Maafîu 20:30 - Yálá laawoo hɛɓɛ (dc)

³⁰ Ɲɛ̨i pu nuą hveelɛ di kɛ heeni bələ kwɛlɛ, yii kɛa di Jesus paa mąą woo mɛ̨n yɛ tɛɛ, di nu hveelɛi di tómą kpɔ kɛnɛ̨ diɛ mą: «Davidə Lon Ną́mu ku ŋɛ̨i mąąwɛli kaa!»

Yálá laawoo hɛɓɛ

³⁰ Ɲɛ̨i pu nuą hveelɛ di kɛ heeni bələ kwɛlɛ, yii kɛa di Jesus paa mąą woo mɛ̨n yɛ tɛɛ, di nu hveelɛi di tómą kpɔ kɛnɛ̨ diɛ mą: «Davidə Lon Ną́mu ku ŋɛ̨i mąąwɛli kaa!»

Bible

³⁰ Ŋɛi-pu-ƃela feerɛ dí kɛ̀ see ni berei kɔlɛ. Tãi dí mɛ̀ni la a gɛɛ Zîsɛ è kɛ̀ tɛɛ̂i a naa-perei tíi, dí làɣi dîyɛɛi, “Deeƃé Ǹóŋ, Kúnuu-namui, kúmalôŋ káa!”

Maafîu 20:30 Iomraidhean Croise

Mąątɛ̨nɛ̨ 146:8

Yai-Laa a ɲɛ̨i punuą ɲɛ̨i hvoloon, Nuąi diɛ di too, Yai-Laa a di hąŋąn ə di tɔɔ, Yai-Laa a tələnmo nuą wɛlila kɛ.

Azaya 29:18

Mąą yələi tii, wəli wolo nuą kaa pai ɉɛɓɛ́ hu woo mɛ̨n ɉii, ɛlɛɛ, diɛ kulɔ kpinįi; ɲɛ̨ipunuą kaa pai kɛɛ kaai.

Azaya 42:16

Gáá pai ɲɛ̨ipu nuą hvilɛn ɉii pələi di hvo gɔlɔn mɛ̨i, lɔwɔ mu pələɠaai di hvo di kɔ́lɔn, diɛ ɓə da kɛ hiɛi mɛ̨i, gɛ́ kpinį mąąpənə di ɲɛ̨i tɔwɔ a kɛɛ pɔ̨nɔ̨, gɛ́ pələ hu heɛɠaa mąąpənə a ɉaŋąą, gáá pai mɛ̨nįɠaai tii kəlee kɛi, vá dɔ̨nɔ̨ kpɛli lɛɛ laa.

Azaya 42:18

Wəli wolo nuą, 'ka mɛ̨nį mɛ̨n! Ɲɛ̨ipu nuą, ka ka ɲɛ̨i hee, ɛlɛɛ ka kɛɛ kaa!

Azaya 59:10

Kuɔ hiɛ ɓɛ ɓɛ, yɛ ɲɛ̨i punuą, da həli pɛlɛ nwąną ɓa, kuɔ ku kɔ́wɔ kpəŋə, tɛ tɛ, yɛ nuąi di ɲɛ̨i hvo diɛ, Hvóló ɲą ɉə ɉə, kuɔ ku kɔ́wɔ tuwo, yɛ nuą da kɛ kpinįi, ku mą kɛ kɔ́lɔi pɔ̨nɔ̨ hu, gaa yɛ kwa kɛ a haa nuą.

Maafîu 13:4

Yii ə kɛi mɔ̨nun ɉuwu pili nwɔ tíi ɓa; mɔ̨nun gɔw taɠaa di too bələ kwɛlɛ. Nwɛ̨niɠaa di gbələ.

Maafîu 15:22

Kanaan nąąnu ta ə kɛ laa nɔi tii hu, ɲį́nɛ̨n ə ɓo non nɛ̨ɛ̨nu pulu yɛ naanɔ̨nwɔ̨ ɓo kpɔ a mɔlɔɔ. Nɛ̨ɛ̨nu tii ə pa Jesus pɔ ə wɔlɔ ma yɛ mą: «Davidə Lon, Ną́mu, ɲɛ̨́i mąą wɛli kaa. Ɲį́nɛ̨n gaa nón nɛ̨ɛ̨nu pulu yɛ naanɔ̨nwɔ̨ ɓo kpɔ a mɔlɔɔ, gɛ́ ə́ gbɛ bulu.»

Maafîu 20:31

Nu kpului tii di kɛi di woo hupu diɛ kɛ diɛ: ka ka laa pilɛ. Kɛlaa, ə mą kɛ tii, di kɛi lɔ tómą yɛ tɛɛ dɔlɔɔ ɓa; diɛ kɛ mą: «Ną́mu Davidə Lon ku ŋɛ̨i mąąwɛli kaa.»

Maafîu 21:14

Ɲɛi pu nuą da kɔ́wɔ nwąną nuą di lɛɠɛ Jesus ɓa Yálá hee pɛlɛ́ mu ə di kɔ́lɔi pono.

Maafîu 21:9

Nu kpului tii kɛ bulu pələ da dɔwɔ pələ di kɛi tómą diɛ kɛ mą: «Mąąwiɛ ə kɛ Davidə Lon ɓa. Nui ŋɛ̨i gaa pai Ną́mu laa hu, lúwɔ́ ə kɛ mą. Mąąwiɛ kaa Yálá ɓa yələkɔlɔn ɉu!»

Maafîu 22:42

«Ka kɛ ka kiliɉaniɛ ləi Nwun mąąɓomun Yálá ə naakwɛlanmo mąą mɛ̨nį ɓa? Ka gaa, gaa a gbɛɛ huwu hu mun da?» Di nwoo ŋąąpənə diɛ mą: «Davidə lon ɉulɔnu li!»

Markə 10:46

Jesus da nwɔ kalan nɛai di həlie Ɉeriko daai, di kɛɛ kɛa kulɔi taai, nu kpulu kɛnɛ̨ ə hvilɛn di pulu. Ɲɛ̨ipumun da, yii da kɛ naa ɓa: Bartime Time lon ɉulɔnu, ə kɛ heeni bələ kwɛlɛ yɛ nuą hvɛli.

Lukə 4:18

«Ną́mu nwɔ Kilii laai mɛ̨́i, aa ɉə́ɠə́ ɉu, əgɛ, ŋą wɛlɛɛ lɛlɛɛ laa həli mąąwɛli nuą diɛ. Ə dɔ́ɔ́, əgɛ, ŋą gaho nąmįną di wɔ nwun mąąɓo mɛ̨nį laa həli diɛ, əgɛ, ŋą ɲɛ̨ipu nuą ɲɛ̨i hvólón, əgɛ, nuąi di laanɔ̨nwɔ̨ ɓoɔ ŋą di nwun mąąɓo,

Lukə 7:21

Nąąlɔwai tii hu kpɔlɔɔ, Jesus ə ɲɔ̨n gɛ nuą tamąą kɔ́lɔi pono, yɛ ɲį́nɛ̨n gbɛ daɠaa pulu, ə lɛɛ, yɛ ɲɛ̨ipu nuą ɲɛ̨i hvólóon.

Gɛlaɠaa 2:30

Kɛlaa, ə kɛ a Yálá kwəi mɛ̨nį hukulɔ mun, gili ə kɛ kpɔ ɉu yɛ diɛ, Yálá aa nwoo kwɛlɛ mą, aa gwɛla yɛ mą: gáá pai ə́ huwu ta heei ə́ wɔ tɔɔ kpəlin hu.