Maafîu 20:2 - Yálá laawoo hɛɓɛ (dc)

² Ɲələ walai tii hu, ə nuą hɔlɔɓo da diɛ ni di pɛli ɉu, yɛ diɛ: Gáá hvóló tɔ̨nɔ̨ wali tɛɛi ka pɔ a wali kwələ tɔ̨nɔ̨ nu tɔ̨nɔ̨. Ə di tɛɛ ɲei ɉihɛn ɲɛa.

Yálá laawoo hɛɓɛ

² Ɲələ walai tii hu, ə nuą hɔlɔɓo da diɛ ni di pɛli ɉu, yɛ diɛ: Gáá hvóló tɔ̨nɔ̨ wali tɛɛi ka pɔ a wali kwələ tɔ̨nɔ̨ nu tɔ̨nɔ̨. Ə di tɛɛ ɲei ɉihɛn ɲɛa.

Bible

² Tãi díi-kɛ-ƃelai dí nâa fàa la ma a gɛɛ é dífela fé a sêleŋ tɔnɔ fólo mai, è dítɛ̀ɛ ŋɔkpâlaŋ ŋá.

Maafîu 20:2 Iomraidhean Croise

Tɔɔɓɛlaa dɔlɔɔ 18:12

Gbəli hu, gáá lɔ pai həɠəi ɓɛ, Yai-Laa nwɔ Kilii yɛ li a yɛ́ ɓɛi və́ nąą kɔ́lɔn; ə lɛɛ, ŋą́ mo Akabə ɓa, a wala ə́ kaa, gaa pai báái. Ya pa, ə həɠə múhəɠə yələ ɓa, ŋą́ ɲɔw Yai-Laa ɓa.

Kɔlɔnikɔ Veerɛi 34:3

Nwɔ tɔɔlaai gwɛlan mɛ̨ihaaɓa lɔwai, ə ɓo nii a hulɔnon, ə gɔɠɔ tɔɔ yɛ nąn Davidə nwɔ Yálái liiɓa kwɛli. Nwɔ kwɛlan bow kɔ́w hveelɛ lɔwai, ə ɲəə pɛlɛ Ɉuda da Ɉerusalɛmə mąąhəɠə kolo ɓa, yɛ ɉali kɔ́iɠaa, da nwuluɠaai di kɛi gɔ́, ɉaliɠaa mąąnįnįnŋąąi di bɛli a wulu, wala kɛ tii, di bu, ə gəlee kulɔ nɔi.

Ikilisiati 12:1

Yɛ́i ŋɛ̨i a nunwunu! Ə́ nwunu yələi tii, 'hvó lɛ̨ą ə́ pɛli Yálá ɓa. Gɛɛ ə́ pɔlɔ yələ hvo kɛ həli mą, gɛɛ hvó pa kɛ diɛ: «Yɛnɛ̨ɛ̨ kun aa hee ɉú!» Ə́ kili lɛɛ ə́ pɛli Yálá hu.

Maafîu 18:28

Ɉulɔn əí tii di mąąhvaalɛɛ, ə kulɔ lɔ ə mɛlan da kaa nwɔ hɛn mɛ̨nį yɛ ɓo yili ɓa, a túwɔ́ yɛa tɔ̨nɔ̨ wali. Ə nɛɛmą ə wolo yili ɓa, ə ɉon a gwaną, yɛ kɛ ə baa; yɛ mą: ‹Nwɔ́ hɛn mɛ̨nį kulɔ ɉu!›

Maafîu 20:1

«Yálá-taa tɔɔlaa kaa yɛ; hulɔnu ta yii kólo ə kɛ ɲei. Ə kulɔ yələ wala pɔ yɛ kólo kɛ nuąa kwɛli, ə gɛ, ə di tɛɛ ɲei ɉihɛn ɲɛa.

Maafîu 20:13

Kɛlaa, góló nąmu ə mo dɔ̨nɔ̨ ɓa yɛ mą: ‹Náwəi! Və́ kɛ ə́ hulu li. Gu pɛli kɛ ɉu, gɛ yɛ́, ŋą hvóló tɔ̨nɔ̨ wali tɛɛ ə́ pɔ a wali kwələ tɔ̨nɔ̨, hvo kɛ tii?

Maafîu 20:3

«Ə pənə nwɔ̨nɔ̨ ə li gɛɛnąą tɔ̨nɔ̨i tii ɓa, ə nu takpɛliɠaa kaa laa tɔɔ ni, a kpɔn nii lɔwai, di hvo kɛi hɛn da kɛ.

Maafîu 20:9

«Nuą kɛ pa a hvóló laa kpɔlɔ ŋą, di wali kwələ tɛitɛi tɛɛ di pɔ.

