Maafîu 2:13 - Yálá laawoo hɛɓɛ (dc)

¹³ Kilimąą nuą liɛ pulu, Ɉosɛfə ə Ną́mu nwɔ malaka tɔ̨nɔ̨ kaa hį́i, yɛ mą: «Ɉosɛfə! 'Nokoloi ŋɛ̨i da nee di həɠə ə pu a diɛ ka li Eziptə lɔi hu. Ka li, ka lɛɛ laa, ə lɛɛ la ɉu, ŋį́ pənə ŋą ka təli. Mąąhɔlɔɓo, Herodə kaa pai nokoloi ŋɛ̨i kwɛli baa mɛ̨nį ɓa.»

Yálá laawoo hɛɓɛ

¹³ Kilimąą nuą liɛ pulu, Ɉosɛfə ə Ną́mu nwɔ malaka tɔ̨nɔ̨ kaa hį́i, yɛ mą: «Ɉosɛfə! 'Nokoloi ŋɛ̨i da nee di həɠə ə pu a diɛ ka li Eziptə lɔi hu. Ka li, ka lɛɛ laa, ə lɛɛ la ɉu, ŋį́ pənə ŋą ka təli. Mąąhɔlɔɓo, Herodə kaa pai nokoloi ŋɛ̨i kwɛli baa mɛ̨nį ɓa.»

Bible

¹³ Dí liɛɛi, Kúnuu-namui ŋɔkélai dɔnɔ è pà Zosɛ pɔ seêi-pere, ǹyɛɛ mà, “Ímu siɣe í gwâtarai siɣe da ǹee, ka lí Ize-lɔii su ká lɛ́ɛ naa é lɛ́ɛ la zu ŋá ŋóo tɛ́ɛ kâa. Kpɛ́ni fêi, Ɛɛlɔ káa ǹôloŋ kɔ́rîi a gɛɛ e bàa.”

Maafîu 2:13 Iomraidhean Croise

Tɔɔɓɛlaa dɔlɔɔ 11:17

Kɛlaa yaamun, Hadadə da Edɔmə nuą taɠaa di pu, diɛi kɛ Hadadə nąn bɔ a wɔ tínuą. Di li Eziptə Hadadə ə kɛ ni a hulɔnon.

Tɔɔɓɛlaa dɔlɔɔ 3:5

Ɓɛlɔwai Salomɔn ə kɛ nií la Gabaɔn, Yai-Laa ə gbɔwɔ lɛ mą a kpinį hįį pələ, yɛ mą: «Hɛn ə kaa bɔ, 'vɛli mą́ą́, ŋį́ dɛɛ ə́ pɔ.»

Zôo 33:15

Hįį pələ, da mɛ̨nįɠaa lɛ nu ɓa kpinii, ɓɛlɔwai yii kɛnɛ a nua hon na, di ɓo laa ni di wɔ gbinŋąąi ŋa diɛ yii.

Zôo 33:17

ə gɛ, nu ə həɠə nwɔ túwɔ́ pələ ɲɔn bulu, ə lɛɛ, diɛ ɲɔw kpɔɔ ŋąą kɛnɛ ɓa.

Lɛɛ gbɔwɔ ɓa 1:22

Tɔɔmun yɛ nwɔ lɔi hu nuą kəlee diɛ: «Hebreuɠaa da lon ɉinąą hɔlɔɓo, 'ka Nilə kɔ́ la, a kɛ a nɛ̨ɛ̨nu, 'ka nɛɛ a vulú.»

Maafîu 1:20

Yii kɛa giliɲąhiɛi tii ə too mą, Ną́mu nwɔ malaka ta ə mɛ̨nį ɓo mą hįį pələ, yɛ mą: «Ɉosɛfə Davidə lon, hvo ɲɔw Mari həɠəi a ə́ nɛ̨ą. Mąąhɔlɔɓo, gooi tii mąi, Kili-Mąąhəɠɛɛ kɛ mɛ̨nį li.

