Maafîu 2:5 - Yálá laawoo hɛɓɛ (dc)

⁵ Di nwoo pulu pənə diɛ mą: «Gaa pai hɔlɔɓoi Bɛtleɛmə daai Ɉude lɔi hu. Mąąhɔlɔɓo pələ ɓə Yálá kwəi mɛ̨nį hukulɔ mun ə bɛ̨ɛ̨ la, yɛ mą:

Yálá laawoo hɛɓɛ

⁵ Di nwoo pulu pənə diɛ mą: «Gaa pai hɔlɔɓoi Bɛtleɛmə daai Ɉude lɔi hu. Mąąhɔlɔɓo pələ ɓə Yálá kwəi mɛ̨nį hukulɔ mun ə bɛ̨ɛ̨ la, yɛ mą:

Bible

⁵ Nya ƃe dí mò ma, dîyɛɛi, “Bɛpeleɣɛ̃ɛ, Zuda-lɔii su, kpɛ́ni fêi, bere ƃé Ɣâla ŋɔlóno kɛ́-nuui è bɔ̃̀yɛ la.

Maafîu 2:5 Iomraidhean Croise

Zɛnɛse 35:19

Rasɛlə ə haa, Ɛfrata bələ pɔ, di noo. Ɛfrata laa ta ɓaa a: Bɛtleɛmə.

Maafîu 2:1

Jesus ə hɔlɔɓo Bɛtleɛmə daai Ɉude lɔi hu, a Herodə nwɔ tɔɔlaa yələ. Ɉɔlɔɓoɔ pulu, kilimąą nuą di həɠə hvóló kulɔi pələ, diɛ pa Ɉerusalɛmə.

Maafîu 2:4

Ə ɉaláá laa həli nuą nwun nąmįną da tɔ́n galamɔ̨ɔ̨ɠaa kəlee təli, ə di mąąni kɛ, yɛ diɛ: «Mį ɓə di kɛi pa Kristə kaai laa?»

Ɉaan 7:42

Yaan, Yálá laawoo hɛɓɛ́ ə mo, yɛ mą: Nwun mąąɓomun Yálá ə naakwɛlan mo, gaa pai kulɔi Davidə huwu hu, yɛ həɠə Bɛtleɛmə Davidə pɔ taai.»

Zasua 19:15

Katatə, da Nahalalə, da Simrɔn, Yideala, Bɛtleɛmə; di pɛlɛɛ di kee ɓa, di kɛ a taa kpɛa-kpɛaa pow kɔ́w hveelɛ, da di yee mu taa pɛlɛɛɠaa.

Nwun mąąɓo 17:7

Levi mun da, ə kɛ Bɛtleɛmə daai, Ɉuda nwɔ lɔi hu, ə kɛ laa a nwɛ̨ą.

Rutə 1:1

Ɓɛlɔwai gulaaɠaa di kɛi tɔɔ la Israɛlə lonnii ɲɛ̨i tɔwɔ, nąąlɔwai, pulu kɛnɛ̨ ə too Israɛlə lɔi hu. Ɉuda taa logolo ta ə kɛ laa diɛ kɛ mą: Bɛtleɛmə, hulɔnu ta ə həɠə daai tii hu, yaa, nɛ̨ą da non ɉinąą hveelɛ; di li Moabə lɔi hu, ɓɛi hihɛn a lɛlɛ laa, di hee ɲɛɛ kɔ́wɔ ta hu.

Rutə 1:19

Di nu hveelɛi di lɛɛ di kee pɔ diɛ li Bɛtleɛmə daai. Daai nuą kəlee kwəi ə pili diɛ di mąą mɛ̨nį ɓa, nɛ̨ą kəlee diɛ mą: «Ə́í! A kɛ tii Naomi li?»

Rutə 2:4

Nąąlɔwai, ɉu hvo kpɛli kwɛa, Boozə ə həɠə Bɛtleɛmə, ə pa ɲəi ɲɛa. Ə nwoo pili gbai tee nuą diɛ, yɛ diɛ: «Yai-Laa ə kɛ ka pɔ!» «Diɛ kpɛli diɛ mą: Yai-Laa ə lúwɔ́ too yɛ́.»

Rutə 4:11

Galanɉonŋaa da nuąi kpɔ kɛ laa, gəlee diɛ mą: «Kwaa kɛ a gɛla. Di lúwɔ́ too Boozə ɓa diɛ mą: Nɛ̨ɛ̨nui ŋɛ̨i háákələi pai lɔi ə́ yəi bɛlɛ́n, Yai-Laa ə lúwɔ́ too mą; gɛ́ pələ ə kɛ yɛ Ɉakɔbə nɛ̨ąni hveelɛi: Rasɛlə da Lea. Diɛ ɓə Israɛlə nu huwu hɔlɔɓo. Yai-Laa ə ə́ yee laholoon Ɛfrata lonnii lɔwai, ə ə́ laa tɛ Bɛtleɛmə.

Samuɛlə dɔlɔɔ 16:1

Yai-Laa yɛ Samuɛlə ɓa: «Ə kaa pai lɛɛi Saulə mąą wɔlɔ ɓoi, ə lɛɛ la ɉu mįnɛ̨ lɔwai? Ɲą́ą́ gbinįi ɓə nɛɛ laa, hvo kɛa a Israɛlə tɔɔmun. Ə́ wɔ huwɔ mįnɛ̨i həɠə, ə́ wulɔ pu vɛɛ. Gáá ə́ tɔɔi Ɉɛse pɔɔli, yai gaa a Bɛtleɛmə daai mun; mąąhɔlɔɓo, nonnii lɔwai, ŋą́ą́ da kaa laa, yii mąąnɛ̨ɛ̨ ŋą́ gɛ a tɔɔmun.»