Maafîu 22:29 - Yálá laawoo hɛɓɛ (dc)

²⁹ Jesus ə di woo ŋąąpənə yɛ diɛ: «Ka káá ka kpɔɔ ɓowoi, mąąhɔlɔɓo, ka hvo Yálá laawoo hɛɓɛ́ kɔ́lɔn, ə mą kɛ Yálá nwɔ huwalawala.

Yálá laawoo hɛɓɛ

²⁹ Jesus ə di woo ŋąąpənə yɛ diɛ: «Ka káá ka kpɔɔ ɓowoi, mąąhɔlɔɓo, ka hvo Yálá laawoo hɛɓɛ́ kɔ́lɔn, ə mą kɛ Yálá nwɔ huwalawala.

Bible

²⁹ Kɛ́lɛ, Zîsɛ è díwoo su tòo, ǹyɛɛ diai, “Ka pɔara-maa kɛ̂i. Káfe Ŋ̀âla-kɔlɔi kɔlɔŋ kpaa máŋ Ɣâla ŋɔwala-wala-laai.

Maafîu 22:29 Iomraidhean Croise

Zɛnɛse 18:14

Akɛtii, mɛ̨nį ta a pɛli kɛi a nwalawalaa Yálá yəi? Gwɛlan tii pai, ŋą́ pənə ŋą́ pa ɓɛ ə́ pɔ a ɓɛlɔwai, Sara a lon ɉulɔnu hɔlɔɓo.»

Mąątɛ̨nɛ̨ 17:15

Nwɛ́i, tələnmolaa hu ɓə gáá pai ə́ ɲɛ̨ilai kaai laa, ŋą́ pa ŋį́nąą ɓoi, ŋą́ pilɛ a ə́ ɲɛ̨ilai.

Azaya 25:8

Gaa pai haa nwun na pilii a yələ kəlee mɛ̨nį, Nąmu Yálá kaa pai nu kəlee ɲɛ̨iyá kələi ɲɛ̨i, yɛ nwɔ nuąi di wɔ laa nɔ̨nwɔ̨ mɛ̨nį həɠə di mɛ̨i, lɔi kəlee hu, Yai-Laa yaa kpinįi ɓə mo.

Azaya 26:19

Ə́ wɔ nuąi daa haa di kaa pai pənəi di yɛnɛ̨ɛ̨ kɛ, di pɔwaɠaa kaa pai pənəi di nwun. 'Ka ka muhəɠə! 'Ka tómą a kwəinɛ̨ɛ̨! Kaai ŋɛ̨i munuun ɉu puunii! Mąąhɔlɔɓo, yɛ́ nɛ̨n-ɲái kaa a kɛɛpono nɛ̨nɲá, ɛlɛɛ, lɔi kaa pai yɛnɛ̨ɛ̨ tɛɛi haa nuą pɔ.

Ɉeremi 32:17

«Ée Yai-Laa nwɔ́ Yálá! Yɛ́ ɓə yələ kɔ́lɔn da lɔi di pɛli a ə́ wɔ yeewalawalaa, a ə́ yee kɔ̨nwɔ̨n ɉuwalawalaa, ə́ yee a pɛli mɛ̨nį kəlee ɓa.

Osia 13:14

A kɛ tii, hvo kɛli mɔ̨ɔ̨ ŋį́ pa nwun mąąɓo ɲąmuątaa yəi? Hvo kɛi ŋį́ pa gulɔ haa yəi? Haa, ə́ wɔ nu paa ɲɔ̨nŋąąi kaa mį? Ɲąmuątaa, ə́ wɔ nu kɛlɛ gbɔn kaa mį? Nu ɲɛ̨imąąwɛli kaa kilii lɔpee hvo ɲɛ̨i pɔ.

Maafîu 22:28

Akɛti, haaɓɛlaa muhəɠəi lɔwai, nɛ̨ɛ̨nui tii a kɛ a nu mɛ̨ihveelɛi tii nɛlɛ nɛ̨ą? Mąąhɔlɔɓo, nɛ̨ɛ̨nui tii ə hilɛtaai kɛ gəlee pɔ.»

Markə 12:24

Jesus ə di woo pulu pənə, yɛ diɛ: «Ka káá ka kpɔɔ ɓowoi lə mɛ̨nį ɓa? Ka hvo Yálá laawoo hɛɓɛ́ kɔ́lɔn, ka hvo Yálá nwɔ huwalawala kɔ́lɔn.

Lukə 1:37

Mąąhɔlɔɓo, mɛ̨nį ta hvo walawala li Yálá yəi.»

Ɉaan 20:9

Yaan galan nɛa di hvo ni kɛ Yálá laawoo ŋɛ̨i kɛ diɛ: Jesus kaa pai muhəɠəi ə kulɔ haaɓɛlaa lɔwai; di hvo nii kɛ ŋąą kaa li.

Gɛlaɠaa 26:8

Kaai ɓaa Ɉuifəɠaa, lə mɛ̨nį ɓa yai, haanuą nwun mɛ̨nį Yálá yəi, hva pɛli kɛi a tɛ̨ą, ká taɠaa gwəi?

Lomaŋ 15:4

Yaan mɛ̨nįɠaai kpɔ bɛ̨ɛ̨ Yálá lawoo hɛɓɛ́ hu, di gəlee pɛ̨ɛ̨ gu mąąkwɛli mɛ̨nį ɓa. Ya ɓə a gɛ, liikpələ da hvaŋąlɔi Yálá lawoo a dɛɛ gu pɔ ɉaalai, gu kilitɔɔmąąlaa hɔlɔɓo.

Korɛntə dɔlɔɔ 15:34

'Ká pənə ká hvilɛn tɛ̨ą pələ mɛ̨i, 'ká hvo nɛ̨ŋɛ̨n ɉəɠɛɛ. Gbala ə tɔɔ, ká taɠaa di hvo Yálá kɔlɔn, gáá yili ɓoi a ká nwumɛ̨ mɛ̨nį.

Filipə 3:21

yai pai, gɔlɔ mąąwɛliɛ ŋɛ̨i guɔ, mąą hvalin ɉii a kɔ́lɔ mąąwiai gɛ pələ ə ɓo yɛ nwɛi. A yili kɛ a nwɔ huwalawalai gaa pai heei la hɛn gəlee mɛ̨i.