Maafîu 10:23

Akɛ da ka ɓɛlɛkpɛɛ kaa daa yiihu, 'ka pu, ka li da kpɛli hu. Gáá tɛ̨ą ɓoi kaa, ka hvo pai kpɛɛi a Israɛlə lɔi taaɠaa kəlee hu hiaa Nu Lon yɛ pa.

Maafîu 2:12

Yili pulu, Yálá ə di kilaa pono hįį pələ yɛ diɛ: «Ka hvo pənə ka hvo tɛɛ a tɔɔmun Herodə pɔɔli pələ.» Di tɛɛ a pələ ta kpɛli, diɛ li di wɔ lɔi hu.

Maafîu 2:14

Gbinii tii hu, Ɉosɛfə ə nokoloi da nee di həɠə, ə li a diɛ Eziptə lɔi hu.

Maafîu 2:16

Yii kɛa Herodə ə gbaɠala kaa yɛ, kilimąą nuą daa mowo, nii ə hvoli kpɔ a mɔlɔ. Ə nuą tɔɔ Bɛtleɛmə daai da gwɛlɛ taaɠaa kəlee hu, ə gɛ, di lɛapɛlɛɛ yiiɠaai di kaa kwɛlan gaa tɔ̨nɔ̨ a wala kɛ tii hveelɛ, di di paa, yɛ pələi maageɠaa di nokoloi kaa mɛ̨nį gilaa pono tɛɛ la bɔ.

Maafîu 2:22

Kɛlaa, ɓɛlɔwai Ɉosɛfə ə mɛ̨n na, diɛ kɛ mą, Arselausə ɓə hee Ɉude lɔi nwun na a tɔɔmun, a nąn bɔɔi, ə ɲɔw, hvo li laa. Yálá ə niɛwoo ɓo hįį pələ yɛ mą: 'Li Galile lɔi hu.

Gɛlaɠaa 10:22

Di nwoo ɲąąpənə diɛ mą: «Ɉolahi nwun nąmui a Kɔrnɛyɛ, ya ɓə ku tɔɔ, tələnmomun ni, naa lɛlɛɛ tɛɛi Ɉuifəɠaa lɔwai. Malaka mąąhəɠɛɛ ta ə mo mą, yɛ mąąnɛ̨ɛ̨ ə ə́ təli ɲəi bɛlɛ́n, mɛ̨nįɠaai ə gaa, ə mo yɛ́.»

Gɛlaɠaa 10:7

Malakai tii kɛli mɛ̨nį ɓo Kɔrnɛyɛ ɓa, yii kɛa ə li, Kɔrnɛyɛ ə nwɔ tínuą hveelɛ tɔɔ, da nwɔ holahii tɔ̨nɔ̨, diɛi kɛ ɲee mu. Gɔ́kulaa ti yaa kpɛli ə kɛi ɲɔw Yálá ɓa.

Gɛlaɠaa 12:11

Nąąlɔwai mɛ̨nį ti di gɛ, Piɛrə ə gbaɠala kaa kɛa yɛ kɛ: «Yiihu ŋą́ą́ gbaɠala kaa, ŋą́ą́ gbaɠala kɔlɔn gɛ́ kɛ, Ną́mu aa nwɔ malaka tɔɔ, aa gúlɔ Herodə yəi da Ɉuifəɠaai kɛ bɔ di mɛ̨nį ɲɔ̨n gɛ a ɲą́ą́.»

Gɛlaɠaa 12:7

Gu Ną́mu nwɔ malaka ta ə kulɔ lɔ mą wúlú, gaho pɛlɛ́ mu kəlee ə pono. Malaka ə Piɛrə mąą kɛlɛ, ə ɲɛ̨ilaa ɓo yɛ mą: «'Ə́ muhəɠə ɉa!» Ɲɔwɔnŋąą kəlee di tee ɲee ɓa di pu.

Gɛlaɠaa 16:36

Gaho pɛlɛ́ mɛ̨i kaamun ə nwɛlɛɛ ti ɓo Polə ɓa, yɛ mą: «Nwún nąmįną diɛ, ŋį́ ɓo káá, ká kulɔ, ka ká wɔɔ líɓo liilaa hu.»

