Maafîu 22:3 - Yálá laawoo hɛɓɛ (dc)

³ Ə mo nwɔ tínuą diɛ, yɛ diɛ: ‹Ka li ka mo mɛlaa diɛ di pa ku ku laa mįi, mąąhɔlɔɓo, ɉáá ɉɛnɉaa kəlee kɛ pələ pɛli.› Kɛlaa, nuą ə di təli, di hvo gɛ di hvo pa.

Yálá laawoo hɛɓɛ

³ Ə mo nwɔ tínuą diɛ, yɛ diɛ: ‹Ka li ka mo mɛlaa diɛ di pa ku ku laa mįi, mąąhɔlɔɓo, ɉáá ɉɛnɉaa kəlee kɛ pələ pɛli.› Kɛlaa, nuą ə di təli, di hvo gɛ di hvo pa.

Bible

³ È ǹyée-mu-ƃelai tɛ́ɛ a gɛɛ dí diai è ƃɛlɛ-toli ƃò a dia nɛnî-kula-kuui mɛni mai tóli. Kɛ́lɛ, dífe kɛ́ ni ŋ̀wɛ̂lii dí pa.

Maafîu 22:3 Iomraidhean Croise

Mąątɛ̨nɛ̨ 68:11

Ə́ wɔ lɔi ti di di heei hɔlɔɓo ɉu, Yɛ́ Yálá, Yɛ́ ɓə nąą kɛ tii mąąwɛli nuą mąą mɛ̨ni ɓa, ə́ wɔ liinɛ̨ɛ̨ gwəi haalai.

Azaya 30:15

Mąąhɔlɔɓo, mɛ̨nįi Yai-Laa ka wɔ Yálái, a Israɛlə nwɔ Mąąhəɠəmun ə mo ya ka: Ka ɓalo mɛ̨nį a kulɔ ka hɔn mąą pənə mɛ̨nį hu, kaa ka hvii tɔɔ, ka hvaŋą kaa liilaa hu, da kilitɔɔmąąlaa, Kɛlaa, ka hvo yili pɔ.

Ɉeremi 25:4

Yai-Laa aa lɛɛ nwɔ tínuą, diɛi a gwəi mɛ̨nį hukulɔ nuą tɔɔi ka pɔ, vįi hvo ta kpɛɛ li, kɛlaa, ka hvo ta ka wəli tɔɔ li di mą, ka hvo Yai-Laa woo mɛ̨n.

Ɉeremi 35:15

Yələ kəlee, gwə́i mɛ̨nį hukulɔ nuą ŋɛ̨i a nwɔ́ tínuą, ŋą́ kɛi di tɔɔ ka pɔɔli, diɛ kɛ káá: ‹Nu kəlee ə ɲee kulɔ túwɔ́ pələ ɲɔ̨n ɉu, 'ká túwɔ́ a nɛlɛɛ, 'ká hvo hvilɛn haliɠaa pulu, kaa di mąąwiɛ. Ka yili kɛ tii, nɔi ŋɛ̨i ŋą́ dɛɛ ka ká nąnni ka pɔ, ka lɛɛ heeni ɉu, ka nwɛli kulɔ.› Kɛlaa, ka hvo ka wəli tɔɔ li, ka hvo nwóó mɛ̨n.

Osia 11:2

Nuąi kɛi di təli, di di mąąkwɛa yiliɠaai diɛ, Baaləɠaa ɓə di kɛi haláá kulɔ diɛ, hali pɛliɛɠaa ɓə di kɛi haláá hɛnŋąą kələn di lííla.

Osia 11:7

Nwɔ́ nu huwui, di yee kanąn ŋąą kpɔlɔ di wɔ hali mɛ̨nįi ɓa, di kaa di təlii diɛ kɛ di tɛ Hɛn Gəlee Nąmu pɔ, kɛlaa, di ta lɔpee hvo gɛi hvo tɛ.

Sofoni 1:7

'Ka ka laa pilɛ Ną́mu Yai-Laa lííla! Hvó gaai, Yai-Laa nwɔ hvólói mąą aa kpuwɔ. Yai-Laa aa nwɔ haláá hɛn bɛli, nuąi aa di təli, aa di mąąhəɠə.

Maafîu 21:34

Viɲə ɓai lɔwai, ɉulɔnui tii ə nwɔ kɛlaɠaa tɛɛ laa ə gɛ yii góló kɛ nuą daa gulɔ di nwɛi tɛɛ.

Maafîu 23:37

«Ɉerusalɛmə taa! Oo Ɉerusalɛmə, yɛ́i yá Yálá kwəi mɛ̨nį hukulɔ nuą paa, yiiɠaai Yálá a di tɔɔ ə́ pɔ, yɛ́ di hɔɔ a kwɛni diɛ. Ŋą́ kɛ bɔ ŋį́ ə́ lonnii kəlee ŋąąkpɔn yɛ pələi tɛ́ɛ́ kɔ́nwɔ̨lee a nonnii kəlee ŋąąkpɔn na goon mu.