Maafîu 22:19

Wali yii ka kɛ nįįhɔ̨nwɔ̨ kulɔi la ka paa la ŋą́ gaa.»

Maafîu 9:37

Jesus ə mo kɛa nwɔ kalan nɛai diɛ, yɛ diɛ: «Ka káá gaai, mɔ̨nun gbala kɛnɛ̨i, kɛlaa, dee nuą di hvo tamą li.

Markə 12:15

Kɛlaa, Jesus ə gɔlɔn gɛ yɛ, tɛ̨ą kaa di kwəi, diɛ now mą. Ə mo diɛ, yɛ diɛ: «Lə mɛ̨nį ɓa ka káá bɔ ka ŋą́ą́hɛŋi? Ni kɔ́wi tii ka kɛ nįįhɔ̨nwɔ̨ kulɔi la, ka pa a da bɔ́ ŋį́ gaa.»

Lukə 1:15

Mąąhɔlɔɓo, gaa pai kɛi a nu kɛnɛ̨ Yálá ɲɛ̨i ɓa. Dɛa ɓa pai kɛi a lɔɔ da kpələ hɛnŋąa lɔpee nwəleen gaa ɉu. Yɛ nu nwun ɉu tinɛ̨n, mąąhɔlɔɓo, Kili-Mąąhəɠɛɛ kaa pai kɛi ɲəi ə həɠə gaa yələ ɓa ə lɛɛ la ɉu ɉaa yələ.

Lukə 10:35

Mąą yələ laa ɓoɔ, ə túwɔ́ yɛa hveelɛ wali həɠə ə dɛɛ nwea laa pɛlɛ nwun nąmu pɔ, yɛ yili ɓa: ‹Nui ŋɛ̨i, ə́ ɲɛ̨i kɛ mą a nɛlɛɛ. Ɓɛlɔwai ŋą həɠə la ɉiɛ ɓa ŋą pai, wali yii ə́ kaa pai gwɛlɛi mąą mɛ̨nį hu, a kɛnɛ̨ a tɛɛ yii ŋɛ̨i ŋį́ dɛɛ ə́ pɔ mai, ŋą bɔi tɛɛ ə́ pɔ.›»

Lukə 20:24

«Nwalii da nįįhɔ̨nwɔ̨ kulɔ la, 'ka pa a da, ŋą gaa.» Yɛ diɛ: «Gbɛɛ mąą nįnįn, da gbɛɛ yee pɔɔ ɓə ŋɛ̨i nwali ɓai?» Di bulu pənə, diɛ mą: «Sesarə ɓə!»

Timote veelɛ 3:15

Ə həɠə ə́ lokolo yələ ɓa ə həli yiihu ɓa, ə́ ɉɛɓɛ́ mąąhəɠɛɛ hu wooɠaa kɔ́lɔn, da pɛli di kili tɛɛ ə́ pɔ, yai a nu lɔ nwun mąąɓo laa hu a nu laa Jesus Kristə la.

M̀ɛni-lɛɛi 6:6

Ɛlɛɛ, ŋą́ woo ta mɛ̨n yɛ kulɔ ɉuwɔ nąąn tii lɔwai, yɛ kɛ mą: «Mɔ̨nun gɔw kəgən ɉu tɔ̨nɔ̨ hɔ̨nwɔ̨ ɓaa: tuwɔ yɛa tɔ̨nɔ̨ wali, ɛlɛɛ, kpai-kɔw gəgən ɉu haaɓa hɔ̨nwɔ̨ ɓaa: Tuwɔ yɛa tɔ̨nɔ̨ wali, yii ɓaa a wulɔ da lɔɔ, 'ká hvo tunwɔ̨n mą.»

Samuɛlə dɔlɔɔ 2:18

Samuɛlə nwɛi, ə kɛi nwɔ kólói kɛ Yai-Laa lííla, ə kɛ kɛa a hulɔnon, kilɛn ɉəɠə kwɛlɛɛ ə ɓo mą.

Samuɛlə dɔlɔɔ 2:26

Samuɛlə nwɛi, ə kɛi kɛnɛ̨, yɛ Yai-Laa da nu haŋąą di lii hon.

Samuɛlə dɔlɔɔ 3:1

Nokolo Samuɛlə yee ə kɛ Yai-Laa nwɔ kólói ɓa, Eli yee mu. Yai-Laa hvo kɛi hvaa kɛlɛ-kɛlɛ nuą pɔ, ə lɛɛ hvo kɛi gbɔwɔ lɛ nuą diɛ nąąlɔwai.

Samuɛlə dɔlɔɔ 3:21

Yai-Laa ə kɛi lɔ nii gbɔwɔ lɛ Silo daai, mąąhɔlɔɓo, Silo ɓə ə kɛi gbɔwɔ lɛ laa Samuɛlə ɓa.