Maafîu 21:12 - Yálá laawoo hɛɓɛ (dc)

¹² Jesus ə lɔ Yálá hee pɛlɛ́ mu, ə lɔwɔ́tɔɔ nuą da wali mąąhvalin nuą kaa laa, ə haŋą diɛ ə di kpɛ. Ə nwali mąąhvalin nuą di wɔ taɓaliɠaai laapɛlɛ, ə donwələn nɔwɔtɔɔ nuą di wɔ kpəlinŋąai too.

Yálá laawoo hɛɓɛ

¹² Jesus ə lɔ Yálá hee pɛlɛ́ mu, ə lɔwɔ́tɔɔ nuą da wali mąąhvalin nuą kaa laa, ə haŋą diɛ ə di kpɛ. Ə nwali mąąhvalin nuą di wɔ taɓaliɠaai laapɛlɛ, ə donwələn nɔwɔtɔɔ nuą di wɔ kpəlinŋąai too.

Bible

¹² Nya ƃe Zîsɛ è lɔ̀ Ŋ̀âla-pɛrɛ Kɛ́tɛi mu é bɔni-tɔɔ-ƃelai kpɛ́ naa, é zɛŋ-kao maa-faleŋ-ƃelai díteƃele-ŋai pene é bɛ̀lɛ da dòloŋ kɔlɛ-ƃelai dísee-sɛŋ-ŋai.

Maafîu 21:12 Iomraidhean Croise

Lɛɛ gbɔwɔ ɓa 30:13

Wali lɔɔli, yɛ bələi gaa la Yálá hee pɛlɛ́ mu, a wali leelee, ya ɓə nui lɔpee di kaa pai nonon ɉii a gulɔ, a wali kɔ́w lɔɔli a nįįhɔ̨nwɔ̨, a Yai-Laa nwɔɔ.

Levetekɔ 1:14

«Akɛ, nwɛ̨ni ɓə di paa la a Yai-Laa kɔ́ hɛn, diɛ gəlee kələn, ə kɛ a tonwələn, a wala kɛ tii, ɓopo.

Levetekɔ 12:6

«Non gaa nɛ̨ɛ̨nu mąąhəɠə hvóló a kpɛɛ, ə kɛ a lon ɉulɔnu, ə kɛ a lon nɛ̨ɛ̨nu, mąąnɛ̨ɛ̨ ɓɛlaa lon yii aa kwɛlan dɔ̨nɔ̨ kɛ, ə li la gee kaa kələ laaləi ɉaláá laa həli mun bɔ, di gulɔ a haláá yii da gəlee kələn; da tonwələn dɔ̨nɔ̨, a wala kɛ tii ɓopo tɔ̨nɔ̨, di gɛ a nɛ̨ŋɛ̨n mąąhvaalɛɛ haláá hɛn.

Levetekɔ 12:8

«Akɛ a wala pɛli ɓɛlaa lon ɉɔ̨nwɔ̨ hɔlɔɓoi, tonwələn veelɛ ɓə a paa la, dɔ̨nɔ̨ ə kɛ a haláái da gəlee kələn; dɔ̨nɔ̨ ə kɛ a nɛ̨ŋɛ̨n mąąhvaalɛɛ haláá. Ɉaláá laa həli mun a nɛ̨ŋɛ̨n mąą hvaalɛɛ kóló kɛ nɛ̨ɛ̨nui tii ɓa, a kɛ tii, mąą aa həɠə.»

Levetekɔ 14:22

Tonwələn veelɛ a wala kɛ tii ɓopo hveelɛ, yii ɲee a pɛli mą. Dɔ̨nɔ̨ a kɛ a nɛ̨ŋɛ̨n ɉaláá dɔ̨nɔ̨ ə ɓo a haláái da gələn.

Levetekɔ 14:30

Dowənən a wala kɛ tii mopo hveelɛi ti, yii lɔpee nu yee a pɛli mą,

Levetekɔ 15:14

Voló mɛ̨ihaaɓa yələ a pa a tɔ́nwələn veelɛ a wala kɛ tii ɓopo hveelɛ, ə paa la Yai-Laa lííla gee kaa kələ laaləi, ə di tɛɛ ɉaláá laa həli mun bɔ.

Levetekɔ 15:29

Voló mɛ̨ihaaɓa yələ, a tonwələn, a wala kɛ tii ɓopo hveelɛ həɠə, ə paa la ɉaláá laa həli mun bɔ gee kaa kələ laaləi.

Levetekɔ 5:11

«Nu ta yee a wala pɛli lɔwɔ tonwənən veelɛ ɓa, a wala kɛ tii kwii tonwənən veelɛ ɓa, a pɛli mą ə pa a lɛɠɛ hunwɔ̨ kəgən ɉu nąąn, a nɛ̨ŋɛ̨n mąąhvaalɛɛ haláá hɛn; hva wulɔ kɛ mą, hva lansan hee gwɛlɛ. Mąąhɔlɔɓo, nɛ̨ŋɛ̨n mąąhvaalɛɛ haláá li.

Levetekɔ 5:7

«Hɛn a wala kɛ nu yəi yɛ pɛli taatɛlɛɛ hɔlɔɓoi, mąą nu a nɛ̨ŋɛ̨n ɉəɠə, a pɛli mą ə pa Yai-Laa pɔ a lɔwɔ tonwələn veelɛ, bɔɔŋą pɛli mɛ̨nį ɓa. Awala kɛ tii, kwii tonwələn veelɛ, da dɔ̨nɔ̨ kɛ a mąąhvaalɛɛ haláá hɛn, di dɔ̨nɔ̨ kɛ a haláá hɛn yii da gəlee kələn Yai-Laa ɓa.

Markə 11:11

Jesus lɔɔ kɛa Ɉerusalɛmə daai, ə li Yálá hee pɛlɛ́ mu. Yii kɛa ə nąą mąą kpɛɛ, da nwɔ kalan nɛai di tɛɛ diɛ li, Bɛtani daai. Mąąhɔlɔɓo, kpinį pɛlɛɛ kɛa kɛ.

Lukə 2:24

Ɉaláá yii Ną́mu ə vaaɓo, di yili kulɔ, ya ɓaa: «Tonwələn veelɛ da ɓopo hveelɛ.»

Ɉaan 2:13

Ɉuifəɠaa di wɔ hɛli ŋɛ̨i da kɛ mą pakə, mąą kpua kɛa kɛ, Jesus ə li Ɉerusalɛmə daai.