Maafîu 22:13 - Yálá laawoo hɛɓɛ (dc)

¹³ «Tɔɔmun ə mo nwɔ tínuą diɛ, yɛ diɛ: ‹Ka nui ŋɛ̨i yee laa bulu, ka ɲili, ka gɔwɔ kwaną yili, ka bili ɲɛnɛ̨ɛ̨ gbinį hu ɓɛi wɔ́lɔ́ da ɲį́n ɲa mįi di kaa laa.›»

Yálá laawoo hɛɓɛ

¹³ «Tɔɔmun ə mo nwɔ tínuą diɛ, yɛ diɛ: ‹Ka nui ŋɛ̨i yee laa bulu, ka ɲili, ka gɔwɔ kwaną yili, ka bili ɲɛnɛ̨ɛ̨ gbinį hu ɓɛi wɔ́lɔ́ da ɲį́n ɲa mįi di kaa laa.›»

Bible

¹³ Nya ƃe gâloŋ è mò ǹyée-mu-ƃelai dîa, ǹyɛɛi, ‘Ka ŋíri ǹyée da gɔ́ɔ ḿâ ká bili gbínii su. Ǹaa ƃe a pâi kɛ̂i naa gɛ̀ wɔ̂lɔ, gɛ nyíŋ-ŋa-mii.’

Maafîu 22:13 Iomraidhean Croise

Mąątɛ̨nɛ̨ 112:10

Wea mun a nąą kaa, yili yɛ lɔ mą kɛnɛ̨, yɛ naa hvaną, yɛ kpala; nuąi di hvo Yálá pɔ, di líiɓaɠaa da lɛɛ a kpɛli.

Mąątɛ̨nɛ̨ 37:12

Nui hva Yálá mąąwiɛ, a lɔgilii kɛ a tələnmomun, yɛ naa hvaną a mąą mɛ̨nį.

Azaya 52:1

'Ə́ muhəɠə, 'ə́ muhəɠə, ə́ ə́ wɔ huwala walai ɲąątɛ, oo Siɔn, ə́ wɔ mąąwiɛ həɠəɠaai too ə́ kwaną, Ɉerusalɛmə, yɛ́i ə́ kaa a mąąhəɠə taa; mąąhɔlɔɓo, ə həɠə háákələi ɓa, kɛ́nɛ̨ kpoloa da nui mąą hvo həɠə li di hva kɛa lɔ ə́ pɔɔli.

Danîa 3:20

Yili pulu, ə mo nwɔ kɔ́kuláá ɉuwalawalaaɠaa diɛ, yɛ diɛ: di Sadrakə, Mesakə da Abɛdə-Nego ni hon, di di yili, di di pili vuulu nwɔ̨n ɉu.

Maafîu 12:29

Nu ya pɛli ə huwalawala mun yəi hɛnŋąą həɠə pələ kɛ ləi ɲəi, akɛ hvo ɲili li hvo naa, yili pulu, yɛ tɛɠa pa gwɛlin ɉəɠəi a ə́ wɔ!

Maafîu 13:30

Yili ɓa, ka nɛɛ lɔ tii ə lɛɛ la Ɉu deei lɔwai ə ɉəli. Deei lɔwai, ŋą mo nuą diɛ, gɛ́ diɛ: «Ka gala ɲɔ̨nwɔ̨ɔ̨ɠaa kulɔ tɔlɔɔ ɉu, ka ɲili a dee, ka bɛlɛ gee ɓa, ka nwɔ̨n doo ɉu. Yili pulu, ka nwɔ́ hihɛn gɔwi pu ɲə́i gələi.»›»

Maafîu 13:42

Di di pili nwɔ̨n ɉu, ɓɛi wɔlɔ da ɲį́n ɲą mį́į́ tin di kaa laa.

Maafîu 13:50

Da mɛ̨nį ɲɔ̨n gɛ nuą pili nwɔ̨n ɲii hva luwun ɉu, ɓɛi wolo woo da ɲį́n ɲą míi tin di kaa laa.»

Maafîu 24:51

A pa, a góló kɛmun tii hon ə doo gaho ŋą, ɓɛi nui ti da mɛ̨nį ɲɔ̨n gɛ nuą di wɔ laanɔ̨nwɔ̨ a kɛ laa a bɛliɛ, wɔlɔ da ɲį́n ɲa mįi hu.»

