɛ̨ bəlɛɛ di tɔwɔla. Daɠaa yiliɛɛ di yee ɓa. Ɲalai da dɔɔ di wɔ həɠəɠaai mu, gaa a mɛla ŋą kɛnɛ̨.

Bible

⁵ Da dítii-ŋai kélee kɛ̀ a gɛɛ nûa dí díkaa. Da Díɣâla-fɛli ɣɛli-ŋai kɛ́ a méla-ŋa kɛ́tɛ díŋiri díŋuŋ-mâ da díyee-mâ a tɛ̀ɛ ŋàa. Dí díyokpo-ŋai maa ɣiri-sãai kɛ́ ƃò a gbaya-kpaya.

Maafîu 23:5 Iomraidhean Croise

Tɔɔɓɛlaa veelɛ 10:16

Ɉehu yɛ mą: «Pa gwə li, bələi Yai-Laa mąą lii kaa la kwə́i, ə́ bələ kaa.» Di ɉiɛ kulɔ Ɉehu nwɔ wotoloi hu.

Lɛɛ gbɔwɔ ɓa 13:9

Ɉɛlii ti pu mɛ̨nį ka yəi, gaa a kili lɛɛ ɉu, ka doo ka yee ɓa, ka da yili ka ɲɛ̨i mɛ̨i; əgɛ, Yai-Laa nwɔ tɔ́n nąą kili hvo pa kpɛɛ ka ɲą. Mąąhɔlɔɓo, ya ɓə ka kulɔ luwɔlaa hu a nwɔ huwalawalai hɛn da hva tɔɔ na.

Hanwon 3:3

Tələnmolaa da mɛ̨nį haŋąą kɛ, 'doo ə́ kwąną, bɛ̨ɛ̨ ə́ lii pɔ.

Levetekɔ 13:32

Voló mɛ̨ihveelɛ yələ, ɉaláá laa həli mun a ɲɔ̨n tii mąąkpɛɛ, ɲɔ̨n da a wala pɛlɛ mą, gɔlɔ ɓa ləɠa ta a wala kɛ a mu kpuluɔ, ɲɔ̨n a wala nąą lɔ ɉu,

Maafîu 9:20

Nɛ̨ɛ̨nu ta ə kɛ laa, ɲąmą ɲɔ̨n ə ɓo mą, aa kɛ lamun mą. Ɲɔ̨n tii, aa kɛ kwɛlan bow-kɔw-hveelɛ kɛ mą. Ə tɛɛ Jesus pulu pələ, ə ɲee hee nwɔ həɠəi wəli la.

Lukə 16:15

Jesus ə mo diɛ, yɛ diɛ: «Ka kɛ ka kpɔɔ kɛi a nu haŋąąɠaa nuą ɲɛ̨i ɓa. Kɛlaa, Yálá ə ka kwəi kiliŋąhiɛ kɔ́lɔn. Mąąhɔlɔɓo, yii mąąwia nuą ɲɛ̨i ɓa, mɛlɛkpɛɛi ma Yálá ɲɛ̨i ɓa.

Lukə 20:47

Da too galanən nɛ̨ą mɛ̨i di di yəi hɛnŋąa həɠə, ɛlɛɛ, diɛ lamun Yálá hvɛliɛ hu, əgɛ, di di kpɔwɔ lɛ a nu lɛlɛɛɠaa, di wɔ gahoi kaa pai walawalai.»

Ɉaan 12:43

Nuą tii di wɛi, mąąwiɛlaai a həɠə nuą pɔ, ya ɓə di kɛi gwɛli, ə tɛɛ yii a həɠə Yálá yəi mą.

Ɉaan 5:44

Nuą di wɔ mąątɛ̨nɛ̨ ɓə ka gwɛli, ka hvo Yálá nwɛi pɔ. Ka pɛli ka laa pələ kɛ ləi ná?

Ɉaan 7:18

Nui a gbɔwɔ woo ɓo, a gbɔwɔ nwɔ mąąwiɛ kwɛli. Kɛlaa, nui a dímun nwɔ mąąwiɛ kwɛli, tɛ̨ą ɓomun, hva wɛa túwɔ́ ɓo.

Dutɛrɔnome 11:18

Nwooɠaa ŋɛ̨i gáá dɛɛ ka pɔ, ka ganąn ka kili pɔ, ka ɲili ka yee kwąną, ka ganąn ka tɔwɔla, ə gɛ, ka hvo pa lɛ̨ą diɛ.

Dutɛrɔnome 22:12

Yiihəɠəi yá bɛlɛ ə́ mɛ̨i, viliɲɛn gɛ nwəli la nąąn ma a gbuwulu pɛlɛɛ.

Dutɛrɔnome 6:8

Ka di kpulɔn ka yee kwaną, a di kili too pələ ka ŋą; ka di yili ka tɔwɔla.

Filipə 1:15

A tɛ̨ą, daɠaa da gɛ hɛn nwɛlilaa da wɛli kpɛɛmąą laa, kɛlaa, daɠaa diɛ Kristə mąą mɛ̨nį laa həli a liinɛ̨ɛ̨ gwəi.

Filipə 2:3

'Ká hvo mɛ̨nį lɔpee ta kɛ a wɛli kpɛɛ mąąlaa, a wala kɛ ti, nu ta hvo gbɔwɔ kɛnɛ̨ kiliŋąhiɛ kɛ; kɛlaa, kpɔwɔ mąą yɛɛ laa hu, ka ka ɓɛlaa kaa yɛ, ká tɛɛ-mąąɠaa.

Tɛsalonikə veelɛ 2:4

yai a tɔɔ, hɛn kpɔ da kɛ mą: yálá gəlee la, yɛ kɔ pɛlɛ kwɛli hvilɛn mɛ̨nį kəlee ɓa, yaa kpinįi, yɛ li kpɔ yɛ hee Yálá ŋą pɛlɛ́i mu, yɛ gbɔwɔ kɛ a Yálá.