Maafîu 3:2

Yɛ kɛ mą: «Ka kpəla mɛ̨nį ɲɔ̨n gɛɛ ɓa, ka ka túwɔ́ pələ mąąhvalin, Yálá-taa tɔɔlaai mąą aa kpuwɔ!»

Maafîu 9:15

Jesus ə di woo ŋąąpənə yɛ diɛ: «Gaa ka kwəi, nɛ̨ą həɠəmun mɛlaa da mąąwɛli hee ɓo a nɛ̨ą ya yələ? Yili hva kɛ tii. Kɛlaa, gaa pai kɛi a yələ ta, nɛ̨ą həɠəmun tii kaa pai həɠəi di pɔ; nąąlɔwai ɓə da hin nɔ la.

Lukə 13:34

«Oo! Ɉerusalɛmə nuą, kaai ka Yálá kwəi mɛ̨nį hukulɔ nuą paa, nuąi Yálá a di tɔɔ ka pɔ, kaa di paa a kwɛni. Ŋą́ą́ ɉukɔɔn gee mɛ̨i tamąą, gɛ́ ŋą ə́ lonnii ɲąąkpɔn yɛ bələi tɛ́ɛ́ kɔ́nwɔ̨lee a nonnii ɲąąkpɔn na goon mu. Kɛlaa, ka hvo gɛ li.

Lukə 15:28

Nu pɔlɔ laa mun ə niiɲąnwąną hvo kpɛli gɛ hvo lɔ bɛlɛ́n. Nąn ə kulɔ ɲɛnɛ̨ɛ̨, ə də li, ə niɛwoo ɓo yɛ mą: ‹'Lɔ.›

Lukə 19:27

Yii ɓaa nuą tii kɛ diɛ, di hvo nwɔ́ tɔɔlaa pɔi, ka pa a diɛ ɓɛ, ka di paa ɲɛ̨́i ɓa.›»

Ɉaan 5:40

Kɛlaa, ə mą kɛ tii, ka hva gɛ, ka hvo pa bɔ́, ka hvo yɛnɛ̨ɛ̨i kpɛɛ hvo mą hɔlɔɓo.

Gɛlaɠaa 13:45

Yii kɛa Ɉuifəɠaa di nu kpului ti kaa, di kɛli hvɛɛ a lííholi, diɛ Polə laa hɛatoo, diɛ nalan.

Lomaŋ 10:21

Kɛlaa, yii hvilɛn na Israɛlə lonnii diɛ: «Yálá yɛ: ‹Yələ kəlee, nuąi kɛ di kwɛli təɛ, diɛ kulɔ nwóó mu, diɛ ɓə ɲee haŋąa kɛ di pɔ pələ.›»

Hebreu 12:25

Ká gɛ a nɛlɛɛ, ká hvo ká wəli walawala nui ká təli nwoo tɔwɔ! Mąąhɔlɔɓo, akɛ, nuąi di wəli walawala di kilaa ponomun nwoo tɔwɔ ɓɛ lɔi mɛ̨i, di hvo kulɔ li nwun napili hui, gu hvomun kɛ guɔ kpɛlimąn, gu hva pɛli kulɔi nwun napili tɔ̨nɔ̨i ti hu, akɛ, nui yələi pələ, yɛ pələ ɓo guɔ, gwa gu pulu tɔɔ mą.

Hebreu 9:15

yili ɓə gɛ, gaa a mįnɛ̨ nįnɛ̨ laamun, a mįnɛ̨ nįnɛ̨ hukɔw. Ə haa, əgɛ, ə nu kanŋaa nwun mąąɓo di wɔɔ nɛ̨ŋɛ̨nŋaa yəi, yai di ɉəɠə mįnɛ̨ tɔlɔɔ tii yee mu; yili pɔ pələ ɓə, nuąi Yálá aa di təli, da pɛlimą kɛa, mɛ̨nį nɛ̨ɛ̨ɠaa naakwɛlanmoɔ, di ɉɔlɔɓo a yələ kəlee mɛ̨nį.

M̀ɛni-lɛɛi 22:17

Kili, ɛlɛɛ, da ɉilɛtai nɛ̨ą, diɛ mą: «'Pá!» Nui a mɛ̨n, ə mu hon yɛ mą: «'Pá!» Nui kpələ wɛli kaa mą, ə pá, ɲái a yɛnɛ̨ɛ̨ tɛɛ nu pɔ, nui nwɛli kaa mą, ə ɉon a mɛ̨inɛ̨ɛ̨.

Samuɛlə dɔlɔɔ 9:13

Ka lɛɛ kpɔlɔɔ tɛi taai, ka li ka həli mą, hvo tɛɠa kɛ pai lii ɉala kulɔi pələ. Mąąhɔlɔɓo, yaa tii ɓə nuą kaa mąąkpɔn ɉii; di hva pɛli kɔ̨nɔ̨n mįi dɔwɔ. Gbala ə tɔɔ, ya ɓə mąąnɛ̨ɛ̨ ə lúwɔ́ too ɉaláá kɔ̨nɔ̨n ma. Yili kɛɛ pulu ɓə, nuąi di di təli, da pɛli kɔ̨nɔ̨n mįi la. Ka li kɛa, nwɛi tii, ka káá lii gaai háákələi.»