Gɛlaɠaa 5:19

Kɛlaa, kwiihąą, Ną́mu nwɔ malaka ə gaho pɛlɛ́ laa ɓo, ə di kulɔ gaho pɛlɛ́ mu, yɛ diɛ:

Gɛlaɠaa 7:19

Dɔɔmun ti ə kɔ pɛlɛ guɔ nąnni diɛ a gbąnąlaa ɲɔ̨nwɔ̨ɔ̨, gwəi kili ɲɔ̨nwɔ̨ pələ gu nąnni pɔ, ə mo diɛ di lon gaa nįnɛ̨ɠaa pili di hvo nəi pa ɓaloi.

Zasua 3:13

Ɓɛlɔwai lɔi kəlee Nąmu Yai-Laa nwɔ mįnɛ̨ kəhi həɠə nuą kɔ́wɔ kaa pai hvilɛn ɉii la ɲái, nąąlɔwai Ɉurdɛn yá a tee ɲələi pələ, ɉu a tee ɉu di tɔwɔ.»

Zasua 3:17

Ɉaláá laa həli nuą ŋɛ̨i Yai-Laa nwɔ mįnɛ̨ kəhi ə kɛ di yəi, di kɛ tɔɔni ɲá kɔ́w ɓa, Ɉurdɛn hąąi, ɲá hvo kɛa kɛ laa. Nąąlɔwai, Israɛlə nuą kəlee di ɲá teen kpɔ tɛ̨ɛ̨tɛ̨ɛ̨? Di kɔ́wɔ mąą kpalaa. Yili pulu ɓə ɉaláá laa həli nuą di ɲa teen na.

Zasua 4:10

Ɉaláá laa həli nuąi ŋɛ̨i mįnɛ̨ kəhi ə kɛ di yəi, di tɔɔ Ɉurdɛn yá hąą, mɛ̨nį ŋɛ̨i Yai-Laa ə mo Ɉosue ɓa, yɛ mo Israɛlə nuą diɛ, di nąą hvɛɛ. Yɛ bələi Moisə ə mo la Ɉosue ɓa; Israɛlə nuą kəlee di di mąąhulɔ, di ɲá teen.

Zasua 4:18

Ɓɛlɔwai ɉaláá laa həli nuąi ŋɛ̨i kɛi Yai-Laa nwɔ mįnɛ̨ kəhi həɠə di kulɔ la ɲái, Ɉurdɛn ə pənə ə laa naai. Ɛlɛɛ yɛ tɛɛ, yɛ bələi ə kɛi tɛɛ la a bɔlɔ.

M̀ɛni-lɛɛi 12:14

Di Kúwɔ koon gbɛa-kpɛaa hveelɛ tɛɛ nɛ̨ɛ̨nui tii pɔ, ə gɛ, ə koon, ə li nɔi pun ɉu, ɓɛi tii di naa pɛli mąą mɛ̨nį ɓa, diɛ gɔ̨nɔ̨n gɛ laa, mąą ə kwɛaa gaaləi tii ɓa, ə lɛɛ ɉu kwɛlan ɉaaɓa da gbulɔ.

M̀ɛni-lɛɛi 12:4

Yələ kwəi pɛmɛ̨lɛ̨n-gɔwɠaa ɓɛlaɓoɔ ɉu haaɓa, nwon ə bələ tɔ̨nɔ̨ tuluun, ə bu nɔi ɓa. Mąąɲɔw-hɛn tii ə kɛ tɔɔni gwəinwąną kɛ nɛ̨ɛ̨nui liila, yɛ a naayɛɛ lɔ, ə nokolo mįi.

M̀ɛni-lɛɛi 12:6

Ya ɓə, nɛ̨ɛ̨nui tii ə pu, ə li nɔi pun ɉu, ɓɛi Yálá ə nąą pɛli mąą mɛ̨nį ɓa, əgɛ, ə lɛɛ laa, diɛ gɔ̨nɔ̨n gɛ, hvóló waa tɔ̨nɔ̨ pulu nwun veelɛ-ɲee-mɛ̨ida yee mu.