Maafîu 25:30

Yii ɓaa góló kɛmun viɲąą tii nwɛi, 'ka ɉon ka bili ɲɛnɛ̨ɛ̨ pələ ɓɛi wɔlɔ da ɲį́n ɲąą mįi di kaa laai.›»

Maafîu 8:12

Kɛlaa, kaa mun ŋɛ̨i a Ɉuifəɠaa, dɔɔlaa yɛ ɓo a ka wɔɔ, da ka kpɛ, di ka pili kpinį hu, ɓɛi wɔlɔ da ɲį́n ɲą mį́į́ di kaa laa.»

Lukə 13:28

«Ɓɛlɔwai ka káá pai Abrahamə, Isaakə, Ɉakɔbə da Yálá kwəi mɛ̨nį hukulɔ nuą kaai la Yálá-taa tɔɔlaa hu, kaa ŋɛ̨i kaa ɓo ɲɛnɛ̨ɛ̨ pələ, nąąlɔwai ɓə ka káá pai wɔlɔi la, kaa ka ɲįn ɲą mį́į́.

Ɉaan 21:18

Jesus yɛ mą: «Gáá moi yɛ́ a tɛ̨ą, ɓɛlɔwai ə́ kɛ la a hulɔnon, ə́ kɛi yala tɔɔ, ɓɛi lɔpee ya kɛ bɔ, yɛ li laa, kɛlaa, ya pa pɔlɔi, ə́ kaa pai ə́ yee haŋąi, nu takpɛli ə yala tɔɔ ə́ hąą, ɓɛi hvo bɔ, yɛ li laa a yɛ́.»

Gɛlaɠaa 21:11

Ə lɛɠɛ kuɔ, ə Polə nwɔ yalai kulɔ ɉąą, ə gɔwɔ da ɲee pɛlɛ gee ɓa, ə ɲili la, yɛ mą: «Mɛ̨nįi Kili-Mąąhəɠɛɛ kaa moi ya ka; yɛ diɛ: Nui bɔɔ ɓaa ɲalai ŋɛ̨i, bələ ɓə Ɉuifəɠaa kaa li ɲili la Ɉerusalɛmə, di dɛɛ nwɛ̨ąą pɔ.»

Gɛlaɠaa 7:54

Nwooɠaa ti ə di liikələn di kwəi, diɛ di ɲįn ɲą mįi, diɛ di laa hvaną a Etiɛnə.

Tɛsalonikə veelɛ 1:9

Di hutɔɔ mɛ̨nį kaa pai kɛi a gahoi kpɛɛ hvo mą, di mąąkwɛaa gu Nąmu ɓa, da ŋą mąąwiɛlaai,

Piɛrə veelɛ 2:17

Nɛɛ kalan gɛ nuą ti, di kaa yɛ yaton yii aa kpala, di ɓo yɛ tulɔ-kpinįn yii hvaŋą a tɛɛ la, Yálá aa di heei pɛli kpinį kpon ɉu kwɛaa hu.

Piɛrə veelɛ 2:4

Akɛ malakaɠaa ŋɛ̨i hɔn ɲɔ̨n gɛ, Yálá hvo di ɲɛ̨i mąą wɛli kaa, ə di pili kpinį hu, lɔwa kpon gweaa hu ɉahanąmą, di ɓo laa diɛ kiti teei lɔwai mąą kpɔn.

Zûu 1:13

Bələi tii yá a hulúún na vili tɛ mɛ̨i, bələ lɔ ɓə nuą tii da di nwumɛ̨ mɛ̨nį kulɔ la ponoŋą. Di kaa yɛ pɛmɛ̨lɛ̨n gɔw yiiɠaai di kaa lɔ gilɛ ŋą, Yálá aa kpinį kɛnɛ̨ pɛli di laa ɓa.

Zûu 1:6

Ɛlɛɛ, ka kili kaa ɉu kaa, malakaɠaai Yálá ə tɔɔi kɛnɛ̨ tɛɛ di pɔ, di lənə mą; di həɠə Yálá-taa ɓɛi kɛ a di heei kpɔ-kpɔ. Yili ɓə gɛ Yálá ə di yili a yɔwɔn, ə di pili kpinį hu, di lɛɛ laa diɛ giti kpəli tee yələ mąąkpɔn.

M̀ɛni-lɛɛi 21:27

Mɛ̨nį kɔhɔɓoɔ da lɛɛ, di ha lɛɛ nu ta yee pɔ hvo lɔ la laa, kɛlaa, hvo kɛli lɔ nuąi di laa pɛ̨ɛ̨ kaa mɛlaa lon ŋą yɛnɛ̨ɛ̨ kɛ hɛɓɛ́ hu, diɛ ɓə da lɔ laa.